#زهرة_فؤادي10
مها حولي الزاكي
رسلت ليها بالصفحه الوهميه و قلت ليها يا بت يا تااافه يا رخيصه كيفك ؟ ان شاء الله ما تكوني كويسه
طبعاً عشان ما مصادقاها الرسايل دي يمكن ما تظهر ليها إلا في طلبات المراسله الما معروف حـ تفتحهم متين ، عشان كدا دخلت صفحتها و علقت ليها على آخر بوست ، قلت ليها يا توته ممكن تشوفي الإنبوكس حقك ضروري ، المهم بعد حكاية دقيقتين ردت علي و قالت لي انتِ متخلفه ولا شنووو ؟؟ منو انتِ أساساً ، قلت ليها ما مهم أنا منو المهم انو تعرف انك وحده واطيه و رخيصه و عديمة تربيه و ما عندك أهل يلموك ....قالت لي إحترمي نفسك يا وسخه يا بت الشوارع ، قلت ليها شوارع اليبيدوك فيها يا جزمه ، قالت لي مالك يا زباله في شنو ؟؟ فهميني منو انتِ و عايزا شنو ؟؟
قلت ليها عايزاك تبطلي خفه و تخلي أولاد الناس في حالهم ، بعد شويه حأرسل ليك قروش ياريت تمشي و تشتري ليك بيهم كرامه لأنو شكلك مفتكره الكرامه كوم لحم ، قالت لي أحسن ليك يا بت ال..... طبعاً اللفظ بتاعها دا كان كعب كعب شديد وجعني جنس وجع !!
قلت ليها احسسسن ليك ، قالت لي انتِ وحده بت......و يلعن.....و في الآخر سبت لي و خلعتني بالألفاظ القعدت تقولها لي !! إتخلعت طبعاً لأني ما إتوقعتها خالص تقول ألفاظ كعبه زي دي ! قلت ليها ألفاظك الزباله دي بتعكس عدم تربيتك و البيت الطالعه منو ، قالت لي تطلع روحك يا..🤬..قلت ليها لمي نفسك و لسانك الوسخ دا ، قالت لي ما بلموا يا......انتِ أهلك لموك عشان تجي تقولي لي لمي نفسك !؟ هه أهلك ذاتهم بكونوا عايزين زول يلمهم ، أكيد تافهين و واطين زيك..... طبعاً أنا هنا وصلت الحد من الغضب ، قلت ليها أهلي خط أحمر يا عديمة التربيه ، انتِ وصمة عااااار و وحده زباله ما عندها وليان ، قالت لي ايي ما عندي ولياااان و أنا وحده لاااافه ساااي كدا بس ، قلت ليها واضح ، قالت لي محسساني انك الشريف الرضي ما تلقاك وحده رخيصه ولافه زي لفي دا و أهلك ما عرفوا يربوك زيي ، هه أهلك ذاتهم ما لقوا اليربيهم....... طبعاً هي عشان قلت ليها أهلي خط أحمر بقت تشتمهم عشان تضايقني ، رسلت ليها صورها و قلت ليها شوووفي حأعمل فيهم شنو 😈
أصبري لي بس ، و بكرا لمن تطلعي من بيتكم ما تنسي تسوقي معاك زول يقدمك عشان ما معروف يمكن يجيك بتاع موتر فجأه كدا و يضربك بـ ساطور أو أثناء ما انتِ راكبه مواصلات تجيك رصاصه طاااايشه ، أو و انتِ راجعه بيتكم يلقوك شلة حراميه شايلين سكاكين و يعملوك شاورما
قالت لي مفتكره انك بتخوفيني بكلامك دا ؟؟
قلت ليها أكيد لا ، البخوف شنو ؟؟ ما كلها طعنه طعنتين كدا بالسكين و انتهى الموضوع 💁
بعد رسالتي دي ما ردت علي ....قلت الحقيره لو ما خليتها ترجف من الخوف ما يكون إسمي مها ، أنا الواجعني إنها اساءت لأهلي و قالت ألفاظ كعبه شديد ، قربت أبكي والله ، قلبي وجعني شديد ....تاني ما رسلت لي خالص ، هديت نفسي شويه و قلت فوق ما هي رخيصه و تافهه طلعت دنيئه و ألفاظها كعبه ، ما عارفه ناصر حب فيها شنو !! وحده لسانها أوسخ من مجاري الصرف الصحي!!
بعد حكاية خمس دقايق كدا لقيتها مرسله لي ، قالت لي شوووفي طلبات المراسله حقتك يا حيوانه يا بت الحـ**رام
طبعاً حسيت بطعنه في نص قلبي بسبب نبذتها دي ، لمن دخلت طلبات المراسله لقيت ناصر مرسل لي ، قال لي يا بت الناس مالك في شنو نازله في الزوله دي نبذ و ألفاظ كعبه !!؟
قلت ليهو شكت ليك بالسرعه دي !! قال لي منو انتِ و عايزا منها شنو ؟؟
قلت ليهو هي العايزا شنو من حبيبي ، قول ليها تخليهو في حالو عشان ما أبقيها شاورما ، طبعاً قلت حبيبي عشان ما يعرفني لو قلت راجلي ....قال لي إحترمي نفسك يا بت الناس ، قلت ليهو الإحترام دا علمو لـ حبيبتك الزباله دي ! ما عارفه مستحمل العفن دا كلو كيف ، دي وحده رخيصه و بتلف و بتدور حولين الأولاد و واضح إنها بتلعب بيك ، قال لي خليك مني و ركزي مع حبيبك ، قلت ليهو هي مخليانا في حالنا عشان أعرف أركز معاهو !! كلمها تلم نفسها عليها ، قال لي أنا عارف هي شنو انتِ اللمي نفسك ، قلت ليهو دقايق طيب.....طلعت من محادثتو و دخلت محادثتها و عملت إسكرين شوت للنبذ و الكلام القالتو لي و رسلتو ليهو ، شافهم و ما رد ، قلت ليهو شااايف المحترمه دي بتقول في شنو ؟؟؟
قرا رسايلي و ما رد علي ...
من جانب تاني :
ناصر لمن شاف الإسكرين شوت اتصدم و اتضايق من الكلام القالتو توته ، رسل ليها الإسكرين شوت و قال ليها دي شنو الألفاظ البذيئه دي يا تاليا !؟؟ من متين انتِ بتتلفظي بألفاظ بنات الشوارع دي !!؟ أنا مصدوم فيك !! لا و كمان بتكذبي و بتقولي إنو هي النبذتك و اساءت لأهلك و قالت ليك ألفاظ كعبه !! رسلتي لي إسكرين شوت لأول رسايل ليها و تهديداتها بس و قلبتي الطاوله !!
قالت ليهو ناصر والله هي الإستفزتني و خلتني اقول ليها كدا ، أنا البت دي ما بعرفها والله و اول ما رسلت لي وقعت فيني نبذ من دون مقدمات و أنا ما فاهمه حاجه ، أيوه عارفه الألفاظ القلتها ليها ما كويسه بس غصب عني والله ، هي كمان قالت إني ما مربيه و ما عندي وليان و كدا بتكون اساءت لأهلي و أنا ما برضى فيهم ...بس لو زعلت مني فأناآسفه يا ناصر ، أخد نفس عميق و قال ليها تاني ما تقولي كدا يا توته و البت دي أنا حـ اتفاهم معاها و انتِ إياك ترسلي ليها و لو رسلت ليك ما تردي عليها ....قالت ليهو حاضر...
