ماهويت الا وصالك ومالي بغيرك طموح

Part 12

- لا تِحب إلا اللي حبّك واللي ضحّى في هَواك.

صحـت مِن نومـها راحت الحمام / اكرمكم الله
صلتَ فرضها وجلستَ تدور بلوزه عُنقها طويل لبست جينز وبلوزه اسود بدون اكمام بس عنقها طويل نـزلت شافـت رائف لاف الشاش على رجله ومادها على الطاولة ويتـفرج جلستَ جنبه وبعثرت شعره بعبط ؛ ويـن امي ؟
رائف ؛ فِي المطبـخ وقبل تسألين وين ابوي راح عند جدي واعمامي ~
قامتَ وراحتَ تـشوف امها دخلـت وسعت عيونها من المنظر امها مطلعه نص قش المـطبخ ؛ ليه وش تسوين ؟
ام روين حايسه مع قروشة المطبخ ؛ بنروح الديـره جـدك يقول يبي الجماعه تحضر الـعرس ، وجدتك قالت نشيـل مواعين الطـبخ حق اللحم والرز الكبيره عاد انا مادري عندي ولا ماعندي جالسه ادورها
رويـن جلست على كرسي الطاوله ؛ يمه حنا من متى عندنا ذي الأشياء وقتنَا كله بـ الدمام فجأه ضربت راسها ؛ على طاري الدمام وسام سحب علي قلت له يوديني !!!
ام روين عصبت عليـها ؛ انا وين وانتيِ وين ساعديـني بس
رويـن وسعتَ عُيونها ؛ وش اسوي !!
أم روين ؛ رجعيها الدولاب بروح اشوف جدتك تبي شي لان مابقى ونطلع
روين مصدومه ؛ يمه يمه اصبري وش الي شوي ونطلع ترا ما جهزت شي امس كنـا جميع ليه ماقلتـم !
أم روين ؛ وش الي ما قلنا ، الا قلنا وانتي لاهيه وش يدريني عنك ، يلا اخلصي رجعيها وجهزي اغراضك كلهـا عاد اسواق الديره مب زي المدينه مو بعدين تفولين نسيتَ و نسيتَ !
طلعـت وخلتها واقفه فيِ مكانها وش تسوي مافي وقت ويبيِ لها وقت تجهز شنطتها واغراضَهـا -
دخلتها بعشوائيه وراحـت غرفتها بـدت بأغراض الزواج عشان تتأكد انها كامله بعدها جهزت ملابس يوميه ~
-
بيتَ مُعصب عند البـناتَ ؛~
غرفتهم حوسه ملابس فيِ كل مكان دخلتَ أم مُهاب عندهم عطتهم بخور العوده ؛ لا تنسينه حطيه قبل كل شي ودقيِ على الارتستَ قولي لها بكره موعـدنا لا تنسى مانبيِ نتوهق بمشاغل الديره
مَلاذ ؛ يُـمه ترا الديره فيها كل شي كأنك فيِ المدينه انا يوم شفت قاعة العرس والله ما صدقت من جمالها
ناظرتها امها بطرف عينها ؛ وانا وش قلت انا اتكلم على الشغل ماحد فينا يعرف شغلهم اوهق نفسيِ ليه ؟
ملكَ ؛ ابشري يمه الحيـن اتواصل معها وش ثاني ؟؟
آم مُهاب تناظر الشنط ؛ ابد ولاشي بس ركزوا الله يرضى عليكم لا تخلون شي -
مَـلاذ ؛ ماعليكَ كل شي تَـمام
طلعـت امها ولفـت على ملك متردده ؛ ملك دقي على رويـن تطمني عليها بعد ما طلعت من عندنا وانا بالي مشغول عليها ~
ملك بهدوء ؛ دقيِ انتي ، ميِن الي مَزعلها انا ولا انتيِ ؟
مَلاذ ؛ ملك بلا لعانه ياخيِ شوفيها بـَس
قامـتَ ملكَ وطلعت برا الغُرفه وخلتها عصبت منها وقررت هي تكلمهَا ؛ لئيـمه
اخـذت نفس طويل وضغتَ عَلى إسمها رن ثوانيِ بدت تفقد الأمل انها ترد قالت في نفسها اكيد مرح ترد عليك وانتيِ ماسحه فيها الأرض شوي وجاها صوتها ؛ االو هلا
رويـن بهدوء ؛ هلا
مَـلاذ متلعثمه ماتدري وش تقول ؛ تجين معانا ؟
رويـن بنفس هدوئها ؛ لا ياقلبي مع ابوي بس الحِين انا مشغوله اكلمك بعدين ~
قفلتَ مِنها وتطمنت انها قالت لها قلبي
دخَل مُهاب وشافها جالسه في الأرض والجوال بيدها توترت اول ماشفته
جلس على طرف السرير وقال بجمود ؛ مانيِِِ جاي اهواشك بغض النظر عن الي صّار اسلوبك هذا لا اشوفه فيك
مَلاذ تناظر الأرض ؛ ابشر
مُهـاب بهدوء ؛ وثانيِ شي اذا عندك كلام تعاليِ قوليه في وجهي مالها دخَـل ، والله لو انكَ مب اختي كنتَ طلعت لسانك الي نطق !
مَلاذ ؛ اسفه ياخوي زي ما غلطت انا بعد غلطت و اخذت درسي ،
مُهـاب وسع عينه ؛ انتِي قوية عين وش الي انا غلطت وش عليك فينيِ انتي خلك بنفسك وبس !
مَلاذ ؛ تمام ابشر
وقف مُهـاب لف عليها وهو طالـع ؛ اجيِ من دوامي القاكم جاهزين
اكتفت بهزة راسها
-
طلـع وشاف ابوه مع جده واعمامـه يركبون اغراض مستأجرين سياره حقت العفش
سلـَم عليهم ومشى راكب سيارتَه جاه كِنان ؛ نزل شباك سياره ؛ وين يا عريـس مداوم ؟
كِنان ؛ بروح اخذ أجازه وحق ساعه كذا يمكن
مُهـاب ؛ موفقَ يالنسيبَ
ابتسمَ كِنان وراح سيارته ، والباقيِن يجهزون كل شي
-
مَر الوقـت وصـارت الساعه ٣ العصر وصَار الوقت انهم ينزلون الديره
كَان وده انها تجي مع خواته ويشوفَـها بس واضح من تجاهلها لهم انها باقي شايله على خاطرها منهم
وصلوا الديره تقريباً على وقت المـغرب"
نزلوا مع جـدتهم غرفتها جلسوا معها وباقي العيال ينزلون الاغراض -
جو عيال الديره يساعدونهم لان العرس بكَره مافيِ وقت انهم يسوون كل شي بكره عرس الرجال رح يكون فيِ صاله مفتوحه غير عن الحريم ؛~
بدو يفرشون الفرشات الحمراء حق العزايم والمناسبات ويعلقون الاضاءه في ويعدلون جلساتَ الرجال الارضيه عباره عن مسند ظهر ومراكي فقط
كَان واقف مع وسام يعدل الاضاءه الي بالنص عيتَ تثبث ,
وسـام ماسك له سلام الدرج عشان ما يطيـح بعد ماخلص مُهـاب نزل وشغلوا الإضاءة يتأكدون ان كل شي تمام صار المنظر يجنن وهوا بارد جلسوا في الأرض يسولفون رغم التعب ؛'
عِند البنات ؛~
يجهزون فساتينهم يعلقونها والاكسسوارات ملكَ كانت تكلم منسقه القاعه تضبط الورورد وكل شي تحتاجه عشان تجي من بدري وتضبطها ،
الساعـه ١٢:٠٠ نص الليل
راحوا كلهم ينامون باقي البنـات مافيهم النوم طلعوا السطح يشوفون مكَان عرس الـرجال الاضاءه الذهبيه الي جمالها واضح بنص الليل والفرشات والجلسه الحمرا كانتَ مُذهله ؛-
راح فكـرها وهي تنـزف مع مُهـاب ضحكت بخجل من تفكيرها الغـريب شافتَها تَرف وهمست لها ؛ الي ماخذ عقلك
رويـن ابتسمت لها ؛ اتهنى به
تَرف ؛ وش فيها ملاذ ماهي عوايدها ما تجي ؟
رفعتَ كتوفها بعدم اهتمام وسُرعان ما بردت اطرافها من شافته يناظرهم من تحت ويأشر لهم ينزلون ؛-
خافت وطاح البرميل الي كان واقفين عليه وطاحتَ في الأرض ترف الي حاولت تمسكها وطاحت معاها
ترف بألم ؛ حسبي الله عليك
ناظرتها روين بخوف ؛ لا تتحسبين عليه ؟؟
تَرف وسعت عيونها وضحكت بأعلى صوتها ؛ يمه الي مايرضون
رويـن استحت ونزلت بسرعه
-
طلعَ برا يبي يدخن ويتأمل النجوم يسمع اصوات رغم هدوء المكان لف ورفع راسه شَاف ثنتيـن مطلعين روسهم من جدار السطح عرفها من شعرها الي كان الهوا يلعب فيه وكان فيه نور القمر مبين ملامحهم شوي
حسَ بغيره لو احد في حوش بيته ويشوفها ما امداه يتكلم الاهي تناظره اشر لها تنزل جته ضحكه من سمع صوت ازعاج وعرف انهم طاحوا من الاختفاء المفاجىء
-
فرشوا فيِ بيت جـدهم بنفسَ الغرفه كانت تَرف و روين في نفس الفـراش وملك وملاذ نفس الـفراش
مرام عندها تالا ؛~
صحيوا من بدري افطروا وبدت تجهيزات العَرس الرجال عند الذبايح يشيكون على الحنيذ والعيال مع كِنان الي محتاس كل شوي يجونه ناس من الحاره يسلمون عليه الجده كانت حاطه حناء بيدها و
الحريم والبنـات رايحين القاعـه يجهزون هناكَ ومنها يشيكون على كل شي اخذوا البخور والفحم والتوزيعـات وصلوا القاعه دخـل معاهم وسام و مُهـاب نزلوا كل شي في وسط القاعه وكانوا العاملاتَ يرتبون كل شي على الطاولات؛~
القاعه شكلها فخم جدًا ريحة البخور بكل مكان جت الأرتَست وبدت تجهز البنـات مر الوقـت سريع وبدت مراسم الـزواج؛-
لبسَت فستان اسود توب بكسرات خفيفه من فوق كان ديزاينه فيه بعض الفصوص يجنن مره وتحت ساده وفيه فتحـه طويلـه لبست حلق فضي وخاتم الماس وساعه واسواره ناعمات كانت مسويه شعرها ويڤي رافعه نصه ونصه الثاني نازل مكياجها كان ناعماً بس الروج احمر حطت مناكير احمر صار شكلها جدًا انيق وفخم يغري كل الي يشوفها قمة في الانوثه والجمال ، اخفت الـي برقبتها بكنيسلر وثبتته بباودر رشت عطرها من شانيل لفتَ امها عليها
أم روين بـ انبهار من جمال بنتها قربت منها وهي تقرا الاذكار عليها ؛ الله يحفظك يا بنتيِ من كل شر ومن كِل حاسد
رويـن دارت حول نفسَها ؛ حلو ؟
أم روين ؛ وتسألين بعد اكيد حلو تحصنيِ يا قلبي
رويـن ؛ معليك تحصنت المهم بروح اشوف بنات عمي اذا محتاجين شي ، انتي خلاص جهزتي ؟
أم روين ؛ ايه ، بس بروح مع خالتكَ تحت اكيد الحين المعازيم وصلو
دخلـت روين عند البنات
صفرت اول ما شافت ملك ؛ عمري الجمال يا ناس يا بخت كنان والله !!
ملك استحت ونزلت راسها ؛ ياقلبي عيونك الحلوه
مـلاذ من وراها تنحنحت ؛ احمم وانا امدحيني
رويـن بهدوء ؛ قمر ياروحي
ملاذ تجمعت الدموع بعيونها ؛ روين تكفين عاد سامحيني مب عاجبني وضعنا
رويـن ببتسامه ؛ مب زعلانه شر ونزاح وآن شاءالله ما ينعاد
مَلاذ حضنتها ؛ ياقلبـي انتي ، المفروض اليوم يشوفك مُهـاب والله ليعرس اليوم
رويـن خزتها بعينها ؛ مَلاذ
ملاذ مسكت يدها ولفت فيها ؛ ملك امانه ما تأخذ العقل ؟؟
ملك مسويه زعلانه ؛ الله يسامحك غطيتي علي
رويـن ؛ هي هي وش ذا الكلام لاسطرك مخمس
مَلاذ ؛ يا بنت خلك ناعمه على شياكتك ماتعرفين انتي النعومه
روين رايحه زاوية الغرفه تبي تتصور ؛ لا خليتها لك ، الاضاءه هنا خايسه
ملك ؛ اي والله كويس المصوره مانست الاضاءه ولا طلعت الصور خايسه
دخلتَ مرام عندهم ؛ يلا يا حلوات الكل صار تحتَ تعالوا
ملك ناظرتهم ؛ وين وين وحده تجلس عندي
مَلاذ عطتها نظره ؛ اقلك اهجدي وش الي اجلسوا بروح اردح لين اشبع
رويـن ؛ شوي ونسير ما عليكَ
-
عِند الرجـال ؛-
كان صفوف العرضه ترقص والعيال بينهم والطقاقين يطقون ويغنون اغاني العرضه السعوديه ؛ نحمد الله جت على ماتمنى من وليّ العرش جزل الوهايب
مُصعب وغسان الي ماسكين السلاَح بيدهم ويطلقون فوق تعشوا واحتفلوا تقريباً بدا زواج الـرجال ينتهي
الشباب يغنون لكِنان ؛ طاب ليلك ياعريس ليلة الفرح تذكر مايخالطها كدر نلت فيها الحظ الأوفر ماغدا حظي تعيس طاب ليلك ي عريس
-
مصعب و مـهاب والجَد سّطام الي دخلوا عشان زفة ملكَ نزلتَ على عزف رايق لدخله العروس كنان كان جنبها وماسك يدينها تحس قلبها بيوقف من الاحراج ومن الخوف و حياه جديده عليها وصلتَ المنصه حبت راس ابوها واخوها وجدها وبدوا يرقصون الجده الي ماسكه يد ملك وكنان وترقص معاهم مشاعر الفرح واصله حدود السماء "
مَلاذ سحبتَ روين وطلعت فوق ناظرتها بستغراب ؛ انهبلتي ساحبتني وراكَ وش تبين
مـلاذ ؛ خلصت الزفه خلاص الحين بيروحون
روين ناظرتها بستغراب ؛ وطيب ؟؟
مـلاذ جت ببتكلم سمعت صوت لُجين في الممر الثانيِ طلعوا يشوفون وش تسوي شَافتها حاضنه مُهاب وكان مهُاب يقدر يشوف البنـات وهـي ماتشوفهم ، حاول يفكها وهي زي الشيطان شاده عليه نزلت من الدرج بسرعه وخلتـهم
جتَ ملاذ من وراها وسحبتها ؛ خييييرر ؟
لُجين ؛ خير انتي وش تبين ؟
مُهـاب وشياطين الجن والانس في راسه ودها يذبحها ويفتك منها ؛ وش تبين اشغلتيني في حياتي
لُجين ؛ ياخي احبك ماتفهم
ملاذ عصبت عليها ؛ حبك جني ما يعرف ربي يا كلبه ماتدرين انه خاطب وبيتزوج وش تبين فيه ؟
لُجين ببرود ودلع ؛ الشرع حلل اربـع اخذت يد مُهـاب وحطتها على خصرها ؛ بعدين هذا الجمالل والرشاقه كلها ماتشوفها ؟
مُهاب وسع عيونه من جرائتها ؛ انقلعي لا اكفر فيك الحين عمى
ملاذ ؛ اي جمال كله شحوم طبقات الله يطبق عقلك ونفتك
لُجين ؛ حسبي الله عليك من بنت والله لاخذك واذكرك انقلعوا الحين عني
نزلتَ بسرعه وقلبها يغليِ من مـلاذ
مُهـاب ؛ وش جابك انتِي وهي ؟
مـلاذ ؛ انت الي وش جابك انت وهي ، ليه جيت لحالك ؟
مُهـاب ؛ شفتك معاها وبشوفها لكن مادري ان في عفريت منتظرنيِ
انتهتَ الزفه وطلع ابوه وجده الجد شاف وجهه مُهاب مايطمن هز راسه بإيجاب وراح مُصعب ؛ يلا مشينا ؟
تنهد مهاب بضيق وراح وراهم .
مـلاذ تغلـيِ من لُجين وماتدري كيف بتراضي رويـن كل ما جت تتكلم عليها سكتتها
تـرف و مرام كان يرقصون و رويـن واقفه مجاملتهم
الجَده نُوره اصرت عليها ترقص معهم شَافت لُجين تناظرها بنتصار وانها كانتَ مع مُهـاب لفتَ عنها وسفهتها ام روين بحده ؛ استحي يا بنت جدتك تترجاكَ ارقصي
رقصت وهي مالها نفـس جت عند مرام و تَرف
ملك نادتهم بعد ما رقصوا عشان تاخذ صوره تذكاريه معهم جلسوا على كرسي العروس واخذوا صوره جماعيه ؛-
الهنوف تناظرهم بقهر ؛ رحتيِ وراه شفتيه ؟؟
لُجين ؛ ايه شفته مالت عليه صرخ عليّ بس الي برد قلبي ان شين الحلايا شافته فيِ حضني وزعلت
الهَنوف ارتسمت عليها ابتسامه شرانيه ؛ اي هذا المطلوبَ كل مره كذا الزقي فيـه يا ياخذك يا كره الحريم كلهم بسببك ههههه
لُجين بزعل ؛ يمه وش الكلام ذاا ؟
الهَنوف ؛ امزح معك وش فيك انتي استمري بس على ازعاجـه
لُجين تناظر ملاذ بخبث ؛ قهرتني تقول عني شحوم قدام مُهـاب
الهَنوف ؛ ما عليك فيها عليك في مُهاب وبس خليها تقرق لين تسكت
-

‏قُبلتي التي تُسافِرُ إلى خَدكِ ، ‏تفوزُ بِحُسنِ الخَاتِمَة .
_
انتهى الزواج ركبوا السيارات كان مسوين موكب السيارات ويدقون بوري الزفـه
ركبتَ روين مع وسام وصلوا البيتَ وكنان وملكَ رجعوا المدينهَ عشان الفندقَ "
وصلوا البـيـتَ نزلتَ شافته جاي ناحيتها مشت بسرعه ودخلتَ بيتهم ماتبي تشوفه انقهرت المساحه الصغيره الي بين ذراعيه ملكها كيف يتجرأ ليه علقها فيه وبعدها سمح لشخصَ ثاني يحضنه ؛-
وسَام ابتسم على حركتها ؛ اول شجار المحبين ؟
مُهاب رد عليه بحده ؛ وش دخلك
وسام حب يقهره عض على شفايفه ؛ يوه عاد فاتك شكلها تصدق لو مو عمها كنت تزوجتها
سحب مُهاب عقاله وعطاه وحده ورا ؛ قليل ادب تحلم
وسام يحك ويضحك ؛ المهم اني اقدر اشوفها وقت م ابغى ،
شافه يتقدم عنده حط رجله ودخل بيتهم قبل يجيه
ناظر بيت عمه تنهد ؛ حسبي الله عليك يا لُجين
-
عند العرسَان فيِ الفندق بعد ما بدلت فستانها ولبست ثوب ناعم كِنان جىء وبيده كوبين عصير اخذته ونزلته على الطاوله تحس بطنها يمغصها من الخُوف حس كِنان بتوترها مسك يدها وقال بهدوء ؛ الحمدلله انك صرتيِ من نصيبي والف مبروك علي ملاكي
ملك بهمس ؛ الله يبارك فيك
ظلَ يتأملها عض شفايفه وقرب منها وباس رقبتها وقف ناظرته بهدوء
كِنان مد يده لها ؛ انتهى يومنا والحمدلله على التمام الحين بننام
ناظرته وترددت تمد يدها نزل يده وحنى نفسها وشالها وهمس لها ؛ انتظر كثير يا ملكَ ، وباس شفايفها بهدوء تمسكت فيه مشى لداخل الغرفه نزلها على السرير و طفى النور 🫢 ..