الضليلة

Part 1

>الضليلة< البارت 1

بقلمي writer-zainab

لا تنسون النجمة والتعليقات على الفقرات للاستمرار بتنزيل القصة 🫶🏻 عوضوو تعبي

بلشت بنشر اول بارت بتاريخ
7/10 /2023   /الساعة 11:16 دقيقة /مساءً

~~~~~>بغداد مساء 2022<~~~~~

گمت رتبت الجناط مالاتي بالكنتور جانو ملابس بابا وياهن تنهدت وبستهن ضميتهن بجرار الكنتور هنه والتليفون هم وقفلت عليّ الجرار جان بي قفل

واني محووسة بالغراض انتبهت الدفتر المذكرات بس شفته حسيت گلبي انعصر و شلته ونزلت دمعتي لا ارادي فتحت الدفتر ودموعي بللو اوراق الدفتر كُل الذكريات انعادو عليّ بسته وضميته ويا ملابس بابا قفلت عليّ وگلت

•: وانتَ هم راح تبقى ذكريات بس ذكريات جميلة

~~~~~~ >الموصل 2014 <~~~~~~

~~>قرأة ممتعة 🫶🏻<~~

الساعة 12 مساء

نزلت مِن الخط وجان بيدي دفتر الرياضيات اهفي بيه مِن الحر صغرت عيوني وركزت على السيارة الي يم باب البيت ابتسمت بابا راجع مِن وقت اليوم رحت اركض فتت للبيت واني اصيح

•: باااباا رجعت

...طلع بابا مِن الصالة وهُوَ يسويلي اششش اختفت ضحكتي وتقدمت عليه

•: شنو

بهمس
•: ها حبيبتي بابا شلونج

•: الحمد لله منو هنا ...واشرت على الصالة

•: صديقي تعبان شوي

مديت راسي بسرعة للصالة شفته لاف رجله شكله متصاوب باوعت الباب وگلت

•: عزاا بابا هذاا متصاووب

•: اي بابا عوفينا ما انطلع صوت لان خطية تعبان دايخ

همست نفس صوت بابا وگلت •: لعد ليش مو بالمستشفى ليش هنا

•: هسا اجينا مِن المستشفى حتى هنا يرتاح بعدها يرجع الاربيل

•: خطية زين اهله يعرفون بي

•: لا مايعرفون مايريد يخوفهم فوتي بدلي ملابسج جبت وياي الج غده

•: صدُگ بابا فدوة الك كُلش جوعاانة اروح ابدل واغسل واجي

...عفته ورحت بدلت وغسلت طلعت الاكل الي جابه بابا واكل وباوع على الصالة اكلت اكلاتي وفات بابا متوضي ايريد ايصلي گلت

•: بابا اخاف ميت هذا مو نايم ونوب يتهمونك انتَ كتلته ويسجنونك

•: هههه بابا مو گتلج لا تابعين مسلسلات هندية