مرحبا فراشاتي شلونكم شخباركم🦋✨
هذا البارت الثامن أتمنى يعجبكم 💙✨
.........................
لطفاً لا تنسون التصويت والتعليق بين الفقرات
✨🥺✨
..........................
قراءة ممتعة
✨🤝✨
.............................
أنه الحبيت طفلة وانتظرها يوم يوم تكبر
ما اجه على بالي أنه اكسرها بيوم و اتكبر
✨😞✨
.....................................
عفتها و رجعت للديوان انتظر أبوي الشيخ لأجل اطلب منه يخطبلي هديوة وصلت للديوان وكعدت انتظر ابوي لبين ما يرد واقل النص ساعة دش ابوي للديوان گمت سلمت عليه وحبيت راسه وگتله بوية عندي سالفة وكلي
الشيخ: وشنهي سالفتك يحنظل
حنظل: بوية اريدك تحجي ويه أمي اريدها تخطبلي لانه قررت أتزوج
الشيخ هاشم: عساها الساعة المباركة تدلل يبوي أنه اليوم أكللها واخليها تخطبلك زينة البنات
حنظل: مشكور بوية بس أنه عندي وحيدة
الشيخ هاشم: ولك حنيظل حاط عينك ع بنات الناس أنه هيج معلمگم
حنظل: لا يبوي وسفة اعليك أنه تربايتك يشيخ ابد ما فكرت بيها فكرة مو خوش والبت مرباية خوش وأنت تعرفها وتعرف أهلها
الشيخ هاشم: ومنهي البت يحنظل
حنظل: بت الفلاح الي يشتغل عدنه يبوي
الشيخ هاشم: انت تگصد هدى بت أبو هدى الفلاح
حنظل: أي يبوي وصلت خير اي بنيته هدى خوش بت وما اظن الكه احسن منها مرة إلي
الشيخ هاشم: أنساها يا حنظل وأنه ابوك
حنظل: ليش انساها بوية ليش
الشيخ هاشم: مو من مواخيذنه يا حنظل أحنه وين وهم وين احنه شيوخ وأهم ناس على كد حالهم أنساها وأنه باجر أگول لشيخة زهرة تخطبلك إلي احسن منها ومن مواخيذنه ولا تزعل مني يبوك بس أنه أدره بمصلحتك
حنظل: حجي أبوي چان مثل الملح ألي ينحط على الجرح وانه جرحي مو أي جرح جرح راح يبقى مرافگني لليوم الي انزل بلحدي الجرح إلي نجرحته من ابوي خسرني چثير خسرني حب حياتي وخسرني ضميري سويت عكس إلي يريده ابوي ودون علمه بس من دره كتل حنظل وجاب حنظل جديد وصرت مثل أسمي مرر ما ينجرع
أنت تقرأ
أنتقام خاطئ
Mystery / Thrillerغموض ، أنتقام ، خداع ، حب ألانتقام يجعلك تعتقد بأن ما تقوم به هو الصحيح بغض النظر عن الطرق التي تجعلك تبتعد عن قيمك و معتقداتك
