الضليلة

Part 47

الضليلة البارت 47

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~مشاهدة ممتعة 🫶🏻~~~~~~

زُحل •: وخر مِن طريقي عوفني افوت وانتَ روح بطريقك لان وگفتك هنا مراح تخليني اسامحك لو گعدت على ركبك تتوسل الي لا عبالك ذيج زُحل الي تضحك عليها بكلمتين وتقبل

بـلال •: كافي زُحل

زُحل •: هسا لو تنازع وتطلبني اسامحك والله ما اسامح

بـلال •: شگد قاسي گلبج لعد ؟!

زُحل •: انتَ اخر واحد يحجي على قساوة الگلب

دافوت صار مقابيل الباب جانت جنطتي بيدي ضربتها بي وگزيت على سناني حتى محد يسمع مِن الجيران

زُحل •: ااانتَ شترريد وخرر مِن طريقيي

لزم الجنطة وسحبها مِن ايدي
زُحل •: انطينيي الجنطة مخبللل انتَ

بـلال •:اقسم الج قسم كُل واحد بجه عيونج اخذلج حقج مِن بين ضلوعه وحتى الـقس

زُحل •: اخذ حقي منك تگدر

بـلال •: انتِ اخذي وما احجي والله كلمة ما تطلع مني تردين هاج

طلع مسدسه بلعت ريگي
•: هااج ااخذي حقج وذا تخافين هنا امشي نروح بمكان بعيد مناه سوي الي تردينه

شمرت المسدس بالگاع وگلت
•: اذا انتَ عندك عادي الذبح نفس شربة المي فا اني مو مثلك للاسف لو جنت مثلك جان طشرت راسك بس اني اخاف ربي العالمين اذا انتَ ما تخافه يا شيخ بـلال

•: شنو اگدر اسوي وتسامحيني

•: رجع ابني الحضني رجعلي كرامتي الي نمسحت رجعلي شرفي الي نفضح رجعلي سمعتي رجعلي نفسيتي الي دمرت رجعلي حياتي الي نهدمت نسيني الايام الوحدة وكلام العالم الي سمعته خليني انسا ضربك وضحك كُل واحد عليّ واني مِن هسا ارجع واني الممنونة ها تگدر ؟! لا اكيد ما تگدر هسا تروح مِن گدامي وما اشوف خلقتك بَعد لان شوفتك تسببلي شمئزاز

ابد ما نطق بتعد مِن طريقي بكل هدوئ فتت للبيت وسديت الباب عفت ايدي على گلبي ماعرف ليش اذا جان قريب مني احسه يرف الدرجة يبقى ياذيني غمضت عيوني حيل وشهگت فتت الغرفتي
•: لحد هسا تحبه لعد شكت تحب الي يضرك يا گلبي

عفت وجهي بثنين اديه وتهسترت بالبجي حاولت اسيطر على نفسي بس ما گدرت جنت رايدة ابجي وطلع الي بداخلي احس بخنگة جبيرة بنص گلبي ما تروح اجتني رسالة مِن راسم