أنتقام خاطئ

(البارت التاسع عشر)

صباح الخير فراشاتي 🦋

شلونكم شخباركم ✨

أتمنى يعجبكم البارت 🤎

لا تنسون التصويت والتعليق بين الفقرات لطفاً ✨

............................

و يظن أني قد أميل لغيرهِ

أني و قلبي بأسمهِ مكتوب

أنا ما شربتُ الحُب ألا مرةً

والكُل بعدكَ كأسهُ مسكوبُ

..............................

هدى: سالفة الاسم انه و يا چنه ناوين نسمي اول طفل عگاب لانه يحب هذا الاسم وسالفة البيت الي يروحله هذا بيتنه الي عشت بي انه وياه بيت بالبستان بيت ابوي ومن عگب عين ابوي البيت و حنظل شني صارولي دنيا بكبرها

حنظل اطاني كل شي حب احترام أمان و الحنان الي فقدته من عگب عين ابوي أما مساعدته للناس ف هذا شي عادي لان حنظل ماكو منه بس انه الي گسرته مو هو أنه الضحيت بي مو هو انه وجدك و الي سويته والي تريد تسوي كله غلط بغلط تريد تنتقم انتقم مني ومن جدك مو من أبوك يا عگاب مو من أبوك

عگاب: كلام أمي نزل علية مثل الصاعقة ما اكدر استوعب شي ولا كاعد افرزن بس شي واحد يدور براسي والبت الي خربت حياتها وحنظل الي جبت عمري كله أكرهه وناوي ع نية گشرة ويا

طلعت من امي و عفتها منهارة ما سألتها شلون و ليش احس ما اريد اسمع شي اريد بس اكعد وحدي وافكر رجعت للبيت شفت قيثارة گتلها مسافر حظري جنطتي ولا تطلعين و خليت ومشيت بعد ما جرحت قيثارة للمرة المليون بأهلها جنت ما اريدها تروح اريدها تبقى

بسس اخخ العنودية جانت تفكر بشي و خلت و راحت لأهلها عرفت من صديقي انو هي طلعت وما موجودة بالبيت خابرت عيسى و اكدلي انو هو الي اخذها بسيطة خلي تصبرلي چم يوم چم يوم ويصير كلشي مفهوم

قيثارة:-

بعد ما فكرت هوااي أستنتجت أنو عيسى يعرف عگاب من خلال كلامه ويا بيوم السالفة و هم الي أكدلي من لگيت رقم عيسى موجود بموبايل عگاب ف هذا يدل على أنو عيسى و عگاب واحد يعرف الثاني

هذا خلصت منه و تأكدت أنو عيسى يعرف عگاب قبل السالفة بس الي ما عرفته هو ليش جدي ضل ساكت و مصدوم و ليش ما حجه شي غير الشرط الي شرطه علينه چان يگدر يگتلنه و اصلاً ليش شرط هذا الشرط من البداية ليش خلاني اداوم بشرط غرريب هل من المعقول أنو چان يدري انو راح يصير وياي هيج

لازم أعرف كلشي تعبتت من التفكير و الربط خليت و رحت لغرفة عيسى لازم يفهمني كلشي لاززم دكيت الباب وفتت بدون ما اخذ الاذن