ماهويت الا وصالك ومالي بغيرك طموح

Part 20

معليش اذا البارت قصير بس ما حبيت اطول اكثر من كذا قرائه ممتعه (الي تقرا تضيفني وتعطيني رئيها بالروايه 🥺😔💕)

"
قبّلني ، وَ كأنك تعتذر لي عن سوء الأيام
التي مرّتني دونك"
-
صحيوا من بدريِ بعد ما صحاهم الجَد سَطام لصلاة الفجر الشبابَ صاحين والنُوم بعيونهم لفَ سَطام عليهم وضرب عصاه في الأرض ؛ انتَ وياه فتح عينك وصحصح تعرف وش تقول لربكَ
وقفَ مُصعب في الأمام عشان يأم فيهم بدت الركعه الأولى وضياء كان متأخر جى مسرع يبي يلحق تعرقَل في حذيانهم الله يكرمكم ، وطاح قدام كِنان و وسَام كنان طلعتَ منه ضحكه وكتمها ووسام مسك نفسه غصب ، قام وهو متكسر وكبر وكمل معاهم الصلاة بعد م انتهوا مِن الصلاه لف الجَد على وسام وكنان وهو معصب ؛ ماتخفون الله أنتم مافي إحترام لـ ربيِ وش هالضحك !!
كِنان ؛ حاولت امسكها ياجديِ والله ماقدرت
الجَد سَطام بحّده ؛ الصلاه مافيها لعب ومزح ولا استهانه 
كِنان يناظر ضياء الي يضحك عليه ورا ابوه ؛ انا أعتذر اخر مره
الجد يناظر هَيثم ؛ قم جيب أمك العله وتعال انا مادري وش مسوي عشان الاقيِ هذي المصيَبه
هيثم وقفَ ينادي امه ؛ إن شاءالله
-
ثناء ومنيره فيِ المطبخَ يجهزون الفطور ؛-
جت حصه تساعدهم ؛ الحمدلله ان ربيِ كشفها وستر على عيالكَم
منيرة ؛ ايه والله نحمد الله ، يا بعد قلبي يا مُهاب ماتهنى بأيمه الحُلوه
ثناء ؛ اهم شي انه بخير وكل شي بيزين
حصه ؛ اي والله صدقتيِ
تَرف جت عندهم وهي باقيِ فيها النوم ؛ جدتي تقول هاتَ الفُطور وسفره وحده لأنهم رايحين مع عمتي الهَنوف الديره
حصه ؛ طيب عطيهم هذي جاهزه ياكلونها بالطريق وعطيهم ترمس القهوه
تَرف ؛ يمه حطيه بصحن كبير مره وحده مافيني اروح واجيِ
حصه بحّده ؛ شلون يعنيِ بيطيح ترمس القهوه ودي ذا وارجعيِ كسوله
ثناء ؛ يلا انا بشيل معك اساعدك لين برا
تَرف ؛ يا حياتي يا خالتيِ مادري امي ليه تحب العنف
منيره ؛ كل ام كذا تشد شوي عشان تسمعون الكلام
تَرف ؛ بلعكس تكون رئوفه وانا بسمعها على طول
طقتها أمها بخفيفَ على كتفها ؛ كذا تمشين
ترف ؛ ييييممهه
حصه ؛ اقول امشي قدامي بس
-
كانتَ واقفه عند المداخل تسمع جدها يحاكيها ؛ بإذن الله ما ارجع الا وانا مطيبَ خاطرك وملاقيَن بلا عمتَك الله يتوب عليها بس .
رويـن باستَ راس جدها ؛ بإذن الله وانتبهوا على مهلكم
الجَد سَطام بحنية ؛ يا اميِ انتي على الظروف الي فيها متحمله وصابره
رويـن ببتسامه ضربت صدره بخفه  ؛ افا ياجدي حفيدة الغاليِ شلون ماتبينيِ اصبر واتحمل احنا ما نشيل ألا الثقيل ماعليكَ
ضحك الجَد سَطام وهو يبعثر شَعرها ؛ كفو عليك
-

عيناكِ كشوارعِ القُدس فاتنةٌ جداً ..
ألف عدوِ يتَمنى احتِلالُها
-
طلعتَ الهَنوف وهيثم ماشين لسياره وقفهم مُصعب وقال أنها تطلع معه تنهد هَيثم من الحال الي صار فيه متفشل من إلي سوته أمه وأخته لو مو خوفه من ربيِ ولا دفنها حيه ركبتَ وظلت تنتظرهم لين يجون
مُحمد يكلم مُصعب ؛ كلمتَ الشيخَ ؟؟
مُصعب ؛ ايه قال نتلاقى بالديره
مُحمد ؛ زين اجل يلا بسم الله توكلنا ، مين معنا ؟
مُصعب ؛ ابويِ وانت وغسان وهيثم اما العيال ماله داعيِ يجون
مُحمد ؛ زين زين ، تعال خل نأكل لنا لقمه ع السريع بطنيِ خاوي ياخوكَ
مُصعب ؛ خذ لك حبة تمره مع فنجال قهوه
مُحمد ؛ مايسد الجو ابي شي ينشط جسميِ
مُصعب ؛ هههه تحمل تحمل كلها شويِا وتآكل