أنتقام خاطئ

( البارت الحادي عشر)

صباح الخير عيوني 🤍✨

شلونكم شخباركم أن شاء الله بخير ✨

وهذا البارت اتمنى يعجبكم 💖

لا تنسون التصويت والتعليق بين الفقرات 💙🤝

.......................................

مثل العود من يذبل ....بلاية وداع

ومثل الماي من ينشف .......بلاية وداع

تدريني هرش واوجرت بية الكاع

يا رخص العشك من ينشره وينباع

......................................

قراءة ممتعة

🤍✨🤍

.....................................

_ شوف بعد اهلي الحجي اليوم راح يجي وادري بيك تريد تگله ع انتقامك

_ هههههههه ها جدة شبيج يا انتقام يا بطيخ

_ ولك شنهي يا انتقام عبالك ما اعرفك أنه ولك أنه ربيتك ع ايدي هاي ف لواعيبك هاي مشيها ع اميمتك المسچينة خوش ولك

_ هههههه والله يا جدة مانج هينة ذيبة

_ چا شعبالك يلا اسمعني زين

_ گولي جدة گولي

_ الحجي لا دگله ع انتقامك لانه ما راح يرضى وانت ما راح تسكت وراح تنتقم وهو راح يغضب عليك ف لا دگله أحسن وامشي بانتقامك الي ما ادري وين راح يوصلك ياريت لو تنسى الانتقام وتركز ع روحك ونعرسلك ونشوف وليداتك

_ ههههههه جدة مو انه الي انسى انتقامي لاااه أنه عايش ع الانتقام بعد روحي لا تخافين وحگي وحگ امي اخذه مربع شني نسيتي مو انتي گلتيلي شلون شمر أمي وعافنه علمود المشيخة ولا اهتم لأمي ولا فكر شراح يصير للي ببطنها هااا ومو انتي گلتيلي شلون كل يوم امي تنام ودمعتها ع خدها ولو ما الحجي چان متنه من الجوع وهو وينه ذاك هو عايش حياته ويه مريته و ولده و زين إذا يذكر عنده مرة وفريخ ما يدري عن هوى دارهم ميتين عايشين ماكلين شاربين هااا جدة هااا بعد هذا كله وجاي تگليلي انسىى لااه والف لااه مو انه الي ينسه الما دفعته الثمن غااااالي غاااالي اول شي ابدي بشرفهم لان ماكو اغلى من الشرف وبعدين شوي شوي لحد ما أوصل للمشيخة الي تركنه علمودها بسيطة بسيطة

_ ولك يمه أنه اخاف انه نكون فاهمين الموضوع غلط

_ ما فاهمين شي غلط جدة مو انتي الي سولفتيلي كلشي شني چنج نسيتي

_ ولك يمه ما نسيت بس امك والحجي ما فهموني عدل وهاي انه ربطت الاحداث وهيج طلعلي يا وليدي

_ جدة الج الصافي يبعد روحي انتي بس ارتاحي والج الصافي

گمت من جدتي وانه كاره كلشي بالكون ومنتظر العب لعبتي ع احر من الجمر خليت ورحت نمت تعباان من الطريق گعدت ع صوت أذان المغرب گمت توضيت وصليت ونزلت جوه أنتظر الحجي ع جيه هسة

_ ها هدهد الله يساعدج شنهي اليوم تعبناج منا انه ومنا الحجي لو قابلة اجيب أكل من برة مو أحسن

_ حبيبي أمي انت أحلى من العسل ع گلبي تعبكم وبعدين الحجي ما يحب اكل البره

_ براحتج يبعد الروح وراعيها چا خليني اساعدج

_ ههههه بعد روحي أنه خلصت سوي زلاطة انت وهنيال الي تأخذك ههه كامل مكمل

_ هههههه ها هدهد شنهي تضحكين علية فوك ما اساعدج ترة بس وياج اشتغل من اتزوج ولا اجيس شي

_ ههههه لا يمه غير تساعد مريتك شني خطية وما راح ينقص منك شي بالعكس يمه الك حسنات

_ يبعد روحي بس انتي وبس

دك الباب ورحت فتحته طلع الحجي

_ السلام عليكم بوية

_ وعليكم السلام حجينا الغالي تفضل تفضل

_ دام فضلك بوية الله يخليك شلونك شلون عافيتك

_ الحمد لله حجي بخير انت شلونك شخبار قافلة قريش ههه

_ ولك ما تتوب ليش هذا الحقد والكرة يا بوية هسة هم لا يمك ولا بگرباك

_ ها حجي لا تخليني أكلب عليك هم خليني ساكت مو الگلب موجر

_ الله يهدي سرك بوية ويريحك

_ أمين حجي يلا العشه جاهز تفضل

_ گواج الله بوية شلونج شلون عافيتج

_ هلا بوية الحمد لله انت شلونك

_ بخير بوية دومج بخير يا عافيتي شنهي شو الحجية ماكو

_ هههه بدت سوالف الحب

_ ولك اكل تبن اشو ما تستحي اكوم اكسرك بالعوجية هسة لا عبالك گبرت لا افين حظك

_ هههههه لا حجي هاي هية سكتنه وهاي شرفت الحجية شوف هاي اجتك

_ ياااع ياااع شلون اكسره تكسر هسة شلونك حجي شلون عافيتك

_ هلا بيج حجية الحمد لله بخير شلونج انتي

_ الحمد لله على الله

_ يلا يلا سموا باسم الله هدهد تعبانه من الصبح تشتغل عوفوا السوالف اهاا

_ شلون بينه وبهدهد ليكول بته مو امه خابصنه بيها والله يا حجي مرات احسها بزر مو مرة شكبرها من كدما يعاملها چنها بته

_ هاي الغالية شعدي غيرها احبل اجيب أمي وبتي وحبيبتي وصديقتي وكلشي

_ ربي يديم المحبة بوية بجاة ابو فاضل

خلصنه العشه وكعدنه نسولف لين العشرة وراح الحجي وگلمن راح الغرفته انه نمت بسرعة لان ميت تعب وهم باجر وراي شغل يابو شغل باجر أبدي بانتقامي ...

......................................

وخلص البارت حبايبي ✨🦋

شنو توقعاتكم للبارت الجاي

دُمتم برعاية الرحمن

✨🤍✨