نيران الإنتقام

الفصل الثالث

❤️‍🔥نيـــــران الإنتـقـــــــــــام❤️‍🔥

👇الفصل الثالث👇

صراع العقل اشد من صراع القلب..

في النـــــــادي... عند مـالك

احمد بغل/بقلك ايه يا روح امك انتي هتعملي عليا الخضرة الشريفة خليكي فاكرة ان اخوكي تحت رحمتي يعني تنفذي الي اقولك عليه وانتي ساكتة فاهمة..

لانا بدموع/ابوس ايدك بلاش انا امي بتموت كان يوم اسود يوم ما تعرفت عليك سيبني في حالي بقى..

احمد بخبث/اوك يا حلوة... ييقى تترحمي ع اخوكي وغير كده تدفعي الي عليكي ولا انتي ناسية انك كاتبة شيك ع نفسك يا دفع يا الحبس.. هااا ايه رأيك تنفذي ولا ايه

لانا بقهر/هنفذ...

احمد بمكر/يلا يا حلوة وريني شطارتك بقى...عاوز فضيحته تبقى ع كل لسان..

نظرت اليه باحتقار.. وذهبت كي تنفذ خطتها.. 

عند مـالك...

يوسف بانبهار/الله عليك انت تستاهل البطولة بجد.. دا انت اسرع واحد لحد دلوقتي.. بس تفتكر احمد ممكن يسكت ده كل سنة بيخسر قصادك ورغم كده مصمم يتنافس معاك

مالك وهو ينشف جسده بالمنشفة/احمد مين ده الي تحطه في دماغك.. ده حشرة تدوس عليها تحت رجلك.. ده واحد غدار مالوش أما معندوش لا عزيز ولا غالي..

يوسف بتنهيدة يجلس/ربنا يستر منكو..

قاطع حديثهم عندما شاهدو قرب احمد ليهم

يوسف/اهلا ي ابو احميد عامل ايه

احمد وهو يلبس نظارته/فل تمام

نظراته على مالك يريد الفتك به لكن الصبر الطيب.. ومالك يفهم ما يريد الحصول عليه..

احمد/البطولة قربت

مالك بإستفزاز /عارف ولا انت بتأكد على خسارتك يعني

احمد بكره/هكسبك السنة ديه صدقني

مالك/ههههههههههههههههههههههههه ايه الثقة ديه الي عندك

احمد/هكسبك وهكسرك وهتشوف الي عمرك ما شفته مش احمد الي يتهزم ويسكت ايه الغل ده الي فيك هتفضل اناني لحد امتى..

مالك قبض على قميص احمد بغضب/بتقول ايه يا روح امك اوعى يغرك اني من عيلة شيك وكده لاااا انا صعيدي اباً عن جد والي يقل مني انسفه عن وش الدنيا.. انانية ايه الي بتقول عنها اذا انت كرهان نفسك من الحقد.. وهنصحك نصيحة لوجه الله ابعد عن طريقي عشان انت الي هتندم

احمد رفع يده اراد ضرب مالك لكن بنية مالك اكبر فـ امسك يده واطاحه ارضا..

يوسف بغضب وقف في النصف بينهم/ايييه ده انتو هتتخانقه ولا ايه طب راعو انكم كنتم صحاب ايييه ملعون ابو البطولة الي تعمل في النفوس كده انتو اتجننتو ولا ايه عيب عليكم كده