أنتقام خاطئ

مشاهد

مشهد أول:-

الشيخ هاشم : نغمة جدي تردين تكملين دراستج

باوعت ع امي واني خايفة وكتلة

_ اي جدي

الشيخ هاشم : صار الي تردي صار

حنظل : شيخ شني دكول وعاداتنه وتقاليدنه

الشيخ هاشم : حنظل انه كلت كلمة ومو الشيخ هاشم الي يتراجع بكلمته تكمل دراستها تكملها نغمة جدي انتي شكد معدلج

_ثمانية وتسعين جدي

الشيخ هاشم : عفية بت الشيخ هاشم عفية يعني طبيبه إن شاءالله

_ إن شاءالله جدي أن شاء الله

الشيخ هاشم : عيسى بوية باجر تروح وتاخذ اختك وتقدملها وتجي دكلي شنو سويتوا زين بوية

عيسى : إن شاءالله جدي تأمر

الشيخ هاشم : بس هاا يا نغمة عندي شرط

ادريس : شنو الشرط شيخ

شيخ هاشم : تعرفوا بعدين مو هسة يلا احنه نرفع الزحمة تصبحون على خير

              ................................

مشهد ثاني:-

يوم السبت بالليل اجتني رسالة من رقم غريب وچانت هاي الرسالة عبارة عن مقطع من أغنية إسمها ع الميمر والمقطع هو

يم الخديد الحلو چنو ماية باچر عربنه من الصبح رماية

وأن چان ما عندك دوه لشفاية گلبي ع گلبك دوم خل يتمرمر

ريان غصنة وترف ناعم عودة والشمس ليه صورتلي خدودة

روحي وية روحها معلگه ومشدودة حد گطع نفسي وگلبي ما يتغير..

طول ما الاغنية مشتغلة انه الضحكة ما فاركتني والحلك نشك من الطول لطول هههه ما مصدكة اول مرة احد هيج يوديلي وطبعاً عرفته هو ماكو غيرة عگاب اخخخ يا عگاب

گضيت الليل كلة وانه كل ساعة عايدتها حتى حفظتها وثاني يوم الاحد وصلني موسى وگتلة يشغلها وهو شغلها وانه من ثولي ردت انفضح من ورة ضحكتي بعد محروم وشاف ههه

وصلت للجامعة ونزلت وخذيت الطريقة كله ادندنها لحد ما وگفني صوته ومن الفشلة ردت اغم روحي من گال

: چنها عجبتج الاغنية وغمزلي

               .................................

مشهد ثالث:-

قيثارة: بس ليش شكو ليش تريد تشوفني ما اكدر اجي خاف احد يشوفنه

عگاب: بوية ع كيفج وحده وحده تعاي ولا تخافين ما نطول بس اكلج شي وروحي

قيثارة: زين ليش ما دكوله بالموبايل

عگاب: بوية شبيج خايفة مني گتلج بس خمس دقايق

قيثارة: زين جاية

رحت وياريتني ما رحت شفته واكف يم السيارة أشرلي أجي ورحتلة سلمت علي وگلي

عگاب: بوية صعدي بالسيارة

قيثارة: ليش شكو ليش أصعد

عگاب: بوية مو حلوة وكفتنه هيج صعدي ما اسوي شي بس احجي وياج

قيثارة: هو صحيح حجيه الناس تباوع علينه خليت وصعدت وأنه ميته خوف صعدنه بالسيارة وما اشوفلك غير شخط السيارة شكوو ليش ليش عگاب وين رايحين انت مو گلت بس نحجي شكو ليش ابتعدنه عن الكلية شكو فهمنييي

عگاب: بوية شبيج شبيج مخبوصة دقايق وافهمج كلشي بس خليني اركز ع الطريق

قيثارة: سكتت وبعدين وكف السيارة يم مكان ما بي ناس فارغ وصار الشي الي خايفنه منه ووو

              ......................................

وهاي جزء من مشاهد القصة أتمنى تنال إعجابكم

                            ✨🦋✨