في المساء بالتحديد في الساعة العاشرة
دخل من الابواب لينظر لـ يمينه ليجد مكان لتناول الشراب و خشبة مسرح للرقص و علىَ يساره يوجد الكثير من الاشخاص و أضواء الليزر تضئ مربع الرقص ليجد صديقه يظهر علىَ المسرح بينما يُغني مع الأغنية و يرقص بمتعه:
" مش فاتح تاني الباب ده انا كل ماجايبي هباب، إزاي انا هونت عليهم و دي خلقة يا ناس تتساب؟ "
ليقول صقر بسخرية:
" و هي دي خلقه أصلا يا اخي اتقي الله "
أردف حديثه الساخر و هو ينظر حيث صديقه يرقص و الكثير من الفتيات حوله:
" اختياراتي مدمرة حياتي ... حياتي... اختياراتي مدمرة حياتي كده ليه "
ليقول صقر بينما يضع قدم فوق الاخري و يلوي فمه:
" و قال هي مدمرة حياتك بس ما هي مدمرة حياتي معاك يا وش الكوارث كلها "
ليقاطع حديثه مع نفسه جلوس فتاة امامه ترتدي ملابس ضيقة و قصيرة بشدة قائلة:
" هاي "
لينظر لها صقر و يضع يده تحت ذقنه قائلاً في ذاته:
" دي لابسه بس مش لابسة استغفر الله يا جدع استغفر الله "
لتقول الفتاة:
" قاعد لوحدك ليه يا قمر ما تقوم ترقص "
لينظر لها بحاجب مرفوع و يقول بحنق:
" و ارقص ليه ياختي كنتِ شايفاني جوهرة و هقوم احي الليلة؟! "
لتبتسم و تهز رأسها بلا قائلة:
" متتعصبش كده يا قمر انا مقصدش...طب تعال ناخدلنا كاس سوا "
لينظر لها بإمتعاض و كان علىَ وشك الرد عليها لكن قاطعه تدخل حازم قائلاً:
" اوعي بقاا ايه الحلاوة دي انا طول عمري اعرف إن الحلويات بتتباع عند الحلواني بس اول مره اشوفها قاعدة معانا عادي كده "
و ما إن اردف حديثه حتىَ نظر له صقر بسرعة ليجد الفتاة تقول:
" يا بكاش قُلت الكلام الحلو ده لكام واحدة قابلي "
لينظر حازم في عينيها بهيام و يقول:
" ولا واحدة ده انتِ قطعة فريدة مفيش منك تاني "
و كانت الفتاة علىَ وشك الحديث حتىَ قاطعه صقر بقوله:
" لا انا اقوم امشي و اسيبلك الجو انتَ و هي...يا جرسون هاتلنا اتنين لمون و شجرة هنا للحبيبة "
و ما إن أردف حديثه حتىَ نظر له حازم بطرف عينه:
" يا صفرا ياللي شاغلة بالك بيا "
ليعتدل صقر في وقفته و يطوي أكمام قميصه:
" تعال كده بقا عشان انا ساكتلك من الصبح و هطلع عليك الجديد و القديم "
أردف حديثه و هو يجذب حازم من ياقته و كانت ردة فعل حازم إمساك شعر صقر و جذبه بقوة
