دخلت المكتب بسرعة قائلة:
" بقولك ايه يا راجل انتَ "
ابعد نظاراته الطبية بهدوء و نظر لها:
" هو في حد بيدخل مكتب حد زي البهايم كده؟! "
و ما إن سمعت كلمة بهائم حتىَ شهقت بقوة:
" انا بهيمة يا صقر الكلب؟! "
و ما إن سمع صقر سبها له حتىَ وقف بسرعة:
" انتِ بتشتمي مديرك يا ياسمين؟! "
لتنظر له برعب بينما تبتلع لعابها و تقول بعناد:
" ايوا بشتمك "
ليقول صقر بغيظ بينما يتحرك من خلف
مكتبه:
" ده انتِ نهارك اسود... نهارك اسود "
لتنظر اه ياسمين بثقة و لم تتحرك من مكانها:
" بقولك ايه يا راجل انتَ متفكرش إن الشويتين بتوعك دول هيخيلوا عليا لا ده انا ياسمين و الأجر علىَ الله "
ليتوقف صقر مكانه ينظر له بسخرية:
" هو في سكرتيرة محترمة تقول الكلام ده؟! "
لتقلب عينيها بملل في المكان:
" بقولك ايه من غير لف ولا دواران انا عايزة اخد اجازة اسبوعين "
لينظر لها صقر ثوانٍ و يقول بسخرية:
" ليه هتوضعي ولا ايه؟! "
لتقول ياسمين بعدم فهم:
" ايه هوضع دي ياسطا "
ليقول بينما يتحرك ليجلس علىَ الأريكة في
" بعيدًا عن يسطا اللي عايز اديكِ بعدها كف يجيب اجلك بس يعني اجازة وضع "
لترتسم بسمة ساخرة علىَ محياها:
" سبحانه...تصدق إني كده عرفت يعني ايه اجازة وضع "
ليضع صقر قدم فوق الأخرة و يرجع ظهره للخلف قائلاً:
" مش ذنبي إنك جاهلة مش بتفهمي "
و ما إن إخترقت كلماته غشائها الطبلي حتىَ تقدمت عدة خطوات و وضعت يدها علىَ مكتبه بقوة:
" بقولك ايه يا راجل انتَ يا تديني اجازة بما يرضي الله يا بردو هتديني اجازة بما لا يرضي الله فا خلي يومك يعدي علىَ خير بدل ما اخلي وشك القمر ده يقلب شوارع دلوقتي "
و في ثوانٍ أصدر صقر شهقة عالية و يقف بسرعة:
" لا بقولك ايه يا بت انتِ مش عشان بتكلم معاكِ حلو تفكريني متربي لا اقفي معوج و اتكلمي عِدل...ده انا اصلا مشوفتش بربع جنية تربية يعني لساني لو مسكك هيمسح بوشك الاسفلت رايح جاي "
ظلت ياسمين واقفة بصدمة مما سمعته من مديرها و كانت علىَ وشك الرد حتىَ وجدته يجلس مكانه مجددًا و يقول بهدوء شديد:
" روحي بقا هاتيلي كوباية قهوة مظبوطه و تعالِ "
لتقول ياسمين بإعتراض:
" لا سكوزمي انا مش جاية اخدمك هنا...و بعدين يعني هو انتَ كنت اتشليت ما تقوم تجيب لنفسك "
