أنتقام خاطئ

(البارت الثالث عشر)

مساء الخير حبايبي ✨

شلونكم أن شاء الله بخير 🤍

أتمنى يعجبكم البارت

لا تنسون التصويت والتعليق بين الفقرات

..................................

عندما تصل مراعاة الاخرين

ألى أيذاء نفسك ، فعليك التوقف فوراً.

..................................

قراءة ممتعة

✨🤍✨

..................................

الشيخ هاشم: نغمة تذكرين الشرط الي گتلج عليه يوم قبلت تكملين دراستج

قيثارة: ااا اي جدو اتذكرة جدو والله ما سويت شي والله انه شريفة والله بس هو هو گلي احجي وياج جدو والله ما سويت شي

الشيخ هاشم: دامج تذكرين الشرط عجل سمعي شنو هو وراح  تنفذي بدون اعتراض والشرط هو انج تزوجين هذا الوليد إلي جنتي وياا

حنظل موسى أدريس : بس شيخ

الشيخ هاشم: خلوني اكمل ولحد يكاطعني ويعترض أفين حظه مفهوووووم احنه لازم نطم السالفة لانها سالفة شررف والشرف مو هين سمعتنه گلنه مو بس اهي ولا تنسوون عدنه بنات غيرها واحنه شيوخ المفروض ما تطلع منه العيبه والسالفه انتهت وتنتهي بهذا المضيف البت يأخذها هذا وفضت وانتهت وما اريد اسمع طاري السالفة مرة ثانية ياا ويله ويا سواد ليله الي يحجي بالسالفة

عگاب: ههههه شيخ عيوني ومنو كال انه قابل اخذ بتكم البت الي سلمت روحها لواحد غريب شلون أمن بيها وتصير ام جهالي گلي شيخ شلون تأمن هاا

كلمات مجرد كلمات نطقها چانت كفيلة بانو تكسرني وتملو گلبي حقد وكرة تجاه هذا الإنسان تحول الحب الى كرة قاطات قاطات الحب الي حبيته اله شوه گلبي تشوه نگسني گسرني گلبي إلي اول مرة يعرف شلون يحب كسرني وانه الي ما حبيت ولا عرفت غيرة ثواني وهجموا عليه عيسى و موسى ما خلوا ايد ولا رجل سالمه نهوا نهي

الشيخ هاشم: تسوي الي گلت علية وانت ساكت مفهووووم عيسى روح جيب السيد وتعال بسرررعة بالعجل

راح عيسى جاب السيد واجه وعقدنه وصرت مرته ههه الي جنت احلم بي صار بس شي مختلف شعور مختلف كلشي مختلف والي كسرني اكثر يوم كال أبوي

إدريس: نهيتوا السالفة وغطيتوا عليها و تزوجت بس من اليوم هذا انه بنيتي ماتت و دفنتها بالنجف وهاي لا انه ابوها ولا هي بتي

خله وطلع أبوي مكسور اي مكسور انه الي كسرته اني اييي كلام عمو حنظل صحيح ايي صحيح انه ما استاهل الدلال ولكم انه كسرت ابوي كسررررته حبيبي ابوي عيسى موسى و جدو الي ابد ما قصروا وياي بشي وجانوا يوكفون بوجه الكل علمودي ولكم  ياريت الموت اخذني ولا شفت ابوي واخواني مكسورين و منزلين راسهم بسببي بسبب غلطة سويتها انه بغباء وطيش و علمود منو انسان حقير و أناني ما ادري شنو يريد مني ومن أهلي وليش سوه هيج

ما خلاني احجي ويه ابوي ولا ويه اخواني اريد ابرر الهم واكللهم والله انه شريفة والله ما سويت شي اي خنت ثقتكم من حبيته بس والله ما سويت الي بالكم والله بس ما خلاني سحبني و طلعني وياه ركبني بالسيارة وطلع بينه وين ما ادري لمكان جديد و حياة جديدة بس انه وهو بدون ابوي و عيسى و موسى و امي واهلي الطريق كله ساكتين ما حجينه شي عكس الي بداخلي هوسة ونااار اريد اهجم عليه اضربه اموته اگله ليشش لييش سويت هيج بس ما اريد اكو شي يمنعني اسأله يمكن ما اريد اكره بالزايد ههه او ما اريد اكره روحي

عگاب: يلا نزلي هذا بيتج الجديد

بقيت گاعدة ما تحركت خله واجه نزلني سحبني ودخلني للبيت گعدت بالكاع ودموعي تصب وسؤال براسي ليش بس ليش شنو السبب كمت اردد ليش ليش ليش دموعي تصب وكلمة ليش ما فاركتني متحملت وانه اشوفه ولا يمه الموضوع عااادي كاعد يسوي چاي گمت اله وانه اصيح لييش گلي لييش شنو سويتلك شنوو ولك حبيتك وجنت اول حب بحياتي ولك عرفت الحب وياك وفتحت عيوني عليك ولك ليشش وسختني لييييش شسويتلك انت ما عندك خوات ربي ينتقم منك يااا عااار ولك مو صوچك صوچي اني الگلبة اني الحمارة صوچي انه وثقت بيك ولك ليييش ولك كسرت ابوي واخواني ما جاي تروح من بااااالي لييييش بس جاوبني لا تظل ساكتتت احجي ولكك احجي حرااام عليك

بس لا ابالي ما حجه شي ولا گال شي احسه هو متفاجئ وبغير عالم مشت الايام يوم وره يوم وره يوم وره يوم وانه أسال ليش بس جاوبني ليش بس لا حياة لمن تنادي مرة ستة أشهر وانه ما شايفة اهلي ولا وأحد سأل عليه ما عندي موبايل ولا اعرف انه وين وبيا منطقة  و بعدني انتظر الجواب لييش

رجعت للواقع وانه بيت أهلي بعد ما خابرت عيسى يجي ياخذني لانه سافر واخاف ابقى لوحدي وهم لازم ابقى هنا بيت اهلي ولازم يجاوبني ع كل أسئلتي لهنا وكااافي تحملت هوواي وانه مو ذنبي لازم اخلي النقاط ع الحروف ..

........................................

وخلص البارت عيوني

شنو توقعاتكم للبارت الجاي

دُمتم برعاية الرحمن

💙✨💙