ماهويت الا وصالك ومالي بغيرك طموح

Part 13

-ما ودي غير عيني تشوف حلاك عيون لو كان بيديني ما غير ياعيني صدقني الغيره هذي طبع فيني-

صباحَ اليوم الثانـي ؛-
صحتَ حست بكَل عظم فيِها متكسر من وقفتها والكعب والرقص شَافت اشعار في الواتس آب من ديم ابتسمت من زمان عنها ارسلت لها انـها في الدِيره ابوها علمها بالزواج الي صار عزمه بس ماراحوا كانت عندها مناسبه لاهل ابوها -
دقت عليها على طول ماردتَ اول مره قامتَ راحت الحمام عزكم الله ، لبست تنوره سودا قصيره بكسرات خفيفه وبلوزه بيضا نص البطن اشبهه من التنورات الكوريه بس شكلها كان ناعم وكيوت خذت مشبك الشعر ولمت فيه نص الشَعر ~

طلعتَ من غرفتها شافت امها وابوها جالسين يتقهون حبت راس امها وابوها وجلست جنب رائف الي على ايباده ابتسمت لأبوها الي يطالعها بحب ؛ يبه قِل تم
ابو روين بدون تردد ؛ تم وابشري
روين حضنت يدها بفرحه ؛ يعني اروح !؟؟
ام روين تناظر زوجها وبنتها ؛ على وين ان شاءالله ، وانت اي شي تقوله المهبوله هذي توافق ؟
محمد يضحك عليها ؛ عادي وش فيها دامنيِ عارف بنت محمد ماتسوي الغلط ؟
روين قامت وجلست بحضنه ؛ يا حبيبي يا ابوي ، اشتقت لـ ديم مره ودي اروح ازورها ومنها ودي اشوف الديره اكثر واكثر قلتَ استأذنك عشان يمكن تزعل عشان اخوها وكذا ؟
محمد يحب راسها ؛ عادي يا بنتيِ وانا عارف صقر مين كان يوديك ويجيبك غيره اذا كنت مشغول .
ام روين ؛ اجل بدلي لبسك ذا واطلعي
رويـن قامتَ ؛ ابشري الحين ابـدل
طلعتَ غرفتها لبست بنطلون اسود وخلت البلوزه عليها مابدلتها اخذت جوالها ودقت مره ثانيه وردت عليها
ديم صوتها كله نوم ؛ هلا ؟
رويـن ؛ قومي يلا بجيك الحِين ونطلع ضايق صدري الصّراحه
ديم ؛تخسى ضيقتك وش فيك ؟
رويـن وهي تتذكر لُجين و مُهـاب ؛ بعدين اعلمك اجهزي يلآ جايه الحيِن
ديم ؛ تمام انتظركَ
قفلـت منها اخذت عبايتها ونزلتَ رايحه عند وسام يوصلها ؛-
-
حطت الطرحه على وجهها ودقت باب غرفة
جدها ؛ في احد ؟
الجَده نُوره ؛ مافي ادخلي
دخلت سلمت على جدتها وجلست ؛ شلون القمر ؟
الجَده نُوره ابتسمت ومدت لها بسكوت ؛ طيبه ولله الحمد
اخذت منها البسكُوت وحبت لون الحنا الي
بيدها ؛ جده عطيني يدك بصورها
جلستَ تعلمها تسوي حركة القلب الجديده ومو راضيه تضبط معاها تنهدت ؛ يا جده سوي حبتين بعدها اعفطي الاصبع ذا
الجَده نُوره بدت تعصب لانها ماعرفت تضبطها ؛ هذاني اسويه يديني جاهن شد
ضحكت عليها بعد مَ صورتها وحفظتها باست يدينها ؛ الحين تصير مشهوره الله لا يحرمني ريحتها
الجَده تطبطب على ظهرها
رويـن ؛ وين جدي ؟
الجَده نُوره ؛ في الحاره
رويـن ؛ ووسام وينه في الحاره ؟
الجَـده نوره ؛ نايم ، وش تبين فيه ؟
روين قامت ؛ ابيه يوديني عند صديقتيِ
الجده نُوره ؛ منهي ؟
وقفت روين رايحه تصحيَ وسام وتصريفَ للموضوع  ؛ ما تعرفينها يا جده يلا فمان الله !
فتحتَ باب غرفته شافته سادح على بطنه ويتَابع فلم منسجـم تقدمت عنده قربت وجهها منه مكان حَاس فيها عقد حواجبه يحس بنظرات متصوبَه عليـه لفَ راسه وسُرعان ما فـز وصـَرخ ؛ بسم الله
ماقدرت تمسـك نفسـها عن الضحك طحـت بالأرض ماسكه بطنـها من الضَحك مسحت دموعها وتكملت بكلام متقطع بسبب ضحكتها ؛ احـسن على بالنا نايم طلعـت صاحي على جوالك ؟
وسام بحنق  ؛ من وين طلعتِي لي !
روين بسخريه ؛ من تحتَ السرير ، ماعلينا قوم ودني وارجـع !
وسام خلل يده بشعره ؛ وين ؟
رويـن ؛ عند ديـم !
ميِل شفايفه بستغراب تام ؛ اخت صقر ؟
رويـن لفت عنه ؛ ايه اخته ودني وبس !
وسام قام يلبس رفع كتوفه بعدم مبالاه ؛ براحتك جاهزه ؟
رويـن طالعه من الغرفه  ؛ ايه جاهزه
طلعوا برا بهاللحظة شَافوا مُهاب الي توه جَاي من دوامه فرحتَ من داخلها انـها شَـافته وسُرعان ما عفستَ وجهها بحنق منـه ركبتَ سيارة وسـام وارسلت لها انا جايه ؛~
شافهم طالعيـن على باله رايحيـن مشوار نزل من سيارته داخل بيتهم كانتَ مَلاذ جالسه بالنص الصاله وتلعب مع تالا وطلال بالمكعبات يبنون قلعه جلس على الكنبه ومد رجوله ؛ وين امي ؟
مَلاذ ؛ راحت مع ابوي مادري وين
ميل شفايفه وقام طالع غرفته؛~
-