ماهويت الا وصالك ومالي بغيرك طموح

Part 3

حين اكتشفتك
لم يكن قصدي اكتشافك
فأنا الذي ما كنت ضد الحب يوما
أو معه
انا ُمؤمن أن الفصول الأربعة
ستظَل دوما أربعة
وبأن شمسا واحدة
وبأن بدرا واحدا..
فتن الوجود إلى السماء السابعة
لكنني حين اكتشفتك
كل الأمور تغيرت
فأضفت بدرا ثانيا
وأضفت شمسا ثانية
واضفت فصلا خامسا
ماأروعه .
~
فتح الجَد ذراعَه جت مَلاذ تركض ودخلت تحت ذراعه
ابتسم الجَد ؛ حي الله بناتيِ
البنَات ؛ حياك الله ياجدي
الجد يضحك على ملاذ الي بحضنه؛ ماودك تهديني!
ملاذ زَمت شَفايفها؛ افا يا جّدي ماتبيني؟
سحبها مُهاب عَن جَده تأوهت بألم من سحبته؛ وجعت يدي ابتسمت روين بسخريه من اسلوبه البغيض
الجد بتزفيره ؛ ارفق يا مُهاب على خواتك! كيف لـ تزوجت شلون تعَامل زوجتك !
ملاذ ؛ الله يعين الي بتاخذه صدق
الجد طقها على راسها؛ وانتي بعد اقصري لسانس واحترمي اخوس الكبير
فركت راسها وقالت بحده؛ توك تقول ارفق بهم وتطقني انت!
مُهاب مسك اذونها؛ بنت لمين تقولين انت؟
الجد ابعد مُهاب عن ملاذ؛ علامك انت نار وشرار تمزح
ناظرته روين بستصغار ومشت عنهم،
ملك ؛ وين وين مب رايحه معنا
ناظرتها روين ببرود؛ لا بروح مع وسام
الجد ؛ سيارة وسام مزحومه
روين؛ خلاص بروح مع ترف
ملاذ تسحبها؛ امشي معنا لا ترف ولا يحزنون بعدين ترف اخوانها وابوها وامها يعني واحد بيكون ورا وين بتركبين ؟
روين بغيض؛ وين يعني عادي بجلس معاهم ورا!؟؟
ناظرها مُهاب بحده ومشى عَنهم
ملكَ بقل صبر؛ يا مال العافيه اخلصوا عليّ
زفرتَ روين بأسى ومشت معاهَم

ابتسم وسام من شافهم مارين رمى لهم بوسه من بعيد وركب سيارته~
في سيارة ابو كِنان كانت ترف تعاند اخوانها ضياء بضيق من تصرفاتها ؛ يبه تكفى نزلها في الشارع خلها تسكت
كِنان ؛ الحين ليه الحشره هذي كلها ليه مَ خليتني اجي بسيارتي؟
ابو كِنان؛ والله عاد هذا شور ابوي يقول وده نكون ملتمين
ترف؛ اي لم هذا تفرقه عائليه لا اسمع الي ابيه ولا انا جنب الشباك حاشريني في النص
حصه قرصتها على يدها؛ انتي لو جهزتي بدري كنتي ذلفتي مع البنات يالله صحتك خالتك منيره
ترف بألم؛ كله منهم سهروني وسحبوا علي صحيوا بدري
كِنان بضحكه؛ والله اختي واعرفك تخاذين غيبوبه مب نومه
ترف شهقت؛ بسم الله علي من الغيبوبه والحين اذا وقفوا عند بقاله نزلني معهم
ضياء بقل صبر؛ اقول انثبري مكانك مب طايرين
ترف ترفع يديها؛ الله يطير شعرك يارب
ام كِنان رجعت قرصتها في فخذها؛ بنت خير تدعين على اخوك
ابو كنان ؛ الا تروفه هو غلطان يستاهل الي يجيه
كِنان ؛ الام تدافع عن الولد والاب عن البنت
ام كِنان تكت على الباب؛ انا مع الحق
~
رماكَ الحاسدون بكل عيبٍ
وعيبك أن حسنك لا يُعاب.
~
وصلوا بيتهم الي بـ الديره وبيت الديره يختلف عن البيت الي بالرياض يميل لـَ التُراث اكثَر
؛
نزلوا البنات روين بإعجاب كانت تمشي وتناظر كل زاويه
جت لُجين عندها لابسه عبايه مُطرزه وفاكه ازرار العبايه والشيله على راسها قالت بستهزاء؛ اكيد مرح تعرفين المكان تعتبرين غريبه عليه يا بنت الدلال
روين بقرف من منظرها حاطه كل الوان الايشدو في عيونها قالت وفيها ضحكة سُخريه؛ حبيبتي تراك مضيعه السيرك واصحابك المُهرجين!
لُجين ؛ والله م المهرج الا وجهك مسويه محترمه الحين!
روين قربت منها ورفعت اصبعها بوعيد؛ المره هذي عديتها بمزاجي المره الثانيه والله لا ادوس راسك
رفعت عُيونها شافته يطالع فِيها نزل عيونه بسرعه وكمل يعطيِ عيال عمه الاغراض راحت وتركت لُجين واقفه مكانها مقهوره عدلت شكلها وراحت تمشيِ عنده وقالت بغنج؛ هايي
مُهاب بحده ؛ هويتي في بير ماله قاع خير ان شاءالله من متى صرنا نكشف ماتشوفين العيال قدامك؟
لُجين بدلع وحيا؛ افهمها انها غيره؟
مُهاب بقرف منها؛ اقول عدلي غطاك لا اعدل ملامحك الحين يا فتون علف
لُجين بقهر ؛ الشره على الي يكشخ لك مالت عليك
راحت وتركته غايص في صراعه مع نفسه