كانت تقف امام باب منزلها بهدوء و إرهاق بعد يوم طويل تنتظر حتىَ تفتح لها أختها باب المنزل و يحدث بالفعل ما كانت تنتظره و تجد أختها تقول:
" كنتِ فين ياختي ده كله؟! "
اصدرت كارما تنهيدة تعب قائلة:
" روحت وصلت المذيعة اللي ما تتسمي دي للدكتور حازم و بعدها روحت المستشفى طلع عيني بجد "
أردفت حديثها بينما تدخل للمنزل لتقول دينا بتعجب:
" ليه حصل ايه يا نحمده؟! "
أردفت دينا حديثها بينما تنظر لـ كارما التي ألقت بجسدها علىَ الأريكة
لتقول كارما بهدوء:
" ياختي ده طلع بيطلع من تحت السواهي دواهي "
جلست دينا بجانبها بينما تنظر لها بتركيز قائلة:
" مين دي ولا ده حصل ايه؟! "
و كانت كارما علىَ وشك الحديث حتىَ سمعت صوت يصدر من التلفاز يقول:
" كان معكم زاد الصاوي من برنامج خبر عاجل نراكم في حلقة جديدة من برنامجنا "
لتفتح عينيها بوسع و تقف بسرعة بينما تُشير عليها بإصبعها السبابة قائلة:
" هي دي وربنا هي دي... محدش يصدقها دي مياة من تحت تبن دي "
لتنظر لها دينا ثوانٍ قائلة:
" انتِ تعرفيها؟! "
لتنظر لها كارما بسرعة و تهز رأسها بنعم قائلة:
" عز المعرفة "
لتعقد دينا حاجبيها قائلة:
" يعني هي كدابة؟! دي كانت بتتكلم عن دكتور اتهمه عمه إنه قتل ابنه "
لتستدير كارما لها و تنظر لها ثوانٍ و تهز رأسها بلا قائلة:
" دي الحاجة الوحيدة اللي مش كذب اصل الدكتور اللي اتكلمت عنه ده انا كنت معاه في غرفة العمليات "
و في ثوانٍ كانت تعتدل دينا في جلستها و تنظر لـ كارما بعيون تملئها الفضول:
" تعالِ اقعدي كده و فهميني حصل ايه و هل هو قتل ابن عمه فعلا ولا كل ده كذب؟! "
لتتنهد كارما بهدوء و تقول:
" كان جاي عنده نزيف شديد و الدكتور حازم كتر خيره وافق إنه يعمله عمليه كـ محاولة لإنقاذ روحه لأن لو كان اتساب شويا كمان كان هيموت لان النزيف ادي لـ وقوف المخ يعني مش مات بسبب خطأ طبي ولا الدكتور حازم قتله عن قصد "
لتنظر لها دينا ثوانٍ معدودة و تقول:
" غريبة يعني اول مرة اشوفك بتدافعي عن راجل بالإصرار ده "
نظرت لها كارما ثوانٍ و جلست بجانبها قائلة:
" لا عادي اصل هو ده اللي من بعد ما مشي و اللي هو يا صغيرة علىَ المرمطة يا لوزة "
لتبتسم دينا بهدوء ولطف قائلة:
" و ده من ايه يا لوزة؟! "
لتتنهد كارما قائلة بحنق:
" ما حضرتك انا كنت شغالة تحت ايده و لما مشي ملقوش ليا مكان فاضي اشتغل فيه فا بقيت موجودة في الطوارئ اللي كل اللي بيدخلوها هيموتوني ناقصة عمر و فين و فين لما يفتكروا إني المفروض اشتغل في قسم جراحة يقوموا يدخلوني معاهم اوضة العمليات كده من باب جبر الخواطر مش اكتر "
