أنتقام خاطئ

(البارت الثامن عشر)

مسائكم خير عيوني 💜

جمعة مباركة يارب ✨

لا تنسون التصويت والتعليق بين الفقرات لطفاً ✨

رجل وما أستسلمتُ قبل لفارسٍ
مالي أمام عيونها مستسلمُ؟!

أعودُ منتصراً بكل معاركي
وأمام عيونها البريئة أهزمُ؟!

ي ألف بيتٍ بالفصيح أجدتُها
لكنني في حبها أتلعثمُ!.

...................................

شيخ هاشم: الايام كفيلة تبين كلشي يا وليدي

عگاب :-

ستة أشهر هي وياي كل مرة احاول أذيها أبجيها و أقهرها أفشل ألكه روحي ضعيف يمها ومن اشوفها تبجي و ذبلانة و تباوعلي بحقد و بكره أكره روحي و أكره كلشي خيبتها و نظرتها إلي و تساؤلاتها إلي تذبحني تخليني للحضة أريد ارتمي بحضنها و احجيلها كلشي وليش سويت هيج

بس جنت خايف خايف تعوفني هسة هي مجبورة تضل وياي لان أهلها ما يردوها بس اذا نكشفت الحقيقة راح تعوفني و اهلها يستقبلونها برحابة صدر حتى لو تكرهني و تشمئز مني مو مهم المهم هي وياي والي و راح تضل ألي الآخر يوم بعمري

أحبها ايي و اعشقها من اول لحضة شفتها بيها البراءة الي عدها ما شفتها عد جنس حوا ابدد عيونها الي سلبني و رفعني فوووك بحبها و نزلني أسفل السافلين بكرها الي بس حتى كرها بي حنيه ع گولت جدي هاي بنيتي أم گلب الحنين اخخ يجدي اخخ أذيتها هواي أذيتها ولو شنو ما صار ما راح اسامح روحي

ستة أشهر وانه ما طالع البغداد أي قضية تجيني ببغداد ما استلمها ما اريد اعوفها گمت ما اكدر افارگها ما يمر يوم اذا ما اشوفها جنت اخليها تنام واجي اتسحب وانام بحدها و أحس روحي أسعد أنسان وانه يمها

طول فترة الستة أشهر جنت أراقب بحنظل من بعيد لبعيد و اخطط شلون العبها صح بدون ما يتدخل جدي و يخربها و يخليني اكسرة فرد كسرة أشفي بيها غليلي و أرد حگ اميمتي

أنتبهت طول هاي الفترة الي هو مراقب بيها ما عنده شي غريب من الشغل للبيت يفتر ع البساتين و المصنع و يشوف الفلاليح والعمال شناقصهم و شمحتاجين و بنفس الليلة المحتاجينه ينحط بعتبة بابهم بدون ما يعرفون منو الي جاب الغراض و ثاني يوم يجون يتشكرون منه مع انهم ما شافوا هو الي جابهم

تفاجئت معقولة حنظل هيج يسوي هذا الميت على الفلس يساعد الناس هيج استغربت صراحة خليت و رحت سألت واحد من الفلاليح

عگاب: السلام عليكم گواگم الله

الفلاح: وعليكم السلام الله يگويگ بوية

عگاب: عمي جاي اسألك فرد شغلة

الفلاح: گول بوية أسأل

عگاب: عمي انه محتاج و گالوا أكو زلمة بالبستان يساعد الناس وانه أجيت گاصده

الفلاح: وصلت يا بوية اي بهذا البستان هذا الزلمة ينگالة ابو عگاب

عگاب: هاا عمي هاا ابو منو گلت

الفلاح: شبيك يعمي اگلك إبو عگاب يصير وليد الشيخ هاشم

عگاب: الي اعرفه الشيخ هاشم عنده أثنين ولد واحد حنظل ابو إياد و أدريس ابو عيسى صحيح لو لا

الفلاح: اي عمي صحيح چلامك بس ابو عگاب هو نفسة ابو أياد صحيح ولده الجبير إسمه اياد بس هو يحب ينگاله أبو عگاب

عگاب: الحجي يحجي وانه فاصل عن الدنيا شني ابو عگاب شني يحب ينادوه احس دخت وما اعرف شني اكول رجعت من صفنتي ع صوت الحجي

الفلاح: عمي وين رحت أسألك انت شرايد من الزلمة تريد احاجي و أگله عليك هو مساع چان هنا لو جاي من وگت

عگاب: لا عمي مشكور ما رايد شي

الفلاح: براحتك يعمي چنك مو خالي

عگاب: مع السلامة عمي

خليت الفلاح ومشيت وانه ما ادري وين الله حاطني احس ما جاي افهم شي اريد أمي تشرحلي گلشي ما اتحمل بعد ومن غير سالفة الاسم أكو بيت ما يمر يوم اذا ما يروحله و يبقى بي ساعتين ضبط هاي كل يوم هيج شسالفت البيت و شسالفت الاسم ياا رب ساعدني

رحت بطريقي لبيتنه أريد اعرف كلشي اريد أمي تسولفلي ما اريد اضل على كلام جدتي بس يا خوفي أكون غلطان و كلام جدتي مو صحيح او ناقص دخلت للبيت وأنه اصيح

عگاب: يمه يمه وينج يمهه

هدى: خير يا طير شرايد يا ابن بطني

عگاب: يمه بروح ابوج عوفي الزعل على صفحة و گليلي شلون حنظل عافج و ليش يگل للناس يصيحوله ابو عگاب

وليش يساعد الناس المحتاجة بدون ما يخليهم يشوفونه و شنو البيت الي يروحله كل يوميه يبقى بي ساعتين

يممه تعبت تعبتتت گليلي سولفيلي ريحينييي لا تخلين على ربط جدتي و سوالفها يمه احجيي احجييي

هدى: سالفة الاسم انه و يا چنه ناوين نسمي اول طفل عگاب لانه يحب هذا الاسم وسالفة البيت الي يروحله هذا بيتنه الي عشت بي انه وياه بيت بالبستان بيت ابوي ومن عگب عين ابوي البيت و حنظل شني صارولي دنيا بكبرها حنظل اطاني كل شي حب احترام أمان و الحنان الي فقدته من عگب عين ابوي

أما مساعدته للناس ف هذا شي عادي لان حنظل ماكو منه بس انه الي گسرته مو هو أنه الضحيت بي مو هو انه وجدك و الي سويته والي تريد تسوي كله غلط بغلط تريد تنتقم انتقم مني ومن جدك مو من أبوك يا عگاب مو من أبوك

.................................

و للحكاية بقية ✨

............................

لا تظلم أحد ولا تسيئ الظن فأن بعض الظن إثم

أتمنى أن تنال إعجابكم ✨🤍

أستودعكم الرحمن و دُمتم في رعايتهِ 🤎