أنتقام خاطئ

(البارت الخامس)

هلو حبايبي شلونكم أن شاء الله بخير ✨🤍

وهذا البارت الخامس أتمنى يعجبكم 💙✨

..................................

خبّراني بهولِ يومِ الفراقِ

أيّ صبرٍ يكون للمُشتاقِ

فلقد أصبحَ الفؤادُ كئيباً

وغدا الدمعُ دائمَ الانسياقِ

وبراني الهوى وبرّح بي الوجْد

فأصبحتُ ذا حشاً خفّاقِ

بيّن البينُ فقْدَ خَوْدٍ رِداحٍ

كعبةِ الحُسنِ فتنةِ العشاقِ

ودعَتْني فما رأى الطرفُ بدراً

قبلها راكباً ظهورَ العِتاقِ

مِلْتُ إذ ودّعَتْ وقلبيَ في نارٍ

تلظّى ودمعتي في اندفاقِ

............................

قراءة ممتعة ✨🦋

.............................

مرت ثلاث ايام ورجعونه الخبر بالرفض لان ابن عمها رايدها وما يقبلون عمامها ولد عمها اولى ومن هذا الحجي عيسى بوگتها تخبل ضل يروح ويجي ويصيح ويغلط وينعل بالكوة سكته موسى الحمدلله ابوي ما چان موجود

وشوية واندك الباب راح موسى يفتحه شوي واجه وكال محمد بالباب عيسى خله وراحله ودخلوا للاستقبال ف رحت اتسنط عليهم

محمد: خوية عيسى تدري انت مو مجرد صديق انت اخوي الي ما جابته أمي رفيچ دربي وسندي والله الشاهد علية بس شسوي هذا ابن عمي العار گال اذا ما تنطوها الي أنهي عليها وشيصير يصير والله الشاهد أنه كلنه قابلين بيك وحتى ابوي چان موافق عليك بس عمامي رفضوا رفض قاطع خوية أنه خجلان منك واتمنى من أن علاقتنه ما تخرب ولا تتاثر بشي

عيسى: ولا يهمك خوية انسى الموضوع ولا چنه صار شي الله يسعدها ويهنيها

محمد: عيسى مو من گلبك هذا الحجي ادري بيك عيسى وابو فاضل لو بيدي اختي ما تصير لغيرك واصلاً وين الكه مثلك زلمة لاخيتي

عيسى: مشكور خوية ادري بيك ماكو داعي تحجي وبعد الي كاتبة ربك يصير

محمد: أنه استأذن وأرفع الزحمة

عيسى: وين خوية بعد وكت خلينه كاعدين

محمد: غير مرة خوية أن شاء الله يلا اودعناكم