الضليلة

Part 35

الضليلة البارت 35

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~~مشاهدة ممتعة🫶🏻~~~~~~

مر اسبوع ما شفت بـلال ولا اسمعت عنه خبر خالة خديجة ما تحجي وياي بس على گد الاكل تجيبه لو تشربني العلاج سلسبيل ابد ما راحت معا انو حجيت الها لا تترك بيتها شنو ذنب زوجها خطية بس هيه ما قبلت

اليوم اجت الدكتورة شافت الجرح عالجته وشكلت الي مغذي وراحت وراها نمت شوي وگعدت لگيت سلسبيل وخالة يمي گاعدات انتبهت الي  سلسبيل وابتسمت

•: صح النوم

•: حبيبتي

باوعت الها ترضع بنتها ابتسمت وگلت
•: خطية رضعيها خلي تشبع

•: قبل شوي رضعتها وهسا هم رضعتها واضح تحب الاكل على مُعاذ

•: حبيبتي هيه الف عافية حتى حاتم مثلها اطفال بسرعة ايجوعون

تنهدت وبجيت
•: اتمنى لو حاتم هسا بحضني

عفت اديني على وجهي گامت الي سلسبيل تهدي بيه
•: يروحي لا تبجين ان شاءالله ربي يحنن بـلال عليج وتشوفينه ما يبقى الحال كما هُوَ لازم تشوفينه

•: اووف يا سلسبيل والله مخنوگة مشتاقتله كُلش دوم افكر شلونه منو يرضعه فدوة سلسبيل ما ترحين تشوفينه وبس صوري على الاقل لحد ما ربي يفرجها

•: اروح ان شاءالله والله بعيني

•: اعرف دا احرجج وما ترحين الذاك البيت انتِ بس شسوي مالي غيرج

گالت خالة خديجة •: اني راح اروح الهم اصلًا بعد شوي اشوف بـلال وعود اصوره الج

•: صدُگ خالة فدوة الگلبج وهيج ربي ويهدي وتجيبينه والله تكسبين بيه آجر 

هزت راسها وسكتت گلت
•: يلا ترحين هسا فدوة خالة بالي يمه اريد اطمئن

هزت راسها وگامت طلعت برة الغرفة
سلسبيل •: بس لا تتاملين زُحل ما اعتقد راح يقبل بـلال ينطي

عضيت على شفتي بقهر •: اعرف بس افرح روحي بهل سوالف على الأقل صورة اطمئن عليّ

•: الله يفرجها عليج والله گلبي ديتگطع عليج وما بيدي شي غير بس اباوع

•: بالي يمه منو رضعه شلون صار والله بالي يمه

•: لا تخافين عليّ ابو يمه وعمه عليا مخليته بعيونها لا تخافين