ماهويت الا وصالك ومالي بغيرك طموح

part1

-
سَـأبقىٰ أُحبُّكِ ، راحِلًا إليكِ . إن كانَ فِي المَاء فلا إخشى الغَرق وإن كانَ فِي اليابسة فلا أهابُ سيوفَ الطرِيق .
-
"الساعه العاشره صباحاً"
⋘فِـي المُستشفى ⋙
ام روين؛ دقي خل احد يجي يشوف وش جاه ابوك معاد فيني اتحمل
روين بتوتر؛ ماما حبيبتي هدي اعصابك ان شاءالله انه طيب بس انتي هدي لا يجيك شي والحين بشوف دقيت على عمي وسام مايرد
ام روين؛ وين رائف ؟؟
روين؛ وديته عند جارتنا والحين تطمنت عليه
ام روين؛ روحي جيبه ولا اجلسي معه في البيت
روين ؛ واتركك مع ابوي وانتي بالحاله هذي
ام روين تجلس على الارض وتصيح
روين القوه الي متمسكه فيها بدت تنهار
نادت على ممرضه دخلت امها الغُرفه تطمنت عليها
وطلعت حديقة المستشفى تتصل على عمها
وسام ببتسامه ؛ حي الصوت
روين وصوتها رايح؛ وسام
وسام فز من مكانه؛ وش فيك
روين عيونها كلها دموع ؛ ابوي تعبان وديناه المستشفى
وسام ؛ وش جاه؟؟
روين ؛ مادري الدكتور باقي ما طلع من عنده
تكفى تعال
وسام ؛ ابشري الحين اجيك
روين؛ انتبهه لطريقك ياقلبي لا تسرع
وسام ؛ ابشري يلا انتبهوا لكم مسافة الطريق
طلع وسام من غرفته بسرعه

الجَده نُوره جالسه بالصاله تشرب قهوتها؛ وش فيك طاير
وسام مرتبك؛ ها ولاشي بس عندي شغل
الجَده نُوره؛ وش شغله وانت تقول تبي تريح اليوم
وسام؛ اخذت اجازه عشان محمد مكلمني اروح اساعده بكم شغله بس ان شاءالله مرح اطول بكره بعده واجيك
الجَده نُوره؛ يوم انك تبي تروح الدمام وراه ماصحيت من بدري؟؟
وسام مستعجل يحب راسها؛ معليه معلي شي ان شاءالله يلا فمان الله
الجَده نُوره ؛ الله يحفظك يا وليدي وطمني عليك
وسام طالع من البيت؛ ابشري ريحي نفسك مابه خلاف
الجَده نُوره تكلم نفسها؛ والله ان قلبي ناغزني بشي بس الله يجعله خير
-
‏"مـن يسكُن القلب لن يرحل مهمآ كان بعيداً تلك هي احدى أبجديات الحب الحقيقى"
-
مُصعب؛ لا حول ولاقوة الا بالله وشلونه الحين؟
وسام ؛ والله مادري انا على خط الدمام رايح لهم
مُصعب؛ الحين اكلم مُهاب يجيك انا عشان ابوي م اقدر
وسام؛ لالا اصلاً لا تعلم احد تكفى
مُصعب؛ بكلم مُهاب وعيال غسان الي يمديه يجي
وسام؛ ماله داعي خل مُهاب يجي بس عشان انا م اقدر اخلي عياله وحدهم في البيت
مُصعب؛ يلا زين طمني عليه
وسام ؛ ابشر ابشر بس اهم شي امي لاتعلمها
مُصعب؛ تمام

فَي الجامعه؛ بعد الظهر
ملك؛ ماصارت والله تأخر السايق
لُجين ؛ علمتس بس انتي مَ طاوعتيني
ملك؛ انتي انهبلتي تبين مُهاب يحش رجليني
لُجين ؛ وش فيها لو طلعنا مع تكسي ولا فاعل خير
ملك؛ هذا انتم غير عنا حنا مُهاب ميحب الحركات هذي
لُجين؛ وانتي وش عليتس منه اهم شي ابوس راضي
ملك؛ لا والله مب صاحيه انثبري مكانس لين يجي مُصطفي
لُجين؛ اخوك ذا يبي من يكسر راسه
ملك تناظرها بطرف عينها؛ لا والله الا يخاف علينا
لُجين؛ اسكتي بس

الجد سطام دخل البيت وبيده اغراض؛ نُوره يا نوره
الجده ؛ نُوره وش فيك
الجد ينزل الاغراض ؛ نادي الخمه الي في المطبخ يجون ياخذون الاغراض ذي
الجده نوره بعصبيه؛ وش فيك انت تراهم بشر زينا
الجَد ؛ وانا وش قلت الحين
الجده نُوره ؛ حريم عيالك هنا وانا قلبي مو متطمن
الجد ؛ قلبس مو متطمن من وجودهم وراه؟
الجده؛ قصدي مب تسذا اول مره يجوني وم اشوف عيالك
الجد يجلس على الكنب ؛ مابه شي جيبي لي شي اشربه بس
جت حصه حبت راس عمها؛ تأمر على شي اسوي لك شي
الجد يبتسم لها؛ سلامتس يا بنتي وين منيره ؟
حصه؛ في المطبخ تشيك على الغدا
الجد : الله يعطيكم العافيه
حصه ؛ الله يعافيك الا متى يجون العيال ؟
الجَد؛ كنان المهبول كان عندي في السوق تركني وذلف لكن انا وراه
حصه بفشله؛ ويه الله يفشل العدو اسمحني يا عمي
دخل غسان يسلم على ابوه وامه وجلس
الجد؛ وين الباقين ؟؟
غسان بركبه؛ جايين الحين
الجد ؛ وين الحين قدنا العصر؟
غسان؛ وسام وكنان ومهاب على طريق الدمام
ومعصب والباقين يخلصون كم شغله بس
الجد معصب؛ وانا مالي قدر ولا قيمه يعطوني خبر!
غسان؛ الحين يجي مُصعب يعلمك
الجد؛ والله ان ماحكيت لـ احك ظهرك بالعصا الي بيدي
الجده؛ هو بزر تقول عنه تسذا؟؟
غسان ؛ ماعليه محمد تعب شوي وراحوا يتطمنون عليه
الجده بفزعه؛ انا ادري والله قلبي كان حاسسني بس محد يعلمن
الجد؛ اسكتي انتي يا مره خلينا نفهم وش فيه
غسان؛ مافيه الا العافيه ان شاءالله
-
,
تارة تمكُث فوق صدرك الفراشات
وتارة تشعر بثقل الأفيال!
وإنّها أيام وتمضي.
-
,
ملاذ تجفف شعرها ؛ الله ياخذه أن شاءالله مت من الحر
ملك تقفل علبة المرطب؛ تخيلي وش بس الاسوء من ذا كله
ملاذ تتربع على الكرسي؛ وشو؟؟
ملك ؛ لُجين المهبوله تبيني اطلع مع واحد م اعَرفه،
مَلاذ تفك عيونها ؛ يويلي تربية عمتي ذي خربانه
ملك؛ ياخي احسهم ثقيلين طينه
مَلاذ ترمي ظهرها على ورا؛ يا زين لمى والله ماتستاهل العائله ذي
ملك؛ اي والله صادقه حليله
فجأه انفك باب الغرفه ودخلت مرام وعيالها؛
ملاذ ؛ بسم الله داخله حضيره انتي؟
مرام؛ وين امي؟
ملك؛ عند جدي
مرام بفجعه؛ هو بعد تعبان؟
ملاذ؛ بعد؟! ومين الي تعبان؟؟
مرام؛ مادريتم؟
ملاذ بعصبيه؛ لا مادرينا تتكلمين اقساط انثري الي بداخلك واخلصي علي
مرام طقتها على راسها؛ ماتستحين على وجهتس اختس الكبيره انا
ملك؛ قولي اخلصي علي
مرام تجلس ؛ عمي محمد تعب والعيال راحوا لمّه
ملاذ ؛يا حياتي يا روين الحين مختبصه
ملك؛ عشان كذا اشوف الكل مختفي الله يشفيه يارب
مرام تصرخ على عيالها ؛ اصصص اطلعوا برا راسي انرج
ملاذ تدفها؛ اخرجي معهم انتي بعد بريح
ملك؛ بتنامين صدق؟؟
ملاذ؛ وش اسوي يعني؟
ملك ؛ دقي على روين شوفي وش اخباره
مرام ؛ ايه دقي يلا رح ترد تعتبرك توأمها
ملاذ ؛طيب طيب
اتصلت ملاذ جت بتقفل ردت على اخر الثواني
ملاذ؛ هلا روين
روين طالعه من الغرفه عشان ماتصحي امها؛
روين؛ هلا فيك -
مَلاذ؛ شخبار عمي
روين والدموع بعيونها؛ يطمني الدكتور بس انه مخلاني اشوفه منتظرين وسام يجي
مَلاذ؛ الكل بيجي
روين؛ ماله داعي بس انا قلت عشان اجرائات وكذا-
ملاذ؛ وخالتي وشلونها!
روين تنهدت؛ والله حالها مايسرك وانا يالله ماسكه نفسي عشان رائف
مَلاذ؛ معليه كل شي تمام انتي بس خلتس قويه عشانك وعشان اميمتك
روين؛ سلمي على البنات
ملك ؛ سلمتي ياقلبي حنا معك
روين؛ الله لا يخليني منكم
مَلاذ ؛ يلا م اطول عليتس طمنيني زين
روين؛ ابشري
بعد ما قفلت ملاذ من روين
ملاذ؛ يلا الحين اذلفو عني
مرام؛ والله حلاا الي يمحط ظهرك بالعقال
ملاذ؛ تخسين
ملك؛ لا حول ولا قوة الا بالله انتم خوات ولا ضراير
مرام؛ ويه ويه بسم الله علي
__
،
على خط السفر
كِنان يمد لـ وسام مويا
وسام؛ تشرب من نهر الجنه يارب
كِنان؛ امين يارب،مافي اخبار شي؟
وسام ؛ لين الحين مافي هانت باقي 15 دقيقه ونوصل آن شاءالله
كنان؛ مُهاب وين صار؟
وسام ؛ قريب منا، مسكين طلع على تعب
كِنان؛ ماله داعي كان ريح وضياء يجي
وسام؛مُصعب الله يهديه يا يجي هو يا مُهاب
كِنان؛ يلا الله يجعل الجاي افضل
وسام؛ امين