أنتقام خاطئ

(البارت السابع عشر)

سلام فراشاتي 🦋✨

شلونكم شخباركم ✨

............................

لا تنسون التصويت والتعليق بين الفقرات لطفاً 💜

.............................

دك جدي علية وطلب يشوفني بسرعة و بدون اعتراض خليت و رحتله گلي يريد يشوفني بيتي وصلت للبيت أول ما دخلت اجاني راشدي من أمي وهي تبجي وعيونها حمرر دم و نفس سؤال قيثارة  سألتني ليش ما عرفت شنو أرد عليها ضليت ساكت لاني غلطان ومعترف بغلطي

بس ما عندي غير هاي الطريقة نفس الطريقة الي ترك بيها أمي وما لكيت غير قيثارة كدامي أمي تبجي وتصيح الله ياخذك ليش سويت هيج بالبت شنو ذنبها ولك ليش گلي ليش ولك عرضك هاي عرضك

_ مو عرضي مو عررررضي ولكم تعبت تعبتت حسوا بيه شوي شتردوني اسوي هااا ولكم أبوي المفروض يكون أقرب شخص إلي عافنه وراح ما فكر بيه ولا بأمي ولكم أمي شافت الويل من ورا عافها وما فكر بيها ولا فكر أنو الناس ما ترحم وكله علمود شنو هااا علمود شنو ورث مشيخه ولكمم اخخخخ

ولكم لو بيدي اگتله بأيدي ولا يرفلي چفن سنين وانه محروم من كلمة البوية سنين وانه اتحصر من اشوف الجهال امهاتهم وابهاتهم يمهم وعايشين حياة طبيعية ولكم سنين وأنه كل يوم بالليل اسمع ونين وبجي أمي بالختلة هذا كله وتردون ما اسوي هيج ولكم حمدوا ربكم سويت بس هيج و حمدوا ربكم تزوجتها وما شهرتكم

عيسى: ولكك عگاب ولكك مو بأخيتي ولك گلي شنو ذنبها شنو ذنبهاااا تريد حقك تريد تنتقم روح أخذه من أبوك بس أنت وأحد جبااان و نذل ولك انت بعملتك هاي حتى لو جان الحق وياك هسة صرت انت اخس من عمي حنظل ولك داويت الغلط بالغلط

ومحد وگع بيها بس اخيتي ولك ما اجيت بعينك ولو لحظه ما اجت بالك ايامنه و خوتنه زين عوفك منيي ولك شلون اطاك گلبك بس گلي ولك والله فقيرة وما تعرف اي شي ولك ورقة بيضة ولك طفلة شلون اطاك گلبك تسوي بيها هيج ولك محد تأذه غيرها يا جبااان

عگاب: ولك عيسى لا دكول جبااان مو جبااان انه بس العين بالعين هو مو اخذ امي وبعدين تركها ما فكر شراح يصير بيها ولكك هو العب بالشررف هو رادها هيج وانه سويت مثلة و ردتها بالشرف و أنه ما متندم على اي شي سويته

عيسى: ولكك عگااااب انت واعي شجاي دكول ولك اليوم اشرب من دمك يا نذل

الشيخ هاشم: ولكمم بس ك..اا

عگاب: جدي خيرك جدي كوم جدددي

عيسى: جدي شنو الي يوجعك جديي فتح عيونك جدي

هدى: ولكممم راح يمه راااح خالي راااح ولجج يمه لحكيلي

عيسى: بسچ عمه بسچ عگاب ساعدني نشيل جدي بسرررعة عگااااب

عگاب: إذا صار شي الجدي أنه السبب أنه أنه السبب كله من وراي

عيسى: ولكك عگاب گوم مو وكته كووم

عيسى: أخذنه جدي للمستشفى بسررعة و دخلوا للطوارئ وبقينه ننتظر وهذا كله و عگاب فاقد بعالم ثاني عگاب كلش متعلق بجدي وما يكدر بدونه ونفس الشي جدي يموت عليه ويحبه بسس اخخخ عگاب الانتقام و الكره والحقد عامياته فرد نوب

طلع الطبيب وگال حالت جدي عبرت مرحلة الخطر لو متاخرين شوي چان صاير عده جلطة لا سامح الله والحمد لله عده منها بخير دخلنه نشوفه چان تعبان و وجهه أصفر وشفته بيضه سودة عليه تعبان فرد نوب

عيسى: الحمد لله على سلامتك شيخنه وكفت گلوبنه عليك

الشيخ هاشم: الله يسلمك بوية اخخخ لو ميت ولا شايف هذا اليوم كله مني كل شي صار بسببي أنه گلوب چثيرة دمرتها و كسرتها بس بالله العلي العظيم غصباً عني

جدي جان يحجي و يباوع على عگاب الي ما سوه اي ردة فعل يا أخي هذا الإنسان غرريب قبل چم دقيقة چان خايف على جدي و شوية ويطك و يموت وهسة كاعد يمثل انه ما مهتم عجيب غريب هذا البشر

عگاب: الحمد لله على سلامتك ما تشوف شر يلا أنه اترخص مع السلامة

الشيخ هاشم: سويت إلي تريده مو بس اكلك شغلة صدگني راح تندم ندم وتعض أصابعك ندم أنه مجبور ما احجي لان كاطع وعد وهذا الوعد كاسر اظهري بس يجي يوم و ينكشف كلشي و صدكني راح تكره نااس و تحب ناس او يمكن تكره الكل

راح تعيش بدوامة وهاي الدوامة والصدمة إلي راح تاكلها ما راح يطلعك منها غير شخص وأحد وهذا الشخص گسرته انت و ما ادري اذا راح يجي يوم ويسامحك بي يو لا بس اكلك شغلة سامحني يبويه تراه حمل جبير جبيررر

طلع عگاب بعد ما خلانه جدي بداومة ما نعرف شنو الحمل وشنو يقصد وليش حجه هيج بس يلا الأيام جاية والله كريم اخذت جدي و رجعته للبيت طول الطريق احاول أفهم ليش گال هيج و شنو  السبب رفض يحجي اي شي غير هاي الجملة

الشيخ هاشم: الايام كفيلة تبين كلشي يا وليدي

.............................

                          وللحكاية بقية...

................................

و خلص البارت حبايبي

أتمنى يكون عجبكم

أكو اسرار هواي بالبارت يحتاج إله تركيز

ومن هذا البارت راح تبدي الاسرار شوي شوي تنكشف و تتوضح

وبس.. دُمتم سالمين

✨💜✨