أنتقام خاطئ

(البارت الرابع عشر)

مرحبا حبايبي شلونكم 💖

وهذا البارت أتمنى يعجبكم 💙

لاتنسون التصويت والتعليق بين الفقرات 🤍

..............................

أريد أعلن حداد وللعشك ماعود

وأريد أنساك ونسى البينك وبيني

وشك دفتر غرامك خاطر إنه أنساك

ودير الوجه عنك من تلاكيني

ما ريدك بعد لو أنت روحي اتصير

وما ريدك لون من موت تحييني

ملح بعيوني أحطن وانسى حتى النوم

أخافن بالمنام طيوفك تجييني

إذا شافتك عيني وفرحت بملكاك

والله أتبرّى منه وهاي مو عيني

وإذا صافحك جفي بحجة الخملان

أكص اثنين أديه يساري ويميني

.............................

قراءة ممتعة

💙✨💙

................................

بس شلون اخلي النقط ع الحروف وشلون اعرف هو ليش سوه هيج منو الي يساعدني منو ضليت افكر و افكر وافكر وملكيت شي يوصلني لنقطة معينة ماكو خليت وردت انزل جوه بس جنت خايفة ومترددة أخاف ميقبلون اكعد وياهم وميردوني بس قويت نفسي ونزلت عادي خلي يكرهوني ولا يردوني بس اني احبهم وحيل مشتاقتلهم

نزلت جوه شفت أبوي كاعد يباوع اخبار وماما بالمطبخ وعيسى و موسى ما موجودين نزلت وانه ما اعرف شحجي و شكول صارلي ستة أشهر مشايفتهم عبالك غريبة عنهم خليت و رحت كعدت يم بابا أبوي جان اقرب الي من أمي دائماً وياي و ما يرفضلي طلب ومدللني حييل لانو انه البت الوحيدة وهو يحب البنات حييل بس مع الاسف انه كسرت ثقته بيه اول مشافني كعدت يمه ما حجه شي بقه كاعد ولا جني كاعده يمه جنت من اجي يمه يعوف كلشي ويحجي وياي هسه لا چني ما موجودة حقه الي سويته مو شويه استاهل كلشي يصير وياي بس شنو ذنبي والله ما سويت شي بس حبيت والله ما شاف مني كلمة حلوة بس مرة وحده جان كل مرة اصده وما ارد عليه ومن شفت اصرارة عبالي صدك يحبني وكلي اجي اخطبج امداني شكد ثولة جنت

قيثارة: بابا حبيبي

إدريس: رجعي صعدي لغرفتج وكرمينه بسكوتج لحد ما يجي العار مالج وياخذج

قيثارة: بابا والله ما سويت شي والله ما چان قصدي اخذلك واكسر ثقتك بيه بابا انه قيثارة ترتبيتك بابا والله ما سويت شي بابا هو يريد ينتقم بس والله ما ادري اني ما ادري اي شي بابا والله احبك بابا لا تعوفني ولا تكرهني ما اكدر بدونك والله

أدريس: منين ينتقم منينن ولج هو احنه نعرفه يعرفنه منين ينتقم ولج الثولة ما ادري شلون جبتي هذا المعدل ياريتج ما جبتي ولا طاوعتج ودخلتج جامعة ياريت سمعت كلامهم وما خليتج تكملين دراستج ولج نزلتي راسي وكسرتيني صرت علج بحلوگ اليسوه والما يسوه كومي مني كوووومي الله ياخذني واخلص منج ومن عااارج

رونق: گومي من الله ياخذج كون راح تموتين ابوج ولج كومي الله لا يسامحج يالعار يا البربوك كوووومي

ع اثر صياح امي دخل عيسى و موسى واني كمت اصيح

قيثارة: انيي مو عاررر ولا سويت شي ينزل راسكم ولكم اني شرررريفة والله ما صار اي شي هو يجذب عليكم والله والله ما سويت شي هو يريد ينتقم يريد ينتقم بس ما ادري لييش بس وكعت بيه راح تجي الايام وتشوفون بس والله ما اسامح اي احد منكم اني ما سويت شي فهمتونيي

موسى: صعدي فووك وما اشوف وجهج بسررررعة لا تخليني اجرم بيج هنااا يلااا فوووك

خليت و صعدت فووك واني منهارة من البجي اريد اعرف ليش سوه هيج راح اتخبل ضليت الليل كله افكر ليش وليش ما جان بالي غير سؤال واحد ليييش زين اذا اني عار ليش مكتلوني ليش بعدني عايشة ليش جدي زوجني بدال ما يكتلني وليش خلا يطلع بدون ميگتله ليش مغسل عااارنه ليييش ضليت افكر وافكر واربط بالاحداث لحد ما أذن الفجر گمت صليت وسجدت ع التربة وانهاريت بالبجي واحجي ويه ربي واصيح ليش يا ربي ليش شنو سويت يارب دليني ع الطريق الصحيح يا ربي شنو اسوي هسه تعبت والله تعبت خليهم يكتلوني بس لا يكولون عار ومو شريفة گمت من المصلاية و رجعت افكر وراح بالي يم اليوم الي جابونه بي البيت جدي ولمن عيسى شاف عگاب ليش حجه ويا هيج معقولة عيسى يعرفه اي اي يعرفه لان حجيه ويا جان يكله كول مو انت كول  مو انت يعني يعرفة چان يحلفه بالخوه يا خوه زين اخخخخخ راسي وجدي ما حجه شي بس گال ع الشرط زين چان يكدر يزوجنيا غصباً عليه لا شرط ولا بطيخ اخخخخ راسي خليت ونمت تعبت من التفكير خليت كلشي وره ظهري وتوكلت ع رب العالمين ونمت ع فكرة مستحيل ارجع ويااا لو يگتلوني يكولون عااار ومو شريفة هسة ما عدهم عذر هسة انه باعتبار متزوجة ف ما راح ينفضحون كاافي بس لهنا وبسس قيثارة الثولة الغبية أم گلب اثول ماتت انتهت هسة لازم اعرف لييش سوه هيج وشنو غايته لازم اعرف كلشي خفايا العائلة الكريمة كلها اطلعها لازم لانو ما بأيدي شي وما اعرف هو منين يريد ينتقم الله كريم يا رب توكلت عليك ومالي غيرك كون وياي توكلتُ على القوي الذي لا ينام الواحد الأحد الفرد الصمد يا الله يا رحمن يا رحيم يا كاشف الغم يا فارج الهم يا ناصر يا معين توكلتُ عليك يا اللهي و ربي و سيدي و مولاي..

....................................

وخلص البارت حبايبي

شنو توقعاتكم للبارت الجاي

تصبحون على خير

🤍✨🤍