الضليلة

Part 48

الضليلة البارت 48

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~مشاهدة ممتعة 🫶🏻~~~~~~

سلسبيل

ناقلي للمستشفى وحالته كُلش صعبة عود رايح اله عمي ضاهر ماخذ اله مسواگ للبيت لاگي شارب حبوب ماعرف شنو والدنيا مخبوصة وبـلال مناك خطية عايز ضيم وزادته هل سالفة قبل كم يوم خسران ابنه ويرجع يخسر ابن اخوه ماعرف شنو هل مصايب

رحنه اني وامي للمستشفى ويا عمه عليا مرينه عليها وطلعنا للمستشفى حال بـلال يكسر الگلب ما يعرف وين يروح حيله انهد كُلش عاد هُوَ كُلشي ولا الـقس يموت عليّ رباه مِن هُوَ زغير وكُلشي ولا دمعته ويشوفه بين الحياة والموت هيج وقبل كم يوم خسر ابنه الثالث الله يعينه على ما ابتلاه

جانو كلهم موجودين بالمستشفى بس مُعاذ ملتحق مموجود طلعت الدكتورة  مسوين  غسيل معدة اله بس بعده بخطر لان الحبوب  كُلش قويات الي ماخذهن گام بـلال راح للحمامات شوي ورجع عيونه حمر وگوة يمشي تعبان راح اله عمي مُنير

•: ارتاح عمي لا طيح تجي نقيس ضغطك خاف نازل لو صاعد

هز بيده بمعنى لا عافه وراح گعد على الكرسي ورفع راسه ليفوگ وهمس •: اااخ ربي رحمتك

نعصر گلبي عليّ يكسر الخاطر اني شوي ورجعت للبيت بناتي يمهن بس رُقية وحركات كُلش خفت يإذن نفسهن رجعت اني وعمه عليا بس امي بقت هناك لگيت سبأ تبجي وبس شافتني زادت

سبأ •: انتِ وين تلحيين ويين

ضحكت بتعب وبستها
•: يا عمري حبيبتي ليش هل دموع

رُقية •: شلعن گلبي خبصني خبص حتى للدكان اخذتهن شنيي ذنييي

ازولة •: رُقية الوصخة ما قبلت تشتريلي العابة الحلوة

رُقية •: اي مو اهلجن يحولون حوالات باسمي الخايسة انتِ هنيالج لو عندي فلوس جان اني شتريتها اروحي

•: عيبب ازولة شلوون تگولين على خالة رُقية وصخة

رُقية •: خالة ئال خالة اريد احجي فد حجاية بس اخلاقي لازماتني عذرًا يعني

عافتني وراحت ضحكت وهزيت ايدي لزمت ازولة مِن اذنها وزمخت بيها •: اذاا بَعد اسمعج تگولين على خالة رُقية وصخة حظ حظج اسمطه فاااهمة

هزت راسها وستهضمت اخذتهن للدكان اشتريت الهن وجبت الهن العبة الي يردنها وهم اشتريت وحدة رُقية ههههه لو مو تكبر تبقى طفلة جبت الها هم حبشكلات ورجعت للبيت لگيت زُحل متصلة عليّ قبل نص ساعة رجعت إتصلت عليها شوي وردت