الضليلة

Part 22

الضليلة البارت 22

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~~
خلگي وعيوني وضحكتي
كلهن انتَ🧡

~~~~~~مشاهدة ممتعة 🫶🏻~~~~~~~

فتت للبيت وعلى طول رحت للحجية شگد اشتاقيت الها ضليت حاضنتها بستها براسها وگلت •: مشتاقتلج كُلش شلونج شخبارج

الحجية •: يبعد عمري يحبيبتي تشتاقلج الجنة ان شاءالله
•: شعجب اجيتي
•: مِن زمان ما شفتج لا انتِ ولا الحجية ولا امج گلت اني اتعنا الطريق لعيونجن

•: بعد روحي والله افرحت بجيتج ...التفتت لزحُل ورحت سلمت عليها •: يعمري شلونج شخبارج

•: بخير الحمد لله يعمري انتِ شلونج
•: لعد شعجب بـلال مو وياكم

•: بـلال بالدوام  واليوم عنده خفارة وحتمال ما يرجع اليوم ولگينا بس مُعاذ هستوه رجع مِن الدوام گلنا تعال وصلنا وخطية ما گال لا على طول جابنا

•: يعمري كُل الهلا نورتنا اروح ابدل ورجع
ركض ههههه
•: اي ماعندنا شي ننتضرج اخذي راحتج حبيبتي

عفتهن ورحت ركض بدلت ورجعت
گعدت يمهن بقن للساعة 11بليل عندنا ما على بالهن يرحن خطية بس بـلال متصل على زُحل وگال راح ايجي ياخذهن

خديجة •: والله يا عمة لو تبقين تنامين بهل ليل شياخذج للبيت ترحين توگعين اگعدين والصبح عود روحن
الحجية •: لا بعد عمري والله تاخر الوقت وهذا بـلال يروح يكتلنا يريد مرته

خديجة •: هههههه اي عادي خلي بـلال هم ينام هنا

•: والله ياريت بس ما اعتقد يقبل يبات هذا عكرة

زُحل •: لا جدة لا تگولين على بـلال عكرة فديته

متنا عليها مِن ضحك بس الحجية تعوج بحلگها
•: همداني فديته ولج صيري نشمية شنوو فديته وكيوت خليج مرة هيج كون قوية

زُحل •: يا جدة منو هاي نشمية مرة منو

•: مرة ***** تعرفينها

زُحل •: يااا عزا جده سوالف انحرافية هاي راح تتفسد اخلاقي

هزت ايدها الحجية ودارت وجها منها وهيه دردم
•: هم نسوان ذني وتاخذهن الزلم فاهيات يربي
خديجة •: هههههه يا عمة عوفيها خطية

•: ولج يعمة فاهية فاهية كيوت وفديته كون نشمية تمشي الرجال عدل مو فااهية  هيج تردين المرة كلمتها حارة وگومتها حارة مو تمگمگ بحلگها