الضليلة

Part 24

الضليلة البارت 24

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

واروني نفس تفاعل امس 🥲

~~~~~~مشاهدة ممتعة🫶🏻~~~~~~~~

بـلال •: كُلشي يتعوض كُلشي اهم شي سلامتج يعمري انتِ لا تقهرين روحج فدوة رحت الج

كُلش انهرت وضليت اضرب برجلي بالجرباية مِن اكدلي ابني مات حتى الكانونة گطعتها مِن ايدي وضلت اتصب دم
.
بـلال •: لااا الكانووونة

ماعرف الدكتورة شنو ضربتني خلاني انعس وينهد حيلي رجعت نمت ماعرف شوكت اگعدت بـلال عايف ايده على راسه وهل مرة حتى الحجية موجودة انتبهت الي الحجية وگامت

•: گعدت جدة بـلال گعدت
.
فز بـلال وجاني
الحجية•: ها جدة الف الحمد لله وشكر على سلامتج جدة حبيبتي

شهگت وگلت •: مات ابني جدة هنه كتلنه هنه والله
الحجية •: الله ياخذهن كون جده الله ياخذهن حسبي الله عليهن ما اتروح حوبتج منهن وانتِ يتيمة

تقرب بـلال وحض راسي بين كفوف ادينه
•: لا تبجين حبيبتي والله اخذت حقج ومربع بعد لا تبجين

•: بس اني اريد ابني ماريد حقي
.
تنهد وگال
•: الله يعوضنا بداله بدل الواحد عشرة

احس الشهگة مِن نص گلبي تطلع وبـلال گاعد يمي ويمسح بدموعي شوي وحسيت روحي هدئت بس راسي يوجعني باس راسي بـلال وهمس

•: خفت عليج تعرفين انتِ صار شگد وانتِ نايمة هنا

باوعت عليّ وهمست •: لا
.
•: صارلج اسبوع ويومين فاقدة الوعي اجيت اتخبل خفت ايصير بيج شي

رديت مصدومة•: يعني مو امس جبتوني هنا ؟!
..
•: لا صار هواي نايمة صار عندج نزيف ومِن مشيتي وركضتي زاد اكثر حتى رحمج راد يضرر والله ستر وضارباتج على راسج مو

شهگت •: يمه وهسا
•: لا تخافين الدكتورة گالت صحتج صارت زينة

نزلت دمعتي وگلت •: لو تشوف شلون التمن عليّ والله موتني ردت اموت ضربني حيل اذني ويضربن اكثر شي على راسي وبطني

عاف راسه على راسي وگال
•: الله ياخذهن والله ما انساها الهن

بليل اجت الدكتورة وفحصتني گالت اگدر اطلع باجر وفعلًا ثاني يوم طلعوني باوعت البلال وگلت
•: راح ترجعني للبيت ؟!!

•: اي
•: مارجع والله ماريده ذاك البيت ماريده بـلال
اخذني يم خالتك

التفتت الخالته وگلت
•: خالة اخذيني وياج فدوة ماريد ارجع للبيت