الضليلة

Part 4

الضليلة
البارت 4

بقلمي writer-zainab

لا تنسون النجمة⭐️ والتعليق بين الفقرات

~~~~~~ مشاهدة ممتعة 🫶🏻~~~~~~

بـلال •:  دقيقة دقيقة فهميني شسالفة لا تبجين

حجيت واني اشهگ •: جاي اكلك خالتي طردتني مِن بيتها وهسا اني صفيت للشارع اذا عندك نخوة وغيرة تجي تاخذني مناه والله خايفة والدنيا ليل ماعرف وين اروح

•:  لااا ياكلاب والله ما ارتحت الهم من اول مرة   هساااا ااني مووو بغداد كلهااا شلووون بيه انتِ هساا وين

زُحل •: التفتت للمكان الي اني بيه وگلت
•: ماعرف بس حاليًا يم محل اسمه ابو نرجس

بـلال•: جامع شي يمج زين انطيني ابو المحل الي انتِ گباله هسااا

اخذته ونطيته الابو المحل •: عمو اني ضايعة وماعرف المكان وهذا اخوي يريد تحجي وياه وتفهمه على المكان

الرجال اخذه مني وكلمه شوي ونطانيه

بـلال •: خلص عوفج يمه لا تتحركين

زُحل•: مو اخاف يعزل الساعة راح اتصير 9

بـلال •: ميخالف ابقي بمكانج

سكتت مارديت وهُوَ أسمعه يغلط على خالتي ورجلها اسمع صوت باب مال سيارة وسمع صوتها مِن شغلها يمكن اجه

بـلال •: عوفج على الخط ونفس ما گتلج خليج بمكانج ابد لا تتحركين

•: ماشي بس الرصيد عبيت بـ 5 اخاف يخلص على النص

•: تمام راح اسده واتصل عليج

•: تمام

سده ورجع اتصل عليّ فتحت خط و سكتت وبس صوت الهوا مِن يمه اسمعه صارت الساعة 12 وابو المحل گام يعزل گلت

•: عموو لا تعزل هسا فدوة والله اخاف خليك مفتح على ما ايجي اخوي

التفت الي الرجال وشكله جان ممنتبه الي

•: ها بوية بعدج هنا ماجو اهلج

•: لا بعدهم على طريق عفيه خلي الدكان مفتوح

بـلال •: شنو راح يعزل

•: اييي

رد الرجال

•: لعد وين انتِ اهلج

•: بعيدني

•: شجابج هنا لعد بويه

سكتت مارديت ارجال خطيه هم سكت مارجع سال وبقى بالمحل ما سده وصاحلي

•: تعاي فوتي بنيتي وگعدي هنا ابردلج مِن بره

هزيت راسي وفتت گعدت على الكرسي جان الرجال شايب خطية ويمشي على عكازة راح جاب الي كيكة ام الاف ووياها عصير