ماهويت الا وصالك ومالي بغيرك طموح

Part 17

خل السهر لعيون من حبكك
‏خل العيون اللي لها عشقي تبات
-

طلعَت الشمس وهي باقيِ صاحيه جتَ الساعه ٩ حست انه وقت صحوته راحتَ المطبخَ تسوي قهوه وخفايفَ جهزتها وودتَها الصاله وانتظرتَ نص ساعه ليَن طلع وقف فيِ مكانه محتار يرجـع غُرفته ولا يجي عندها بعدَ الي سوته عشانه ابتسمت له ووقفت تكلمتَ بهدوء ؛ اذا ماتبي اجَلس عادي بدخل وانتَ أفطر !
تقدم بهدوء وجلس سحب الصينيه قريب منه وهمس لها ؛ عادي خليِك
كان يآكل بهدوء رفع عينه لها شافها مرهقَه بس تكابر نزل قهوته وسند ظهره على ورا ؛ مَ نمتي صح !!
هزت راسها بالنَفي ناداها تجي عنده قامتَ وهي ترجع شعرها ورا اذنَها كانت لابسه بجامه حرير اسود اكمام علاقيِه مبينَه بياض جِسمها جلست بهدوء اشر على فخذه بمعنى حطيِ راسك عضت شفايفها بإحراج وهزت راسها بالنفيِ مسك كتوفها وسحبها صار راسها على فخذه ويدينه على كتفها وراسها كان يمسح بيده على شعرها كانتَ مُذهله وجميلة جدًا ولكن يحس بحاجز بينهم كِل ما كابر حسَ بتعب جذبته الشامه الي على كتَفها حنى راسه يقبلها وسُرعان ما فز من مكـانه رايح الحمَام لحقتَه بخوفَ تشوف وش فيَه كان يستفَرغ يحس بروحه بتطلع مسكت كتفه بهدوء همست له ؛ مهُاب !! ناظرها بشر وقال بحّده ؛ ابعدي
انتظرت عند البـاب بس ماقدرتَ تتحمل تشوفه بذا الحال وتسكت اخذتَ جوالها واتصلت على وسام رد من بين زحمة شغله والأوراق الي قدامه ؛ هلا ؟
رويـن بخوف ؛ وسام مهُاب تعبان مره ومو عارفه اتصرفَ
وسَام محتار وده يجيها ونفس الوقت بعيد عنها ؛ اسمعيِ كلمي مُصعب هو افهم منيِ فيه ورح يشوفه
رويـن ؛ طيب علمه انتَ
وسَام بحده ؛ روين مافيِ وقت علميه خليه يوديه نشوف وش علته
قفلتَ منه وهي ترجع تتطمن عليه شافته مثبت يدينه فيِ المغسله وحاني راسه تحتَ
تكلمت بتردد ؛ انتَ طيب ؟
هز راسه بـ لاَ مسح وجهه وطلع تمدد على السرير وحط يده على عيونه ؛ طفي النور وانتيِ طالعه
روين ؛ بس انت تعبـ قاطعها وهي يشد على كلامه اطلعيِ وسكري الباب
فتحتَ الدولاب اخذت فستان ساده كم طويل وطلعت تلبس في الغرفه الثانيِه الي كان نايم فيَها شافت ملابسه على السرير اخذتها حضنتَها ونزلت دموعَها بحرقه على خدَها ؛ وش اليِ جاك ابي اعععرفف
مسحت دموعها وراحتَ تلبس اخذت مشبك لمت نص شعرها تعطرت ونزلتَ عند عمها شافت ملاذ قدامها بيدها صينيه موديتها المطبخ نزلتها في الأرض وراحت ركض حضنتها ؛ يييياااكلبه انتي هنا وانا مادري !!
جت ام مُهاب طقت راس بنتها ؛ متستحين وش الألفاظ هذي ؟؟
مَلاذ تحسس مكان الضربه ؛ نمزح يا يمه وش فيك شادتها، بعدين صدق وراه ما تعلميني كان جيتك
أم مُهاب سحبت رويـن وضلت مَلاذ تناظرها بصدمه انها سحبت عليها ؛ طمنيني عنه شلونه ؟
رويـن ؛ والله مادري وش اقلك يا خالتيِ اشوفه يزيد كل يوم اشوف فيه شي جديد ، عمي وسام قال علمي عمي مُصعب بيفهم وش فيه
أم مُهاب ؛ الحِين تعالي هو في مكتبه اصلاً
روين ؛ مادري شلون اعلمه !
أم مُهاب ؛ معليك ترا مُصعب فهيم وصبور الصح انك تقولين كل شي يحس فيه مُهـاب وما يبي يعلمنَا