مساء الخير 🦋✨
شلونكم شخباركم حبايبي ✨
وهذا البارت أتمنى يعجبكم 💙
...........................
لا تنسون التصويت والتعليق بين الفقرات
❤️✨❤️
...................................
قراءة ممتعة
✨🥀✨
......................................
في يوماً ما ستظهر الحقيقة
ويأخذ كل ذي حق حقهُ
.....................................
عگاب :-
گعدت من الصبح اليوم راح أبدي بأنتقامي واليوم
أول خطوة لحتى أوصل للي أريده نزلت جوه لكيت
جدتي و أمي كاعدات يتريگن
عگاب: صباحجن عافية بعد روحي
الجده: صباحك خير يمه
هدى: صباح العافية يمه شني كاعد من وكت اليوم
عگاب: اي والله عندي شغل مهم
هدى: شغليش يمه توك نازل
عگاب: ماكو شي يالغالية لا تفكرين شغل منتظرة من زمان
الجدة: اخخ منك اخخ
عگاب: ههههه يلا اترخص أنه مع السلامة
هدى: الله وياك يمه
الجدة: حط الله بين عيونك يا عگيب
عگاب: إن شاء الله خير
طلعت بالسيارة و خابرت ع ضلعي و سألته
عگاب: هلا بالضلع شلونك بعد روحي
_ هلا بضلعي الحمد لله زين أنت شلونك
عگاب: بخير بخير العار ما يصير له شي
_ الحمد لله تعرف نفسك هههههه
عگاب: هه هه اسمعني زين وينك هسة انت
_ اليوم رايح للجامعة اريد أقدم الاخيتي
عگاب: هاا قيثارة
عيسى: اي چا عندي غيرها
عگاب: و عمك الخوش وجدي قبلوا شني
عيسى: احترم نفسك ولك ابوك ما قبل و طلع زعلان و جدي قبل
عگاب: و زعلتهم أي والله
عيسى: عود انت ليش ما تستحي تره هذا ابوك لو بعدك مصدك حچي جده
عگاب: عوفك من هاي السالفة عود اشوفك بالليل بالكهوة ويلا اودعناكم
عيسى : ما يصيرلك چارة ولي اودعناكم
مصدومين مو عيسى صديقك و هيج جاي تسوي بي
يعني قيثارة الي راح تبدي بيها اخت صديقك و بت
عمك شوفوا انه ما معترف بروحي ابن حنظل ف
لذلك هي مو بت عمي بس اي اخت صديقي و مو
بس صديقي لااه اخوي و ضلعي و حزام ظهري ادري
انه غلطان والغلط لابسني من فوك ليجوه بس
شسوي ما عندي حل غير هذا بناتهم خط احمر وهم
ما عدهم بنات بس خواتي الي هن بنات حنظل أثنين
و قيثارة و أنه مو عار لهاي الدرجة و العب ويه
خواتي و حتى إذا ردت العب وياهن ما راح اكدر لان
هن ما يطلعن واذا طلعن ويه ابوهن لو اخوتهن ف
ماكو كدامي غير قيثارة هسة
تكولون اكو هواي طرق للانتقام مو إلا هيج صحيح اكو بس انه رايدها هيج تصير بالشرف لان من عاف امي و راح ما فكر الناس شدكول عليها والناس تعرفها ما متزوجه انوب حامل ما فكر شراح يصير الها والناس شراح تسوي بيها مجرد ما افكر هيج اخخ أنتقامي يزيد و اصر ع هاي الطريقة حتى لو اخسر اخوي و حزام ظهري
أما بالنسبة شلون قبل جدها و هو رافض هاي الفكرة
مال انو البنات يدخلن جامعة هههههه ف انه الي
قنعته رحت بذاكرتي بهذاك اليوم
عگاب: حجي ليش ما تخلي البت تكمل دراستها
خطية وهي شاطرة ليش تكسر بخاطرها وهي تحبك
وهي شرايده بس تكمل دراستها وانت مو دكول هي
تختلف وما تسوي شي خطأ وانت مربيها عدل عليش خايف لعد يجدي
الشيخ هاشم: عگاب مالك دخل بهاي السالفة خليها
عدي اذا خليتها تكمل شنو ذنب اخياتها هاا و حنظل
شكله هاا و هو لازمها فرد لزمه انت تفرق وبس
إدريس وجهاله
عگاب: حجينه شيخنه العزيز انت كلت بنات حنظل
هن ما رادن يكملن لان مو شاطرات و بطلن بكيفهن
ف مالهم حجه هسة يجون يطالبونك بشي حرام
تكسر بالبت وهي شاطرة و رافعة راسك بمعدلها
الشيخ هاشم: ولك عگاب شو انه ما مرتاحلك ليش عود گلي براسك شي شتفكر سمعني بله
عگاب: شكو شيخ شو گلبت عليه انه شلي بيكم
ناركم تاكل حطبكم بس انه ضايج عليك كاعد و
مهموم وتفكر بيها و نكول تخربطت وما تاكل و ما
خذينها للمستشفى اذا صار بيها شي كله بركبتك تره
لان ابوها و اخوانها موافقين بس انتم
الشيخ هاشم: اخخخ اي والله كاسره ظهري هاي البت
عبنها متروسة حنيه چنها حبة لولو وهسة ذبلانه فرد نوب
عگاب: توكل على ربك وخليها تكمل هي جم سنه
واذا شفت عليها شي عود ذيج الساعة بطلها ومحد
يكدر يكلك شي لأن انت كفيت و وفيت
الشيخ هاشم: أمري لله شورك و هداية الله بس راح اخلي شرط ياله تداوم
عگاب: وشنو هذا الشرط شيخ
الشيخ هاشم: عدي هذا الشرط عدي مالك شغل بي
عگاب: براحتك شيخنه المهم تريح ضميرك
وهيج قنعت الشيخ يخليها اداوم طبعا هو يحبها
كللش ف چان سهل اقناعه خاصة هي مريضة هسة
وهو ميت عليها عبالك بس هي حفيدته ههه ادري هو
جدي حنون ويموت ع البنات وهذا الي خلا يوكف
ويه أمي و ما يتركها لوحدها بعد ما ابنه كسرها أفدي
بروحي هذا جدي الما تركنه لحظه چان وياي بكل
لحظه ابوي مو جدي هذا ..
................................
وخلص البارت 🤍✨
أتمنى يعجبكم 💙✨
دُمتم برعاية الرحمن
✨🤎✨
أنت تقرأ
أنتقام خاطئ
Mystery / Thrillerغموض ، أنتقام ، خداع ، حب ألانتقام يجعلك تعتقد بأن ما تقوم به هو الصحيح بغض النظر عن الطرق التي تجعلك تبتعد عن قيمك و معتقداتك
