الضليلة

Part 44

الضليلة البارت 44

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~مشاهدة ممتعة 🫶🏻~~~~~~

نقذني مُعاذ مِن اجا اخذ مني ازولة وگال
•: تعاي سلسبيل بهاي الغرفة نايمة

مشيت بسرعة وفتت للغرفة جانت گاعدة بيها سلسبيل على مود ما تصعد وتنزل وخالة يمها تعدل بالمخدة مالتها رحت متلبكة ورعش حتى ماعرفت شلون سلمت على سلسبيل حتى ما باركت الها

سلسبيل •: شبيج زُحل

باوعت الها وبتسمت
•: ما بيه شي شلونج شلون صرتي

•: الحمدُ لله وين ازولة

•: اخذها مُعاذ يمه بالله اشوف البيبي وينها

گمت باوعت بالكاروك بتسمت صغيرة تخبل وجهها احمر
زُحل •: اوووييي كيوت

بتسمت وبستها شوي شوي خفت تگعد تبجي
سلسبيل •: شيليها وعوفيها بحضنج

•: اخاف تگعد

•: لا معليج شيليها

بتسمت وشلتها وعفتها بحضني شوي وفاتت عمة عليا وراها اريج حتى بتسامتي انمسحت ونزلت راسي منقرفة

عليا •: لعد اذا گاعدة شعدنا هناك گاعدين

خديجة •: تعالو هنا گعدو خية مِن اول مرة گلت اني ليش هناك گاعدين

راحت خالة تصيح الهم واني احس روحي كلي ارعش مِن العصبية شلون راح اگعد بوسطهم

عليا •: ها شلونج زُحل شو ما سلمتي

گلت مِن طرف خشمي كُلش كارهتهم حتى الي ماله علاقة كرهته كُلش
•: الحمدُ لله ما انتبهت الكم فتت بسرعة السلسبيل

شوي وفات بـلال وضاهر عدلت گعدتها سلسبيل بمساعدة مُعاذ بس مُنير ما فات حسيت وجودي ما مرغوب بي ابد

اريج•: رُقية حبيبتي گومي مناه خلي اگعد بمكانج ما اگدر اگعد بالگاع حامل وصعبة گومتي وگعدتي

التفتت بسرعة الها منصدمة حامل ؟! تخبثت تسمعني انو هيه حامل التفتت البلال الي صافن عليّ
دنگت راسي وبلعت ريگي شوي ودگ باب البيت گام مُعاذ فتح الباب شوي وفات الـقس هنا انصدمت اكثر هون انتبه الي انصدم اكثر مني وضل بمكانه واگف

بـلال •: حيووان گلت هنا تروح تشتري وترجع نمت وين جنت

التفتت السلسبيل الي عافت ايدها على ايدي همست
•: شبيج زُحل غلسي منهم جنج ما تشوفينهم