لم تبقي هناك معاناة ألا وتلقيتها منك __ الجزء الثاني

الفصل السادس عشر

" هل انقطعت خيوطنا هنا؟ "

تطلع بأخيه و والده بأعين مدمعه ليصرخ به غيث مجددا وهو يحاول بشدة لايقاظه من غفلته الذي وقع بها بسبب حبه الاعمي
= فوق بقا من الوهم الى انت عايش فيه، لأنها لو كانت بتحبك زي مانت بتحبها مكنتش وقعت على ورق طلاقكم!.

اصابته الصدمة مما سمعه ليظل صامتا ودموعه تجمعت داخل عينيه ليبتلع ريقه ليندفع فجأة على اخيه ممسكا بياقته صارخا
= انت بتقول إيه؟، لا يمكن فريدة تعمل كدا.. لو عملت كده مكنتش هتكون دبلتي في ايدها لحد دلوقت.. فريدة لسه بتحبني زي ما بحبها.

ضحك غيث ساخرا منه ليخرج من جيبه بهدوء تام خاتمها الذي تركته فوق المنضدة في المشفي حينما أتت لزيارته
= دبلتك أهي، فريدة قلعتها من زمان!...

ترك ياقه أخيه وعيناه مصوبة فوق خاتمها ليأخذه برفق متنفسا بهدوء ليكمل غيث بثقة واقفا مستقيم أمامه فقد اقسم على ابعاده عنها فلن يرضي لأخيه الاذية مجددا
= شوفتها جتلك المستشفي كنت انت نايم وقتها.. كنت فاكر انها جت تطمن عليك، بس هي جت عشان تسيبلك دبلتك ...وقالتلي بالحرف اعمل كل الى تقدر عليه وابعده عني.

سقطت دموعه شاعرا بسهام حاد تخترق جسده وتستقر بـقلبه وتحرقه فقد يظن انه بداخلها له ولو ذرة حب تشفع له عندها ولكن أخطأ ليشعر نفسه ضعيفا للغاية أمامهم
جثي فوق ركبتيه على أرضية الحديقة شاعرا بأن قد خارت قواه ولم يعد يتحمل او يصمد أكثر وانه اصبح حطام امام معرفته بأنها قد تخلت عنه ولم تعد تريده فأصبح كل ما يحدث كبيرا عليه ويؤلمه بشدة ليهمس بغضب حاد ودموعه تنزلق
= انا ليه بيحصلي كل ده!، مبقتش قادر اتحمل خلاص.. حاسس بـ نار جوايا، انا اخترت حاجة واحدة في حياتي، اخترتها تكون معايا وتفضل جمبي هو دا كتير عليا ...كتير عليا انها تفضل في حياتي!؟.

اقبض على الخاتم بشدة في راحة كفة ودمعته تنزلق والنيران التي بداخله تشتد وعليه وتكثر به متمتما
= انا مكنتش بسعي في حياتي عشان يحصلي كل ده!، انا مكنتش في وعيي وقتها!! ..انا كنت بخاف آذي شعره منها إزاي هعمل فيها كدا قصد.

ازال دموعه حينما وضع غيث يده فوق كتفه هاتفا
= قصي!.. بإيدك تقدر تنهي كل المعاناة دي.. انهيها وهترتاح صدقني.

امسك اخيه بيده ليساعده على النهوض ثم تطلع بوالده الذي كان حزينا عليه بشدة ليغمغم بهدوء بينما يعانقه
= كفاية!، نهاية القصة دي في إيدك انت.. متعذبش نفسك اكتر من كده، مش هينفع تربط حياتها بحياتك غضب عنها.

اكمل رضوان بهدوء متطلعا بـ غيث وهو يجعل قصي يجلس على الأريكة بالحديقة
= غيث كفاية متضغطش عليه اكتر من كده، سيبه يرتاح شويه.