أنتقام خاطئ

(البارت التاسع)

مرحبا حبايبي شلونكم أن شاء الله بخير🤍✨

وهذا البارت التاسع أتمنى يعجبكم 💙✨

........................

كل ما كنتُ أتمناهُ منكَ بيتاً دافئاً و أمان

لكن ما الذي أعطيتني

وعدتني وكان وعدكَ يكفي لي لكن

هجرتني وتركتني وأنا ليس لي أحداً غيرك

لكنني أشكركَ على أعطاك لي أفضل ما لدي الآن

...............................

قراءة ممتعة

✨🦋✨

..................................

حنظل: ومرت الايام وأنه عايش أحسن حياة هدى ابد ما گصرت وياي فد يوم وچانت حياتنه بسيطة
أنه و حبيبتي مر على زواجنه سبعة أشهر ومحد يدري أنه متزوجين بيوم إلي رجعنه من الزيارة بعد ما عقدنه أبوي الشيخ طلب من هدى تبقى بيتها لان ما عدها مكان تروح أله ولا عم ولا خال ولا اخو ف بقت بالبيت بس كامت ما تطلع للبستان لان ابوي ما رضى تشتغل عبنها بت وحيدة و ولد الحرام هواي وهسة هي بأمانتنه ف جنت اروح ليها بالليل و اضل يمها لين يأذن الفجر ما خليت احد يحس او يشك بينه وأبوي و أمي كلما يفتحون موضوع الزواج وياي اكللهم يسدون لان أنه ما مفكر بهذا الموضوع جنت اشوف الشك والحيرة بعيون أبوي بس حاولت كد ما أكدر ما أبين إله شي ومشت ايامنه بهدوء لحد ذاك اليوم يوم إلي ابوي وده عليه واجيته للديوان

حنظل: صبحك الله بالخير شيخ رايدني خير أن شاء الله

الشيخ هاشم: صبحك الله بالنور يا چبيري شلونك شلونها مريتك

حنظل: بويه خلني افهمك دامك عرفت وأنه جنت ناوي ع چم يوم واگلك

الشيخ هاشم: لا دگلي ولا أكلك سمعني زين يا حنظل چلمتي ما اعيدها مرتين تروح الحين وتطلگ البت وعگب اخذها أنه اوديها يم خالتك بالعمارة تساعدها أهي مرة جبيرة وتحتاج أحد يساعدها

حنظل: شني اطلگ بوية أنت واعي شدكول مريتي هاي وطلاگ ما اطلگ يبوي تعذرني البت ما شايف منها إلا كل خير وحرام اكسر بيها واهي يتيمة ومالها غيري

الشيخ هاشم: يعني فوك شينك وكواة عينك فوك ما كسرت چلمتي أول مرة هسة جاي تكسرها مرة ثانية

حنظل: بوية مو سالفة اكسر چلمتك بس يبوي حرام اكسر بالبت وأنه اگلك طلاگ ما اطلگ

الشيخ هاشم: چا خوش يحنظل اختار يا أنه يا مريتك

حنظل: ياا بوية صدك تحجي أنت أبوي وأهي مريتي شلون اختار بينكم بوية شني شو متغير وهذا انت الشيخ الي تفصل بين الناس بالحق وتعدل بينهم يوم وصلت السالفة لوليدك هيج تكسر بي