أنتقام خاطئ

(البارت العشرين)

سلام فراشاتي 🦋

شلونكم شخباركم أن شاء الله بخير 🤍

لا تنسون التصويت والتعليق بين الفقرات لطفاً ✨

...........................

لو مالَ قلبي عن هواكَ نزعتهُ

و شريتُ قلباً في هواكَ يذوبُ

اياتُ حُبكَ في فؤادي أحكِمتُ

من قالَ أني عن هواكَ أتوبُ؟!

...........................

طلعت من غرفة عيسى و أنه مصدومة فوگ صدمتي أول سر عرفته و صدمني عگاب يصير ابن عمي و عمي حنظل چان متزوج قبل هسة عرفت ليش عمي حنظل يريد الناس تصيحله أبو عگاب

بس الي ما فهمته شنية الشغلة الي خلت جدي يتكفل بيهم وهو جان ما قابل و شرط ع عمو يطلگ هذا جدي باقي بس يحط شروط و يورط العالم لازم اعرف جدي ليش تكفل بيهم ولو هو موافق چان هسة هم بعدهم ويه عمو

بس عمو معقولة يترك مرته وهي حامل علمود المشيخة صحيح عمو مهتم بسوالف المشيخة و الفصول و كلش ملتزم بيهن بس مو لدرجة تخلي هيج يسوي تره عمو خوش رجال و يخاف من رب العالمين صدك متعصب و يخوف و عصبي بس مو معقولة يسوي هيج ما جاي اقتنع

اريد اعرف كلشي احس اكو هواااي اسرار مضمومة ولازم اعرفها زين اذا عمو تخلى عن مرته و ابنه وما يهمونه ليش يريد الناس تصيحله أبو عگاب و ليش دائماً يگول انو جدي مفضل ابوي عليه

بس صحيح انه احس جدي جاي يفرق لانو خله ابوي يتزوج الي يريدها مع انه جدي جان رافض امي بس ما شرط ولا شي رضخ لقرار ابوي و ليش خلاني اكمل صحيح هو يحبني وانه اصريت اكمل عكس بنات عمو حنظل ما رادن يكملن لا ما يحبن الدراسة بس هذا كله جاي يخليني أتأكد أنو جدي جاي يفرق وكلام عمو صحيح

ليش خلا يطلگ زوجته و شنو يعني اذا مو من مستواهم و بعدين جدي من شوكت هيج يفكر اكو شي متأكدة لان جدي ما يفكر هيج و عمي حنظل مستحيل يسوي هيج لان رجولته ما تسمح

عمو فد انسان خلوق واذا شاف احد محتاج يساعده اتذكر مرة من جنت اول متوسط جنت راجعة من المدرسة و فتت للبيت چنه كاعدين سوة بيت الجبير و أجت مرة تبجي و حالها يكسر الخاطر أسمها ام علاوي أرملة حماها ضاربها و طاردها من بيتها

جان يريد يأخذ البيت وهي عدها بنات تلاثه ولد واحد الي هو علاوي بس جان صغير اصغر خواته ف گلتلي صيحلي الشيخ ف انه فوتتها جوه يم بيبي و رحت اشوف منو بالمضيف جان جدو ماكو بس عمو ف گتله و گام بسررعة راح جوه قبل ما يدخل گلي فوتي سويلي مجال ف فتت وسويت مجال ومن صحت عليه گال يا الله ثلاث مرات و فات

حجتله ام علاوي گلشي و اباوع عليه عصب فد نوب وعمو من يعصب لحد يوكف يمه خله و طلع و قبل ما يطلع صاح علية أحط أكل لام علاوي و بناتها و طلع ورى تقريب ثلاث ساعات اجه عمو و صاح يا الله و دخل وگال لام علاوي

حنظل: خوية ام عليوي تكدرين ترحين لبيتج وبعد ما يتعرض الج و لجهالج اطمني و سمعت تعرفين تخيطين جبتلج مكينه و شغلاتها خيطي و شوفي النسوان و من اليوم نسوان الشيخ هاشم اول معاميل عندج واي شي تردين و تحتاجين انه اخوج و حزام ظهرج بس اشري و تلگيني عند عيناج

وبعد هاي السالفة عرفت عمو صح عصبي و معقد بس ماكو احسن منه حباب كلشش هسة شلون اقتنع هو يسوي هيج مو معقولة ابدد والله

اخخ راسي موتني احس الضغط رجع هبط من جديد خلي انام و الله كريم مثل ما عرفت اليوم شي أن شاء الله باجر اعرف هم لان شكل العائلة الكريمة متروسة اسرار طلع عدنه ابن عم و احنه ما ندري لزمت بداية الخيط اليوم وأن شاء الله الايام الجاية كفيلة تكشفلي الباقي بأذن الله

كعدت الصبح وجنت ناوية اروح لجدي هم مشتاقتله وهم اسحب منه حجي لبست عبايتي وطلعت على السريع لان بيت جدي قريب علينه كلنه نفس الفرع

طبعاً بيت عمي حنظل نفس البيت ويه بيت جدي هو احنه قبل جنه نفس البيت كلنه بس ابوي طلع علمود امي تاخذ راحتها وهم علمود يبعدنه على بيت جدي و عاداتهم الصعبة

أول ما دخلت لبيت جدي شفتهم كلهم كاعدين جدو و عمو حنظل و بيبي و مرة عمو حنظل سلمت عليهم بقوا صافنين بوجهي عبالك وحش داخل عليهم شي غريب متفاجئين شلون انه هنا ما يدرون انو انه اجيت بيت اهلي

قيثارة: السلام لله شيخنه مو لحد ، عمو شلونك أن شاء الله بخير

الشيخ هاشم: هلا بوية وعليكم السلام منو جابج رجلج

قيثارة: هلا بيك جدي لا عيسى جابني عگاب مسافر و عافني وحدي وانه اخاف

حنظل: وين مسافر الافندي وعايفج وحدج وانتي بت ما يخاف عليج ما عنده غيرة هذا شنيي

قيثارة: والله يا عمي ما ادري علمي علمك مع الأسف ما طالع على ابوه

حنظل: تعرفين ابو انتي شكد دورت و سألت عليه ما عرفت شي عن اهله

قيثارة: جدي يعرفه حق المعرفة ويعرف امه هم مو جدو

حنظل: بوية شني تعرفهم شو ما كلت تعرفه ومن سألتك گلت ما اعرفهم

قيثارة: لا شلون هو جدو مربي عگاب شلون ميعرفة

حنظل: شنوو مربي منو

عمو حنظل جان يحجي و ما شفت غير عگاب دخل اباوع على جدو گام يطي اللوان

عگاب: السلام عليكم بعد روحي شلونكم..

............................

و للحكاية بقية ✨

.............................

أرأئكم و تعليقاتكم تفرحني كلش هواي

أتمنى يعجبكم البارت 🤎

دُمتم برعاية الرحمن 🤎