أنتقام خاطئ

(البارت السادس)

مساء الخير حبايبي ✨🦋

وهذا البارت السادس أتمنى يعجبكم 💙✨

.....................................

لو أستطيع حبيبتي لنثرت شيئا

من عبيرك بين أنياب الزمان

فلعله يوما يفيق

ويمنح الناس الأمان

لو أستطيع حبيبتي

لجعلت من عينيك صبحا

في غدير من حنان

ونسجت أفراح الحياة حديقة

لا يدرك الإنسان شطآن لها

وجعلت أصنام الوجود معابدا

ينساب شوق الناس إيمانا بها

...............................

قراءة ممتعة

🤍✨🤍

..................................

ايي رجعت من ذاكرتي وجاي اغسل ايديه وما احس غير انسحبت وصرت جوة الحمام ولازكة بشخص بس هذا الشخص فلك مو شخص لا جبل بحيث انه ما ابين ومن رفعت راسي شفت رجال ايباااخ شحلاته يجنن عيونة حادات عبالك عيون صگر واللحية شلون مرسومة رسم الطول والضخامة ويلي ويلااااه فصلته تفصل للزلمة وانه بعدني بحظنه ف رأساً ابتعدت وگلت..

قيثارة: ااا انت منو شتسوي هنا وليش جريتنيي انت ما تسحتي وبعدين شلون دخلت لحمامات النسوان انت منو شتريد ما عندك خوات ما تخاف عليهن شكد ما تستحون شوكت نخلص منكم وتنقرضون

عگاب: خلصتي هاا اول شي يبت الناس داخلة حمام الرجال وباقية صافنة مدري وين عقلج وثانياً سحبتج لانه زلمة فات للحمام تردين يشوفج هنا وبس انه موجود شيكول هاا

قيثارة: ااا والله ما ادري والله ما ادري شچابني هنا انه عبالي حمام النساء والله ما ادري هسة شلون اطلع شلون بيه يمه ماما شلون بيه حباب طلعني منا دهر الدهرني إن شاء الله فلك صابني إن شاءالله شكد ثولة وخبگة يمه شلون بيه شسوي هسة

عگاب: بس ع گيفج يبت الناس لا تخبصيني خليني افكر بس خل يطلع الزلمة واطلعج بس صوتج لا تفضحينا همزين فتحت الماي ولو صوتج هذا حتى الماي ما يفيد بس سكتي وانه احلها انتي بحمايتي ف أمني و ارتاحي زين بوية

قيثارة: زين زين بس حباب بسرعة اخوي ينتظرني

عگاب: إن شاء الله بوية بلا ابقي هنا ولا تطلعين صوت

هزيت راسي بأي و راح يشوف انوب اجه گلي يلا بسرعة تعاي انه طلعت وهو راح يشوف اذا اكو احد قريب من الحمام واجه گلي بسررعة بسرعة بوية اطلعي انه ما صدكت وطگيتها ركضة حتى ما شكرته رأسا طفرت من الخرعة ردت بس اخلص ورحت شفت عيسى وكال انو نكعد ناكل كتلة لا بالسيارة احسن الحمد لله قبل وما شك بشي وهذا چان اول لقاء بيني وبين عگاب وياريت ما دخلت للحمام ولا شفته بس هذا قدر ومكتوب