أنتقام خاطئ

(البارت العاشر)

هلااا بكرزاياتي شلونكم شخباركم ✨🍒

أتمنى تكونون بخير يارب ✨🤍

...............................

مليت من عبر الشطوط

ياهو يعبرني و أتوب؟!

.................................

لا تنسون التصويت والتعليق بين الفقرات 💖🤝

.................................

 
قراءة ممتعة ✨🦋✨

................................

_يمه يمه وينج هدهد الحلو وينج

_هلا يمه هلا بعد بيتي شلونك أمي

_بخير وعافية الحمد لله يا لغالية انتي شلونج

_الحمد لله بخير يبعد أمك

_الحمد لله ها صح يالغالية اليوم الحجي جاي عدنه يتعشه

_هلا بيه وكل الهلا بس يمه وين شفته وانت توك راد من بغداد

_خابرني يمه يسأل شوكت أرد للبصرة وكتله اليوم راد وكال چا عشاي يمكم اليوم كتله هلا بيك

_ها چا خوش هلا بيه روح يمه ارتاح بين ما اجهز الغده

_إن شاء الله يمه بس اشوف جدة أول واتطمن عليها

_اخذ راحتك يمه تلكاها بحجرتها كاعدة

_رحت أشوف جدتي دكيت الباب ولن اسمع صوتها ليرد الروح وأهي تقره قرأن

_ السلام عليكم جدة

_ صدق الله العلي العظيم ، وعليكم السلام هلا يبعد جدتك واهلها دش يمه دش تعال ليه احبنك

_ شلونج يالغالية شلون عافيتج طمنيني

_ بخير يمه الحمد لله وصرت احسن يوم شفتك يبعد أهلي

_ الله يسلمج ويحفظج النه يبعد روحي يلا أنه اترخص اروح اغسل و أصلي لبين ما يجهز الغده

_ اي يمه اخذ راحتك

صعدت لغرفتي و دخلت سبحت وخلصت اجيت فرشت السجادة وصليت الحمد لله خلصت صلاة ورحت امشط شعري واباوع ع المراية ههه والله الوكت يركض ركض شبسرعة  كبرت وصرت زلمة طول بعرض والي مكانتي بالمجتمع وهذا كلة يرجع  لفضل ربي وأمي وجدتي والحجي ربوني وتعبوا علية لحد ما كبروني وصرت رجال يعتمد علية بعد ما كنت بذرة نكرة تركها إلي ما يخاف من ربه عمته الفلوس والمنصب والجاه وترك حرمته واهي حامل لأجل المشيخة والفلوس وما فكر وين تروح وهي وحيدة لا سند ولا معين وفوكاها حامل والكل يدري بيها بت ما متزوجة اخخخخخ يا وجع گلبي يلا ما ضل شي واخذ حق امي وحقي منه النذل هذا حتى أستحي من روحي انه هو ابوي مرات اسأل روحي هم يتذكرنه هم يكول وين راحت واهي ما عدها معين وشصار بالي بطنها هم يكول شجابت ولد لو بت وشصار بحالهم وهسة كبروا وشبوا لو ماتوا شاربين ماكلين عايشين ميتين وكل هذا التفكير يتحول الى حقد وكرة اكثر من اشوفه هو يمشي وحواليه ولده اثنين شباب هه يعني اخوتي ذول وأنه جبيرهم تزوج وما همه أمي وصار عنده ولد اثنين واثنين بنات وانه ضليت بحصرة الأب بحصرة كلمة بوية اخخخ شكد مرت علية ايام ومواقف احتاجيته بيهن بس التفت وما اشوفه بصفي الله يطي الحجي ما قصر وياي وچان الي ونعم الاب ما انسه فرحتة من استلمت نتيجتي بالاول ابتدائي شلون فرح بيها واخذني اشترالي بايسكل وفرحتة يوم شاف معدلي بالسادس اخخ حسيته صدك أبوي فرحت لانه فرحان اكثر من فرحتي بمعدلي وفرحتة بتخرجي وصرت قاضي وما انسه جملته بوكتها ابدد گلي

_ وليدي اليوم فرحت گلبي و رفعت راسي اريدك تصير ويه الحگ ولا تظلم احد نام مظلوم ولا تنام ظالم بوية قبل ما تحكم ع اي احد خلي بين عيونك رب العالمين وعن يمينك الجنه وعن يسارك جهنم واحكم بالعدل وادري بيك كفوو ونعم منك

_ إن شاء الله حجي اكون كد ثقتك وابد ما اخيب ثقتك بيه ولا تخاف رب العالمين دوم بعيوني و روحي و عمري ما راح احكم بالغلط

_ يمه وليدي ليش ما تاكل وين صافن

_ ها يا غالية جاي اكل لا تشيلين هم بس قضية شاغلة بالي

_ أگول يمه

_ گولي جدة

_ هو صدك الحجي اليوم جاي عدنه

_ هاا جدة هاا هسة مو گتلج اذا تحبينه گليلي ومن عيوني اخطبه الج مو احسن الج من الحسرة

_ ياااع ياااع ولج هديوة ما تشوفين وليدج المصخم شيكول

_ ها يمه شني هسة صار وليدي مو دكولين وليدي هذا

_ هههههه صار بيها الحجي يا يمة انه صرت كخة

_ يااع انت واحد فلا تستحي ولي لا تحجي وياي زعلت منك

_ لا افاا افاا تزعلين مني وانه عزيزج وتوني راد وتعبان ومشتاگ لحضنج تره ارد لبغداد

_ لوتي وين اگدرلك احبنك مو بيدي

_ هههههه يا بعد روحي الله لا يحرمني منجن يبعد روحي بس ما گتيلي ليش تسألين ع الحجي

_ هيج أسأل عندي حسبة بالي أريد اخذ رأيك بيها

_ گولي جدة أسمعج

_ مو الحين يمه مو الحين

_ هااا شني صايره بيها اسرار چني غريبة عنكم

_ لا حشاج يالغالية بس يمكن جدتي تستحي منج تريد تعرف چم شغلة عن الحجي

_ ياااع ولك يمصكوع ترة اكوملك بالعكازة

_ هههههه لاا ولا يهمج سكتنه هاي هية

خلصنه الغده وكاعد اشرب چاي وصاحتلي جدتي

_ ها جدة گولي اسمعنج

_ أميمتك وين شوفها وتعال ليه

_ كاعدة بالمطبخ تشتغل خيرج گولي

_ شوف بعد اهلي الحجي اليوم راح يجي وادري بيك تريد تگله ع انتقامك.....

...............................

وخلص البارت أتمنى يعجبكم 💙

شنو سالفة الانتقام ومن منو؟

وشنو تتوقعون صار ورا طلاق حنظل و هدى؟

دُمتم برعاية الرحمن 🤍✨