بعدما ألحّت ياسمين ودينا بشدة، خرجت من غرفتها وهي تعترض:
"أنا مش عايزاه هو بالغصب ولا ايه؟! "
دفعتها دينا برفق مشيرةً إلي الخارج، وهي تقول بإنزعاج :
" ما تتنيلي تخرجي وانتِ ساكته مش كفاية إني مخلياكي تخرجي بلبسك ده "
نظرت إليها كارما بغضب وقالت بصوتٍ منزعج وحرقة :
" وماله لبسي بقي ياحبيبتي... والله احلف مخرجش خالص "
ضربتها ياسمين على رأسها بقوة وهي تتحدث بصوتٍ حاد:
" جرا ايه يابت انتِ، هو محدش قادر عليكِ ولا ايه ما تتلهي واخرجي بدل ما وربي ادخلهولك لحد هنا "
لم تمضِ لحظات عدة حتي كانت ترتفع شهقة كارما في المكان وهي تضرب صدرها بقوة من الصدمة، وتنطق بصوت متسأل :
" تدخلهولي هنا اللي هو فين؟! اوضتي؟! هو انتِ عبيطة يابت ولا عندك خال أهبل في العيلة؟؟ "
علت بسمة هادئة ونظرة واثقة على محياها وهي تنظر إليها بتحدي، وتقول:
" تحبي تشوفي بعينك يابنت فايزة؟! "
نظرت لها كارما بغيظ شديد وهي تتفحصها من الأعلي للأسفل وتقول:
" باين عليكِ اتجننتي بسبب حبيب القلب اللي خلاكِ تقلبي ديك صيوح "
تنهدت ياسمين بهدوء وهي تلعب في خصلات شعر كارما، ثم قالت:
" اول مرة تعرفي ولا ايه؟!... مع إنها معروفة الست تتجوز عاقلة تطلع مجنونة وهبلة ده شيء طبيعي "
نظرت لها كارما بحقد وقالت بصوتٍ غاضب:
" ما طالما انتِ عارفة إن الجواز للمجانين بس عايزة تدبسيني ليه؟! لا والأنقح كمان إنه حازم اللي لو اتهبلت في عقلي واتجوزته هيدخلني بعدها بيومين العباسية "
ابتسمت ياسمين بهدوء وقالت:
" ده دكتور حازم ده عسل بس انتِ شوفي قلبه وروحه مش المظهر الخارجي اللي عبارة عن حبه للنسوان "
نظرت إليها كارما بإستنكار وكانت على وشك الحديث لكن قاطعتها دينا وهي تقول:
" لا يا حيلتها منك ليها مش هنقعد هنا نتودود ونسيب الناس برا كده "
جلست كارما على فراشها وهي تضع قدم فوق الأخري وتربع يديها على صدرها:
" مش هخرج واللي يقدر يخرجني يجي و يفرجني "
تنهدت دينا من عناد اختها الصغري وقالت بهدوء:
" مينفعش يبقي في بيتك وتطرديه دي اسمها قلة ذوق وقلة رباية وقلة أدب وقلة كل حاجة... انتِ تخرجي تقعدي معاه زي البنات المحترمة برا وبعدين قولي إنك مرتحتيش ومفيش قبول سهلة أهي سهلة أهي "
رفعت كارما حاجبها الأيمن وقالت بسخرية:
" وعلى اساس امك هتسيبني في حالي لو عملت كده دي مش بعيد ترميني من البلكونة... من الاخر مش هخرج وكلمتي مش هتنزل الأرض أبدًا يابنت فايزة "
