ماهويت الا وصالك ومالي بغيرك طموح

Part 19

-

خِصاما ، صُلحا ، بُعدا ، قُربا أحِبُكِ يا حَبيبي "

-
رجعَت وترف منتظرتهم جت وهي متخصره ومعصبه ؛ وينكم منتظره هنا لوحديِ هذا كله سباق ؟
مـلآذ راجعه تاخذ اغراضهم ؛ اسكتيِ بس مَ صار سباقَ
تَرف ؛ وش صار ؟
مـلآذ بتغيير للموضوع ؛ مُهـاب خرب عليَنا ورجعنيِ اجيب عباتَها ،
تَرف ؛ يوووه الرجل الغيور الحِين مافي احد مكلمه اخوانيِ م احد يطلع قاتل المتعه اخوك العله ذا
مـلآذ تدفها ؛ امشيِ امشي والله ولا تدرين عن شي
تَرف ؛ خلاص ودي عبايتَها على بال ابدل ونتلاقى جوا عندهم
مـلآذ ؛ زين
-
كِنان وملك يتمشون عند الأشجار والزرع :؛~
ملك لابسه قفطان انيق وحاطه جلال على راسها مسويه ميكب ناعم طلعتَ لها شوية خدود مع الحمل حطت يدها على خدودها وميلت شفايفها بزعل ؛ كله منك زاد وزنييِ
كنان ناظرها وانفجر ضحك ؛ وانا وش دخلني ؟
ملك ؛ وش الي وش دخلكَ تستعبط شوف يديني دبلتيِ صارت ضيقه صرت اضحك اشوف خدوديِ انت الي خليتنيِ احمل
كِنان قربها منها وباسَ راسها ؛ والله انك قمر بكل احوالك ، شد خدودها وكمل كلامه ؛ ياناسَ على الخدود اليِ تنوكل
ضربت يده وفركت خدودها الي صارت حمرا ؛ بسسس لا يشوفنَا أحد الحيِن !
كِنان مسك يدها وصار يغنيِ ؛ مالي ومالِ النَّاس .. ومالِك ومالِ النَّاس
لمَّا حبَّيتك .. ما أخذت رأي النَّاس .
استحت وسندت راسها على كتفه ؛ ساامجج
كِنان ؛ عارف انه خانك التعبير ولكن نستقبل كل شيِ بروح رياضيه ،
-

فرشوا جلسه في وسط المزرعه بين الزرع والورد
جلسة كبيره في نفسَ المكَان بس بعيد عن بعض شويِ الحريم متحجباتَ ،
هَيثم يصب القهوه ويوزعها على الرجال و لمى تصب للحريم .
الجَد سَطام ؛ وين مؤنساتيِ ناقصات ؟
تَرف ترفع صُوتها عشان يسمعها؛ الحين بيجون يا جديِ
الجَد سّطام ؛ و مُهـاب وينه فيه ؟
وسَام ؛ خويه جاه يبي يوصله سيارتَه ويجي
الجَد سَطام ؛ مين الي جاه ؟
وسَام ؛ غازيِ عنده شغله ضرورية ومهاب ماقد رجع داوم يبيه يضبطها
ضياء ؛ الطيَب عند ذكره يَـ هذا هو جاي
سلمَ وجلس وتكى على المركى جتَ تالا وجلستَ في حضنَه ؛ اشتقت لك
ابستم على حركتها وباس خدها ؛ كبرانه ؟
تالا وقفَت توريه طولها؛ ايه شفَ صرت كبيره واحط روج احمر بعد
مُهـاب ؛ ماشاءالله مين مسوي لكَ ؟
تالا ؛ خاله رويـن سوت لي غصب عن خاله مـلآذ اصلاً انا زعلانه منها
مُهـاب ؛ ليه وش سوت لك انا اعلمكَ فيَها
تالا ؛ عيت تسوي لي زيها روج تقول انقلعيِ يا بزر
وسَام شالها وصار يدغدغها ويلعب معاها ؛ اذا مو احلى بزر انتيِ وهالخدود التوتيِه اهخخخ بس ودي امعطها
جتَ مـلآذ وررين تمشي وراها على طول جلستَ جنب أمها الجد من شافها أبتسم ؛ هلا هلا تو مانورت الجلسه
رويـن توترت من أنظار عمتها الهَنوف ؛ هلا فيك ياجديِ
الجَد سَطام ؛ قُمي يمه صبيِ لرجلك توه جايِ
جىء ضياء بيقوم بس مسكه أبوه ؛ انثبر مكانك
ضياء ؛ ابشر
عدلت طرحتها وقامتَ مدتَ له الفنجان شاله بدون ما يناظرهَا ونزله تحتَ استحت جت بترجع وقف من صُوت جدها ؛ مدي له بالحلا !
عطته وهز راسه بالنفيِ نزلته ورجعت جلستَ جنب امها قامتَ لُجين واخذت حلا ثانيِ ومدت له ؛ تفضَل !
رفع راسه مصدوم من جرائتها مافيِ شي يوقفها مد يده واخذ حبَه بدون ما ينطق بحرف مايدري كيف انصاع لها واخذ منَها تجمعت الدموع بعيون روين وسُرعان ما تحولت لكراهيه له هو و لُجين
مَلاذ ؛ ماعليك فيهم بيجي الوقت الي ندعس راسها المربع
رويـن بهدوء ؛ قهرنيِ
مـلآذ ؛ حيوان ليته صك الصحن براسها
رويـن ؛ ياااربيي متى تحل عنييي متى اوفف
مرام جلست جنبهم ؛ اقول بناتَ متلاحظون شي ؟؟
مـلآذ ؛ وشو ؟
مرام ؛ عمتيِ الهَنوف تعزز لبنتها واخوها الثور بعد ؟
رويـن ؛ يا حياتي يا مرام انتي في عالم موازيِ ، من زماااااننن واحنا نشوف وكل شي
مرام ؛ المشكله أنها عمتنـا بكَل طلعه اول الحاضرين
آم مُهاب تكلم روين ؛ امسحيها بوجهي يا بنتيِ ادري انه قهرك بس والله ان مُهـاب معاد مُهـاب الاولي
رويـن ابتسمت لها بهدوء ؛ عادي ياخالتي لا تزعلين ولا تفكرين
مُحمد ؛ وديت الذبايح عند المندي قال على الساعه 7 يجيبها هنا
الجَد سطام ؛ ما قصرت يابوك متى جايين ضيوفك ؟
مُحمد ؛ إن شاءالله على المغرب
مُهـاب ؛ مين ؟
مُحمد ؛ ابو صقر وعياله
كظم غيضه وسكت م احد يعرف بلي صار غير مُهاب ووسام و رويـن بس الزعل الي إجتاح صدره ما يحسه عشان روين ، عشان المعركه الي صارت بينه هو وصقر.
-