الضليلة

Part 38

الضليلة البارت 38

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~مشاهدة ممتعة🫶🏻~~~~~~

انفجعت الدرجة ضليت ما اعرف شسوي عفتها وطلعت اركض اريد اروح اله وحتى ماعرف الأي مستشفى لزمتني خالة

•: لج عينييي اوگفيي نفهم بأيّ مستشفى هُوَ

•: عوووفينيييي اني اعرررفت ابني تعبان كُلش اااعرررفت بس تضحكوون عليّ انتو تگولون زييين

•: بس نفهم بأيّ مستشفى واني وياج انروح سوا والله بس خلي نعرف بأيّ مستشفى

ضليت بالحوش ابجي وهيه فاتت جوا تركض وتخابر بعمة عليا شوي وجت جايبتلي حذاء وحجاب
اخذتهم منها بسرعة وطلعنا اجرنا تكسي ابجي واتوسل ببو التكسي

•: عموووو فدوة استتتتعجللل

•: ما اگدر اسرع مِن هيج والله

خديجة •: اهدئي ان شاءالله ما بي شي

•: فشللل كلوييي تعرفيين شنووو الفشل الكلوووي وهُوَ بهل عمررر

ضليت اضرب على وجهي وابجي وصلنا للمستشفى نزلت اركض ركض ادور بنص المستشفى اجتني خاله وراي
واتصلت على عمة عليا تسالها وينهم گالت بالطابق الثاني صعدنا لگيت بـلال واگف وعايف ادينه على راسه وحتى سلسبيل موجودة هستوها اجت يمكن ومُعاذ وعمامه رحت اركض انتبه الي استغرب شجابني

زُحل •: ووووين ااابنييي

بـلال •: خالة هاي شجابها

خديجة •: كافي عاد امه والها الحق بي حتى اكثر منك

بـلال •: خالة مناه العالم اخذيها طلعيها روحي طالعة مالي خلگ الها

زُحل •: وعساااهاا طلعت ومااا رجعت بعددد اذااا صار شي بابني اهججكم وحق الله

مؤيد •: فضحتينه بالمستشفى بنت الكلب

بـلال •: عمييييي

زُحل •: انتَ الكلب تروح فدوة الاضفر مِن اضااافر اهليي يااعاررر

تخبل هُوَ ديهد عليّ دفع بـلال حيل وعاط بيه

•: هاااا وييين تريدددد

اجا ممرض مِن الممرضين
•: لو سمحتو شنو هل ازعاج اكو مرضى هنا

سكتو كلهم وبـلال يباوع عليّ ولو مو مستشفى وعالم جان موتني ولا همني بالي يم ابني وابجي واتحسب ضلينا يوم كامل وهُوَ تعبان ما يعوفون احد يفوت اله مِن ترجيت الدكتورة نقهرت عليّ وگالت