أنتقام خاطئ

(البارت الثالث)

وهذا البارت الثالث حبايبي أن شاء الله يعجبكم

قراءة ممتعة

✨🤍✨
......................

الأمل بالله باقٍ

والبشر لا لي أمل البشر

هانوا وخانوا واستكانوا للخلل

عاهدونا خالفونا عاملونا بالحيل

وكلّما قلنا يعودوا للمبادئ

والمثل لم يعودوا،

بل تمادوا وارتموا نحو الوحل

وكلّ مرٍّ في نظرهم كان أحلى من العسل

الأمل بالله باقٍ والبشر لا لي أمل.

✨🦋✨

.................................

زمخ علية ونام الافندي وضليت حايرة ودموعي تنزل هسة لو مصاير هذا كلة چان هسة احنه احلى زوجين ليش هيج ليش و اخذتني دموعي الذكرياتي ..

_ بوية والله احبج احبج يبت الناس احبج وهذا الگلب ما فد يوم حب غيرج ولا راح يحب غيرج

_ ااانت ماا تفهم روح حباب روح والله اهلي لو يدرون والله يگتلوني ويگتلونك حباب روح حباب

_ يبنت الناس ليش خايفة هيج بس فهميني هسة احنه شمسوين انه احبنج واريد اسمع منج أنج تحبيني ومن ثاني يوم انه يم اهلچ وجايب شيوخ البصرة كلهم لخاطر عيونج الي سبني سبي

_ ما اريد ما اريد كلشي ما اريد بس روح الله يخليك روح راح يجي اخوي والله يگتلوني ويحرموني من الدراسة

_ بنيتي لا تبچين يبعد هل گلب وعشيرته ما عاش الي يمس شعرة منج وانه موجود لا تبچين يبعد گلبي رايح بس هاا تراني راجع وما راح ابتعد عنج الا اذا گلتي ما احبنگ روح وساعتها اروح وبعد ما تشوفين خلقتي وعيونچ اودعناچ يالغالية

راح وكعدت ع المصطبة واطلقت العنان لدموعي اي اي احبه والله احبه بس شسوي ادري بأهلي شنو ومستحيل اخون ثقتهم وهم وثقوا بيه واهم شي دراستي انه ادري بروحي مو مال حب انه مال طيحان الحظ ادري بحظي

اجه اخوي ورجعنه للبيت گبل لغرفتي صليت وبقيت كاعدة ع المصلاية و دموعي يجرن مالي خلگ اسوي اي شي نعست ف نمت ع المصلاية وكعدت ع صوت الباب يندك كمت فتحته وشفتها امي

رونق: ماما حبيبتي شبيج ظل بالي عليج شو ماكو من اجيتي لهسة

قيثارة: هلا ماما حبيبتي ما بية شي لا تخافين بس تعبانه كلش تدرين دراستي صعبة ومنا ما نايمة ابد ف نعست وخليت ونمت