رساله من المعيوف
المعيوف : نياري اخيرا باخذك لبيتنا اهخ مرا مبسوط ! اخيرا بيزفونك لي ! اليوم انتي عروستي مو مصدق !
نيار و هي مبتسمه كتبت : احبك معيوفي! اخيرا بنكون بنفس البيت حتى انا مو مصدقه احس اني بحلم ولا ودي اصحى
المعيوف : تطمني مو حلم يا روح معيوفك ، يلا يلا تجهزي عشان خالتي ما تهبدك
نيار : هههههههه كأنك عارف انها قبل شوي هددتني تروح و تخليني ما كأنه زواجي
قفلت جوالها و قامت لبيت لبس مريح و توجهت للقاعه مع أهلها تجهزو بالقاعه بعدها جا المعيوف و قعدو يتصورون صور و فيديوهات مع بعض و مع عوائلهم و كذا
_________________________________________
في الجهه الثانيه من الرياض تحديدا جنوب الرياض
الرئيس بغضب : قلك لكم تجيبونها اليوم يعني تجيبونها ! ما بسمح له يمسك معشوقتي و يتهنى معاها !
احد رجاله (مازن) : بس يا رئيس كيف نجيبها و الان هي تحتفل بزواجهم؟
الرئيس : مو شغلي يلا انقلعو ولا ترجعو بدونها ! و ان رجعتو بدونها بتلحقون خويكم
خلص كلامه و اشر على خويهم محسن المقتول منذ دقائق
طلعو وهم خايفين و يلعنون الرئيس بداخلهم
بدر بخوف : يا عيال عندي خطه بس احتمال 45% ما تضبط !
مازن: وش خطتك انت بعد ؟
بدر : الخطه هي ____________________ مفهوم ؟
مازن و سعد و براء : مفهوم
طلعو ينفذون خطتهم
بس صبر نرجع قبل سنتين و نشوف كيف نشأت هذي العصابه
اولا الرئيس مجهول و محد يعرف هويته الحقيقه ما عدا بدر حتى رجاله الباقين ما يعرفون !
ثانيا بدر أذكى واحد برجاله لقاه قدام مسجد و رباه و من بعدها صار يشتغل معاه عشان يرد جميله
ثالثا براء صديق بدر و صار يشتغل معاه لانه عاطل
اخيرا مازن و سعد تقابلو بالصدفه مع بدر و براء و صارو يشتغلون سوا
في البدايه كان شغلهم في مزرعه الرئيس و بعد ما وثق فيهم قرر يعلمهم عن شغله الحقيقي و خبثه
الرئيس : معشوقتي تحب غيري لازم تراقبونهم !
بعد سنتين من المراقبه قرر اخيرة يخطو الخطوه الأولى و لكن بعد فوات الاون !
نرجع للواقع
بدو بتنفيذ خطتهم الخبيثه بيدمرون فرحه حبايب ما صدقو يجتمعون ببعض !
_________________________________________
بدأت زفتهم و كانو فرحانين و جدا
انتهت الزفه و اشتغلت اغنيه حماقي بقيت معاه
صارو يرقصون عليها و المعازيم يعززون لهم
المعيوف همس بأذن نيار بروقان : ودي اشيلك و اسافر و اترك العالم و اهاجر !
نيار كملت الاغنيه بابتسامه : حتى تعرف لجل عينك قد ايه اقدر اخاطر !!
المعيوف : تدرين احبك لأي درجه؟
نيار : لا لأي درجه ؟
المعيوف : لدرجه اني حافظ عدد الشامات الي برقبتك !
نيار : اوف ، كم ؟
المعيوف : 6 شامات وحده بنص رقبتك و ثنتين تحت اذنك اليمين و ثلاثه قريب من عظمه الترقوه
نيار : يمه معيوفي تخوف !
المعيوف : بالعكس كيوت حافظ أدق تفاصيلك !
نيار بضحكه : حبيبي انت !
المعيوف غطاها ببشته و قبل شفتها بشغف !
بينما يسمع صراخ البنات بحماس
فصل القبله و قال : متحمسات اكثر منك هههههههههه
نيار ذابت من ضحكته و ابتسمت بفهاوه و قالت : عبود !
ضحك على خجلها الي عشقه و توجه لقاعه الرجال من جديد و هو يلعن الاعراس
المعيوف لياسر : يعني ليه لازم يطول العرس ابغى اخذ حرمتي و اهج !
ياسر بضحكه : اهجد حرمتك مو طايره ترا !!
المعيوف : مو مصدق بصير متزوج و عندي مسؤوليات !
ياسر ضحك عليه و قال : الله لا يبلانا بس
بعد ساعه
المعيوف أمام السياره ينتظر نزول حبيبه قلبه
ماهي الا ثواني قليله و شافها قدامه
فتح لها الباب و همس بضحكه : لا تتعودين ها !
ضحكت و قالت : ما احب كذا اصلا !
طلع السياره و شغل اغنيه راشد : حبيبي معايا
والله وتحقق منايا
شوفوا حبيبي معايا
يا اهل الحسد والوشاي
سعادة القلب وياه
الماي عود لمجراه
حاولتوا ياما و ياما
زدتوا علينا الملاما
لكن وصلنا بسلاما
و من يزرع الخير يلقاه
الماي عود لمجراه
يا حاسدينا اليكم
من خوف قلبي عليكم
حياتنا مو بايديكم
مكتوب عشنا وشفناه
الماي عود لمجراه
والله وشبكنا الايادي
قدام كل الاعادي
رايق لنا الجو هادي
سلم وانا قلبي حياه
الماي عود لمجراه
________________
و لما وصل عند بارت والله وشبكنا الأيادي مسك يدها و رفعها له و قبلها بعمق
نيار لفت وجهها للشباك و خدودها حمرا بخجل
المعيوف : احبك و احب خجلك الي بيجنني!
نيار : عبود !
المعيوف ضحك عليها و قال بمزح : اذا مستحيه من الحين كيف بتكونين في الشقه 😉؟
نيار بخوف : ها؟
المعيوف ضحك بقوه و لف عليها يبوس خدها و فجأه
صرخت نيار : عبود انتببه!!
صوت اصطدام قوي سبب إصابات بليغه
بدر بخوف : لا يكون ماتو بس !!
براء : لا لا باقي في نبض دق على الإسعاف بسرعه
دقو على الإسعاف و توجهو للمستشفى
في المستشفى مازن اخذ ابره و حطها بالمغذيه حق نيار و وقف قلبها زي ماهو مخطط !
للحين خطتهم ماشيه صح بدايه من الحادث إلى الابره الي توقف قلبها لمده 3 ساعات !
اما المعيوف جاته إصابات قويه و سو له أكثر من عمليه
بعد دقايق وقف قلب نيار و توجهو لها الدكاتره بسرعه يحاولون ينعشونها بس مافي فايده
الدكتور عبد العزيز : خلاص يا مروان أعلن ساعه وفاتها !
مروان و الدموع عالقه بعيونه : ساعه 12:53 الفجر
تنهد و قال : اهخ يا عزيز ماتت بفستان زواجها الحين كيف بنصارح زوجها ؟
عبد العزيز بضيقه : راحت للي ارحم مني و منك
تنهدو بزعل على حاله الحبايب !
و توجهو لثلاجه الموتى برفقه السرير المغطى بالشرشف الأبيض و تحته جثه نيار
دخلوها جوه الثلاجه و طلعو يكملون شغلهم
فجأه دخلو بدر و سعد
الي اخذو جثه ثانيه و بدلوها مع جثه نيار !
بدر بحماس : الرئيس بينبسط مرا !!
سعد بحزن : و زوجها بيبكي !
بدر بفرح: ما علي منه اهم شي ما نموت بسببهم !
توجهو لرئيسهم بمشاعر مختلطه
حزن على حال المعيوف الذي سيستيقظ على خبر وفاه زوجته
و سعاده على انهم انقذو أرواحهم من الرئيس عديم الضمير
دخل بدر اول شي و قال : اهلا سعودي جبنا لك معشوقتك
الرئيس : كم مرا قلت لا تناديني بأسمي !
بدر بملل : اوف سعود تراك زي اخوي الكبير ليه ما تعاملني بلطف ؟
الرئيس : بدوري احنا اخوان في البيت بس هنا انا الرئيس و انت يدي اليمين تمام ؟ مفهوم ؟
بدر قلب عيونه بملل وقال: مفهوم
الرئيس : الحين وين نياري ؟
بدر : في الغرفه بس صبر تراها ميته لمده ساعتين بس و بتقوم ف خذ ذي الابره حطها بالمغذيه حقها تخليها تفقد الذاكره كليا و عاد انت العب عليها براحتك تمام؟
الرئيس باس راسه و قال : شكرا يا أذكى اخ بالعالم
بدر بغرور : لا داعي لا داعي
طلع الرئيس و نفذ كلام بدر بالضبط و فعلا قامت بعد ساعتين
نيار : انا مين ؟ و وين ؟ ليه ما اتذكر شي ؟
الرئيس بخوف مصطنع : حبيبتي اخيرا قمتي !!
_________________________________________
كيف البارت ؟
عجبني البارت كبدايه مرا يحمس !!!
بنااات لازممم تركزون على التفاصيل تمام ؟؟؟ لان في اشياء بسيطه بتكون هي اسباب أشياء كبيره
احس الروايه بتكون طويله بس ما اعرف باقي ما قررت
الروايه بتكون اكشن و حماس اكثر من الرومانسيه بس برضو بيكون في مومنتات لطيفه لا تخافون 💙💙
أنت تقرأ
Obsession - هوس
Misterio / Suspensoعندما وصلني خبر وفاتك لم استطيع ايقاف دمعي و لازلت اتساءل هل هذا هو الحب ؟ هل ان خبر وفاتها يهز كياني و يبكيني انا الذي لا يبكي ؟
