الضليلة

Part 29

الضلية
بارت 29

~~~~~~~~~~~

فتحت الباب وگلت مستغربة •: منو الرجال

•: ماعرفه بس گال اني قرايب زُحل

نزلت اريد اشوف منو هذا قرايبي طلعت ونصدمت مِن شفته تحسين زوج خالتي عايدة شعنده ؟!! رحت اله مصدومة وحجيت مستغربة

•: انتَ شجابك هنا ؟!

تحسين •: اجيتج بسالفة بيناتنا

التفتت السلمى وعمتي عليا
•: عمه عادي احجي وياه بوحدنا

عليا •: اي بس منو هذا ؟!!

•: زوج خالتي عايدة

•: ها  شعنده مو ما رادوج شعنده جااي

•: والله ماعرف هُوَ دا اعرف هسا شعنده

هزت راسها وراحن باوعت عليّ وگلت
•: ها شتريد تعرف مو طردتوني شكو بعد جاايي

•: منو ابو ولد عايدة

عكست حاجبي معقولة عرف مو ابنه ؟!!
•: هاا شنو اعرفته مو ابنك گتلك راح تجي بيوم تتوسل 

ضل يباوعلي بحقد ضحكت وگلت
•: روح الحارس المدرسة هُوَ راح يحجيلك منو ابو

حسيته شلون الي انصدم وعرف السالفة على طول عافني وراح هزيت ايدي وفتت

الحجية •: ها جدة منو هذا الي گالت الي عليّ عليا

•: جدة رجل خالتي عايدة

•: شيريد

•: ولا شي هيج ديتسأل

•: شيريد يتسأل على صخام وجهم

سويت حركة بكتفي بمعنا ماعرف رحت صبيت الي وللقس أكل وتغدينا صعدت فوگ ادرس فات بـلال للغرفة ابتسمت •: ها حبيبي وين جنت

•: شيسوي زوج خالتج العار هنا

•: منو گلك

•: شيسووييي هنااا زُحل؟!!!!

•: اجا يسألني على ابو لؤي

•: وشعرفه وين انتِ  ؟!

•: شمعرفني اني

•: زُحل لاا تتوااصلين ويااهم بعد هل عائلة الخراابة

•: قابل شايفني رحت وتصلت عليّ حتى ايجي هُوَ اجا مِن وحدة حتى انصدمت بي

•: حتى لو شفتي واحد منهم بالشارع ديري وجهج منهم

•: تتوقع عرف بيها ؟!!

•: شمعرفنا عسا نارهم تاكل حطبهم وابو زايد

•: عسا حوبتي ابد ما تتخطاهم

ابتسم وجا گعد بصفي
•: شنو ادرسين

•: اكو غير الضيم الرياضيات والله اكرهه