الضليلة

Part 16

الضليلة البارت 16

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~~~
إنهزامي عند عيونك
سيكون أبدي

~~~~~~مشاهدة ممتعة 🫶🏻~~~~~

مُعاذ •: نفكر شلون نبوگكم

تلبكت وحجيت على طول
•: شفت مُعاذ خطية جوعان گلت اني اسويله

باوعت النا بشك وگالت
انعام •: هاا اي خوش لعد لا تعوفون وراكم امواعين

عافتنا وراحت التفتت على مُعاذ
•:يمعود خاف هاي تفهم غلط وتروح تفضحنا

مُعاذ •: ليش تفضحنا هُوَ احنا مسوين شي غلط لو لابدين بغرفة ترا بالمطبخ مكان مكشوف للكُل

سلسبيل •: ما تعرف بخباثتهن

مُعاذ •: اگول سلشبيل سوي الاكل وسكتي

سلسبيل •: الله عليك بطل هل لقب اسمي سلسبيل مو
سلشبيل

مُعاذ •: والله مو بكيفي كُل ما اسمع اسمج اذكر شرشبيل

كملت الاكل وعفته كدامه حيل •: اااكُل

ضل يباوع ببرائة عود فقير هُوَ عفته وصعدت فزيت مِن سمعت صوت انعام وراي تهمس

انعام •: ها ولج شفتي ماكو فائدة مِن أيسر درتي على ابن عمه استحي شوي ما تستحين انتِ ولولد بالمطبخ بنص اليل ما تستحون

سلسبيل •: بسم الله نززتيني بعدين احترمي نفسج شنو شفتينا انسوي مثلًا اذا انتِ كُلشي اتسوينه عندج قصد بي وغاية فا مو كُل العالم نفسج ونفس تفكيرج ومرة لخ لو عدتي هل كلام يصير كلامي ويا الحجية ورجلج فاهمة واني مو خايفة لان ماسويت شي غلط

عفتها وصعدت وهيه دردم وراي فتت للغرفة وسديت الباب حيل ناقصني بعد اني

                             ~~~~~~

زُحل

فزيت الصبح عليّ وهُوَ يگوم درت راسي منه باسني بصف اذني

بـلال •: ها شلون صرتي

زُحل •: زينة

باسني بخدي ورجع كمل

بـلال •: راح اطلع هسا الدوامي شنو محتاجة اجيبه الج مِن ارجع

زُحل •: ولا شي الله وياك

تنهد وراح عضيت على شفتي السفلية شلون وافقت يتقربلي ماعرف اذا كُل بنت نفس احساسي راح تمر بي بعد ما تتزوج وزوجها يتقرب الها لو بس اني حسيت شي ثمين عندي وراح مني گمت غسلت لگيت النزيف واگف الحمد لله سبحت وطلعت الساعة 8 رجع هُوَ معايف شي مجايبة حتى معلاگ سلم وتقدم باسني بخدي