الضليلة

Part 36

الضليلة البارت 36

حسابي الواتباد writer-zainab
اضافه الحسابي الانستا :: writer_zainab2

لا تنسون النجمة و التفاعل على الفقرات 🧡

~~~~~~~~~مشاهدة ممتعة🫶🏻~~~~~~

زُحل

الفترة الي مريت بيها والألم بس الله يعرف بي مرت فترة قصير بس اخذت مِن عمري عمر نص حيلي اخذته وشالته كُل الم جسمي وروحي بصفحة وابني بصفة ثانية عالم ثاني وجهه ما يروح مِن بين عيوني

حتى بـلال شگد اشتقت اله ابد ما اتعودت على هيج فراگ احبه حب ولا يمكن احد حبه رغم الي سواه بيه اموت بي واتمنى شوفته وخايفة فعلًا بأيّ ساعة يجي ويطلگني وبنفس الحظة اريد اطلگ منه

ماعرف شنو اريد بس تايهه كُلش روحي كلها تاايهه شلت الخيوط بس ما عافولي مخدر مخلص بحيث متت متت اصراخي وصل السابع جار ابجي ودگ على وجهي

•: اللهييي شهلل عذااااب انساان يتعذبب وهُوَ ممسوييي شي تعبتتت شهللل عذااب ياااربييي ساااعدنييي اااخ

كملت الدكتورة وهيه وخالة والحجية يبجن ويايّ مِن شالت الخيوط الالم فضيع مستمر وبعد فترة مِن شلتهم ارتحت منهن جانن كُلش متعباتني خلصت منهن بس ابد ما اطلع مِن الغرفة گدي للحمام ورجع احس نفسي منبوذة بالبيت كله وبس بجي

اتخيل امي لامتني بحضنها اب ياخذ حقيي والله مرات احلم بيهم احس نفسي بواقع مو حلم شگد اتمنيت اني يمهم لو جانو عايشين جان لحد الان ممتزوجة وادرس ومرتاحة حالي حال البنات

رجعت على تليفوني القديم الي جابه الي ابوي ذاك تليفوني ما لگته سلسبيل عفته ماريد شي منهم حتى الملابس ذني بس خلي اگدر الملي كم لبسة والله ماخذ شي منهم ابد كُلشي اعوفه يحرگونه يشمرونه ماريد اي شي بفلوسه

مرة جنت گاعدة بوحدي وضايجة وابجي گلت ليش ما اراسل سلسبيل وحاجيها بوضوع حاتم اجي واشوفه وبلكي تضبط وصدُگ اشوفه وفعلًا سويتها وابني صار بين اديني احس نفسي بحلم حاضنته بكل قوتي خايفة يوگع مني ماعرف شلون اروي اشتياقي ابوسه احضنه ابجي احس روحي ملهوفة عليه اكثر مِن هديت وشفته هُوَ هم مات مِن البجي مسحت ادموعي وگمت مِن الحمام وگعدت بالغرفة طلعت اله صدري يرضعه طاح عليّ ميت جوع

سلسبيل •: فدوة شوفي شلون طاح عليّ ميت جوع اني مرات حتى صدري ما يتقبله

•: شلون ما يتقبله وهذا صدر امه يروح امه

حضنته وضليت اشهگ بالبجي وشم بريحته
•: الحمد لله مِن شفتك وقريت عيني بيك يروحي يماما