ماهويت الا وصالك ومالي بغيرك طموح

Part 5

جيتك وأنا جرحي ندي ولا بغيت إلا الضماد
‏ ولا دريت إن الضماد أقسى من الجرح الندي"
~

روين ناظرتها ولفت شافته واقف حاضن راس الناقه ويشم خدها
روين وقفت مصدومه ملك دزتها؛ وش بلاك انتي
روين بهدوء؛وش يسوي؟
ملك شافتها وفطست ضحك عليها؛ اذا شفتيه مسوي كذا هذا اعلى مراحل الغرام عقبال اشوفه يشم عُنق الي في باليِ
روين دفتها؛ مب صاحيهَ
ملك عطتها نظره ; ما قلتَ انتيِ
مِن زمان وده ينزل الديره ويوسع صدره ويغير جوه بعَيد عن الشغل وضغط الدوام والمهمات الي يروح لها صحَ انها من فتره لـفتره بس انها تهلكه تماماً ردت روحه مع النياقَ والجو العليل نسمةَ الهوا، كان يلمحها مع اخته بس بسرعه يشيل عينه عنها، ماهو متعود على انه يشوفَ غير خواتَه او يبينَ مشاعره لأحد،
مُهاب بهدوء ؛ لا تبعدون ترا المكَان فيِه كلاَب ضاله وخطيره
روين وسعتَ عُيونها؛ ملك وش يرطن اخوك عمي وين جايبنا
ملك بقل صبر؛ يوه يا روين وش بيصير فيك لو قلتلك انه بنام هنا!
روين جلست على الارض؛ تقولين صادقه يويلي جاني هبوط
ملك ضربت جبهتها بخفيف؛ الله يسامحك يا عمي محمد كله منه لو انه يجي عندنا كثير كنتي تعودتي كلها اسبوع وبعد في الرياض وترجعون،
روين بجمود؛ علامك انتيِ ماسمعتيه يقلك كلاب كلاب وخطيره
ملك ؛ ماعرفت نفسي الا انا هنا م قد جانا شي
ابو مهُاب جى وبيده سطل حليب مده لهم؛ تفضلوا ذوقوه
روين ماحبت ترد عمها واستحت منها ناظرتها ملك وقالت بسرعه؛ هات يبه عنك
ابو مُهاب ببتسامه؛ ابوي والباقين يوم دقيت عليهم علمتهم بالجو جايين الحَين
روين حست براحه ؛ الحمدلله
ابو مهُاب يناظر حوالينه ؛وين البنات؟
روين؛ والله مادري يا عمي وقفوا شوي بعدها معاد شفتَهم
مُهاب بغضب ؛ ملاذ اذا ما سوت الي براسها ولا ماترتاحَ
مرام خوف؛ يويلي عيالي معاها
روين تذكرت رائف وحطت يدها على راسها؛ اخوي بعد
مُهاب الغضب طالع من عينه؛ لا اشوفَ احد يتحرك مِن هنا لين اجي سامعين!
ملك؛ بتغرب الشمس
مهاب بحده؛ وسام موجود وابوي بعد يجلس
ابو مهاب؛ لا والله مانيب جالس اروح معكَ
مهُاب بقل صبر؛ يا يبه مين بينتبه عليهم
وسام جاي وبيده حطب نزله في الارض؛ وش فيكم؟
مرام بذعر؛ الزق ملاذ مادري وين طست هي وترف ومعاها البزارين !
وسام بهدوء؛ اكيد انهم قريب ماراحو
مُهاب ؛ انت عارف انه هذا مكان خالي وكله حيوانات مفترسه والشمس على وشك غروب
وسام دق صدره؛ ابد رح بس لا تطول البناتَ في ذمتي بعد الله
~
"فَأني عند النظر لِعينك ، أَزور سبعَ مجرات "

مُهاب ناظرهم بحده وشد على كلامه ؛ الي تطلع برا السور كسرت رجلها
مشى لسيارته واخذ سلاحه شيكَ على الرصاص ومشى
"
روين بقهر؛ الحين اخوي مادري وينه يبيني اجلس هنا!
وسام جايب حصيره وفرشها في الارضَ اجلسوا
ابو مُهاب ؛ الله يستر لا يفرغ المسدس في راس اخته
ملك ؛ اعوذ بالله الله لايقولها

مشى شَاف مكان جميل كله خضار ويفتح النفس عرف مليون بالميه انهم فيه تقدم وسمع اصوات الصغار
مُهاب بحده ؛ طلال!!!!
فز طلال بخوف وتلعثم؛ خاليِ مهابَ
مهاب بغضب؛ وين ملاذ وين اختكَ
اشر طلال برعب ؛ هناك في مراجيح هم هناك
مشى ناحيتهم والغضب يعتري كل خليه فيه
مسكها من رقبتها وبحده؛ انا كم مره قلتك لا تروحين مكان لحالكَ؟؟
ملاذ شهقت؛ والله جيت ورا تالا عيت توقف خفت تضيع
مهُاب ناظر ترف؛ والثولا الي جنبك ماعرفت تنطق تقول
تَرف تتلفت يمين ويسار؛ تقصدني؟؟
مُهاب بحده ؛ لا اقصد جدي انقلعي انتي وهي قدامي يلا
تالا تصيح؛ ابي اجلس
مُهاب حملها على يده؛ بسوي لك احسن منها هناك
رائف يهمس لـ طلال؛ يخوف
طلال يدقه بكوعه؛ اسكت والله اني بغيت اشخ في نفسي
رائف مسك ضحكته
لف مُهاب عليهم؛ خير انت وياه؟
طلال؛ ولاشي
~
استغلتَ سوالفم وقامت تبي تشوف يمكن تحصل اي خبر عنهم او تلمحهم مَ مداها مشت ورا السياره الي حست بشي قرصها طاحتَ بالأرض من قوة الألم حست بجسمها عرق شالت نقابها وطرحتها حست الاكسجين انعدم مقدرت تنادي احد يساعدها كَل شوي يزيد خمول جِسمها
-
بعد مَ رجعوا مرام استلمتَ ملاذ طق وعتابَ
رائف ؛ وين روين؟
فَز وسام ؛ كانتَ هنا والله!
مُهاب بجمود؛ اللهم طولكَ يا روح لعب عيال هو !!
وسام ؛ خلاص خلك توها مشت بشوفها.
-
طنشه مُهاب رايح يرجع سلاحه في السياره شَاف شي مرمي عِند سيارة وسام تقدم عندها نزل على ركبَه بسرعه وحط راسها على رجله يد تحت راسها واليد الثانيه رفع شعرها عن وجهها ويصحي فيِ بخفه هزها وناداها بس مافي جوابِ منها
قرب خده مِن عِند خشمها حسَ بنفسَها ربت على خدها يصحيها
روين بألم؛ هممم
مُهاب ؛ وش يوجعك وش صار؟
روين رفعت يدها تأشر على رجلها
ناظر مكانَ الألم صُعق وقت شَاف لدغة الثُعبانَ
فَز بسرعه لَـ سيارته فتح دُرج السياره اخذ مُعقم عقم مكان اللّدغه وركبَها سيارتَه،
ركض عندهم نادا على مَلك جت عنده؛ وش فيك وش صار
مُهاب باستعجال روحي السياره اركبي ورا حاولي تهدين روين حتى اجي،
ملك بخوف؛ وش صار
مُهاب يمشي مستعجل ؛ روحي الحين
راحَ ينادي على وسام ؛ اسمع انا بروح المستشفى بروين ملك معي ضبط الوضع قول اي شي لين أرجع لأحد يشغلني
وسام مصدوم؛ شوي شوي ياخوك وش فيها روين وليه وش صار
مهاب ضرب كتفه بخفيف؛ بعدين يا وسام الله يرحم لي والديك مب وقته
وسام متوتر؛ طيب علمني وش فيها بجي معكَ
مهُاب بحده؛ وسام ماني ناقص الحين تكفى م اكلم بزر انا!
راح وترك وسام وراه يغلي من قهره
ضرب رجله بالارض وشد شعر راسه وصرخ مع انه مافي احد حوله؛ ترااا في النهايه انا عمهااا