الضليلة

Part 19

الضليلة البارت 19

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~
انه المايدري وين
يروح مِن دونك
~~~~~~

~~~~~~~مشاهدة ممتعة🫶🏻~~~~~~

زُحل

مافهمت شي ضليت بس ارعش ودموعي نزلو مِن وحدهم ماعرفت شسوي
•: شلون مافهمت يعني هُوَ حيموت ؟!!!

اروى•: لااا بالمستشفى بعده بالانعاش جاية الطلقة بصف گلبه حالته خطرة

دفعتها ونزلت اركض حتى ما لابسة حجاب ورحت للحجية الي لابسة عبايتها وتصيح بولد ولدها حتى ياخذوها للمستشفى صرخت وگلت
•: جدة الله علييييج بـلاللللل وين اااخذوووونييي اله فدوة

گال واحد مِن ولد عمه وهُوَ مدنگ راسه لان ملابسة حجاب •: لاا تخاافين خيتي والله مابي شي ان شاءالله يطلع بخير

•: اذا مااابي شي ليش مااا تقبلوون تاخذووونيي اله اذااا ماا اخذتوني اني اروح هسااا والله

•: والله كله عساكر المستشفى وبلال لو گاعد اكيد ما يقبل روحي اختي البسي حجابج وبس يصير زين احنا راح انجيبه هنا

•: ماا الي علاااقة وذااا عسااااكررر شسووويلهم موو مشكلتي اريد اروح
...
داحجي وعاط بيه مؤيد عم بـلال

مؤيد•: كااافي عااااد نااقصييين الولد بين الحياة ووووالموووت وووانتِ اكلتي گلوبنااا امشييي ياااابة دااامشي

مِن راحو ضليت ابجي والحجيه تحجي عليهم مناك ضليت گاعدة على الدرج وانتضر بلكي ايجي خبر يفرحني كُل شوية الحجية تتصل عليهم بس محد يرد شوي واحد منهم رد وگال بعده بالعناية المشددة يعني حالته كُلش خطرة وبعد محد جاوبنا لليل اتصلت الحجية عليّ ضاهر رد وگال كذلك بعده بالعناية المشدده صرخت وگلت

•: ماااا صاررت مِن صبح بالعناية معنهااا حالته كُلش خطرررة اررريد اشووفه اخذوووني اله

اجت عمه عليا تهدي بيه
...
•:مابي شي عمه مابي شي ما سمعتي بسالفة مُعاذ سنة وهُوَ حالته خطرة وحتى لبنان اخذوه والحمد لله هل رجع مُعاذ بخير الله واگفه على حيله گادر يطلع الج بـلال مِن حلگ الموت كُلشي سهل لا تخافين حبيبتي ربي يطلعه بالسلامة ما عليّ شي ان شاءالله

عفت ايدي على وجهي وضليت اشهگ حيل
•: خايفة والله عمة خايفة يصير بي شي مالي غيره امووت اذا صار بي شي هُوَ اهلي ماعندي غيره بالحياة