//ئەشکەوت//✓

part 18

༼⁠ ⁠つ⁠ ⁠◕⁠‿⁠◕⁠ ⁠༽⁠つ⁩⁦ ♡ (⁠Ӧ⁠ｖ⁠Ӧ⁠｡⁠)⁩⁦ ෆ⁠╹⁠ ⁠.̮⁠ ⁠╹⁠ෆ⁩
|~|~|~|~|~|~|~|~|~|~|~|~|~|

ناریا
بۆچی هەوڵی کوشتنم دەدەن؟!! کێشەم لەگەڵ هیچ کەس نیە کەواتە بۆچی؟!، لە ژوورەکەمم و ڕووناکیەکانم کوژاندۆتەوە بەڵام هێشتا کەمێک ڕووناکە، لە ژێر جێگاکەمم بەڵام گێریۆن و فێنریس وەکو کەسێکی ئاسایی لە ئەرزەکە دانیشتوون و سەیرم دەکەن، ئەوان زۆر سەیرن...هیچ شوێنێکی ڕووخساریان دیار نیە تەنها زڕپۆشێکی ڕەشیان پۆشیوە، وا بیر دەکەمەوە ئەم زڕپۆشەی پۆشیویانە ناتوانێت لابدرێت، باپیرە لە چێشتخانەیە قاوەم بۆ ئامادە دەکات و لە دەرەوە بارانێکی بەهێز دەبارێت.

بە کەمێک ترسەوە وتم: ئایا هیۆن مەبەستم گەورەکەتان...هەموو کات بەم شێوەیە ترسناکە کاتێک هێزەکەی بەکاردێنێت؟!!
گێریۆن: گەورەم تەنها کەمێک لە هێزەکەی بەکارهێنا بەڵام کاتێک تووڕە دەبێت هێزەکەی زۆر دەبێت ناتوانێت کۆنترۆڵی خۆی و هێزەکەی بکات.
ناریا: سامناکە..
دەبێت چ هەستێک بێت؟!!، تەزوو بە گیانم داهات، لە ناکاو تاریکیەک لە ژوورەکەم بەرز بۆوە.

سیللا لە ناو تاریکیەکە بە دیار کەوت، سەرەتا ترسام بەڵام کە بینیم سیللایە ترسەکەم نەما، بە خێرایی لە ژێر جێگاکەمم هاتمە دەرەوە و ڕۆیشتم بۆ لای سیللا، بە نیگەرانیەوە وتم:
هیۆن لە کوێیە؟!!
سیللا بێ دەنگ بوو، لەوانەیە شتێکم لێ بشارێتەوە بەڵام بۆچی، بە بێزاریەوە سەیری سیللام کرد و وتم:
لە کوێیە؟!!
سیللا:...ڕۆیشت بۆ کۆمپانیای هان دۆ هون.
ناریا: چی؟!!!
سیللا:...ئەو پیاوەی ویستی بتکوژێت لەلایەن خاڵتەوە نێردرا بوو.
ناریا: خاڵم؟!! ئەو ڕقی لێم بوو بەڵام بەو ڕادەیەی کە دەیەوێت بمکوژێت؟!! بوەستە...
هیۆن ڕۆیشت بۆ کۆمپانیای خاڵم!!!...دەبێت بیوەستێنم باااپپییرەە!!!!
بە ڕاکردن لە ژوورەکەم هاتمە دەرەوە
بەرەو چێشتخانە ڕام کرد، گێریۆن و سیللا لە چێشتخانە بە دیار کەوتن وەک جنۆکەیەک، بە ژڵەژاوی سەیری باپیرەم کرد و وتم:
باپیرە باپیرە!!!
مین سیۆک: چی بووە؟!! بۆچی بەم شێوەیت؟!!
ناریا: دەبێت هیۆن بیوەستێنین ئەگەر نا خاڵم دەکوژێت.
مین سیۆک: چی بکەین؟!!
ناریا: من دەڕۆم.
ویستم لە دەرگای چێشتخانەکە بڕۆم بۆ دەرەوە بەڵام سوارچاکە ڕەشەکە لە بەرامبەرم وەستا، ئایا فێنریس ڕێگریم لێدەکات لەوەی بڕۆم؟!! ناتوانم بهێڵم هیۆن ببێت بە بکوژ، بە تووڕەی سەیری فێنریسم کرد و وتم:
لەسەر ڕێگام لاچۆ.
فێنریس: بمبورە شاژن.
ناریا: دەبێت بڕۆم بۆ لای هیۆن.
فێنریس: بمبورە شاژن بەڵام فەرمانی پاشایە بتپارێزم تاوەکو دەگەڕێتەوە.
ناریا: پاشاکەت فەرمانی کرد ئاگادارم بیت نەک بەندم بکەیت ئەگەر ئەوەندە جەنگاوەرێکی بەهێزیت کەواتە لەگەڵم وەرە و ئاگادارم بە.
من و فێنریس بەردەوام بووین لە سەیرکردنی یەکتر، فێنریس ڕێگاکەی بۆ کردمەوە زەردەخەنەم کرد و لە چێشتخانە هاتمە دەرەوە، باپیرە هاتە لام و وتی:
ئەوە مەترسیدارە بۆت.
بە متمانەوە وتم: جەنگاوەرەکانی هیۆن لەگەڵمن.
بۆ ساتێک هەستم کرد کە شاژنم، گێریۆن و سیللا هاتن بۆ ناو سێبەرەکەم و وتم: دەمەوێت بڕۆم
فێنریس پرسی: بمبورە بۆ پرسیارەکەم بەڵام ئاساییە شاژن هەڵگرم؟!!
سەرم لەقاند بە مانای بەڵێ و فێنریس منی هەڵگرت، ئەوانە جەنگاوەری بەهێزن بەڵام هیچ هەستێکیان نیە، بە توندی شانی فێنریسم گرت و بە گوێی فێنریس دا چرپاندم و وتم: بمبە بۆ لای پاشاکەم.
فێنریس بە خێراییەکی زۆر ڕۆیشت بەرەو دەرەوە،...قژم کەمێک تەڕ بووە بەهۆی دڵۆپەی باران، لەگەڵ بازدان و ڕاکردنی فێنریس قژم لەگەڵ خێراییەکی دەجوڵا، هیۆن خەریکە دەگەمە لات.