الضليلة

Part 21

الضليلة البارت 21

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~~~
احببتُ عيناك وأنا
أقلُّ الناظرين لها

~~~~مشاهدة ممتعه🫶🏻~~~~~

ماعرفت ارد شي غير شمرت التليفون على الجرباية وعض بشفايفي مِن الارتباك مِن استوعبت الموضوع اخذت تليفوني وگلت •: شگد عار لعد 

على طول صارت خطين زرگ
•: اي اني عار احب العارات بكيفي

•: جان استحيت ولك السان ترادد
•:ومنو گلج اني استحي  ماستحي اني زايحها
•: ونعم منك مفتخر
•:هل شي مو بيدي بيد گلبي

•: بس مو طليقة ابن عمك يا عار
•: اي عادي ابن عمي ما رادج اني ردتج بيها شي حرام لو كفر ؟!

•: الي ديلعب نفسي منك السانك ودا ادفع النفسك وتبرر لو بمكانك دفنت روحي

•: ولج ااانييي گمت مِن الموت على مودج اني متأكد حتى اخذج  وما كدرت ادفن روحي هسا ترديني ادفن روحي لا يگلبي لا بعدين ترى  عادي  هواي اخذو طليقات ولد عمهم مو حرام خاف عبالج شي كُلش عادي

سويت اله بلوك وغلقت تليفوني عجيب وله عين يبرر النفسة بحياتي ما شفت هيج قابلية وعبالكم اخلصت منه لا ثاني يوم شفته منتضرني باب بيتنا ضليت ابالع خاف امي تطلع وتشوفه صكيت على سناني وگلت بصوت ناصي

•: شبيك انتَ شدسوي هناا
•: عادي واگف واحد بعد ما يوكف ؟!

خزرته ومشيت وهُوَ يمشي التفت وگلت
•: هاا لعد شكو تمشي وراي

•: بعد الواحد ما يمشي ؟!

•: لا يمشي بس مو على راسنا

•: اي بس اني دامشي على الگاع والله اذا دامشي على راسج تعاي ابوسه واعتذر

خزرته حيل عزا عفته ومشيت بسرعة وهُوَ يمشي بنفس السرعة بحيث حتى ما ركبت تكسي اني امشي وهُوَ يمشي حسيت روحي ضليت الهث مِن المشي وهُوَ مستمر يمشي مِن شفته بلش يتقربلي مشيت اسرع الا ان وصلت الكلية بعد تعب فتت للكلية وباوع عليّ ومديت الساني بمعنا ما تگدر تفوت ابتسم ورفع حاجبه وطلع كارت مِن المحفضة مالته واراها للحارس وماعرف شنو حجو اشو فات هذا وهُوَ يضحك ويهز بحواجبه درت وجهي وفتت للكلية وعلى قسمي على طول واني الهث ومصدومة هذا منين طلع الي تالي وقت انتبهت الي صديقتي وگالت

•: شبيج سلسبيل شو وجهج عرگان وشكلج خايفة
•: ها لا بس ما لگيت تكسي وجيت مشي
•: يا عزا لعد غير تگليلي جان والله خليت السايق الي يجيبني ايمر عليج ورحنا سوا
•: بعد ما حبيت ازعجج