Obsession - هوس

chapter 12

بعد الفطور
المعيوف طلع للنادي
و الاء جت بعده بدقايق
الاء: ول ول يالعلامات !
نيار : سوي نفسك ما تشوفين بالله
الاء: ليش ان شاءالله؟
نيار: محرج
الاء: اقول كليرق بس
نيار : ايه وش صار مع عبد العزيز ؟
الاء: تصالحنا ههههههههه
نيار : ما اعرف كيف صابرين على بعض ! كل ما زانت الجلسه تزاعلتو و تصالحتو
الاء: خطيبي بالنهايه لازم يعرف حركاتي 😭
نيار : ما قلت لك ! حبيبه ياسر اسمها رهى
الاء: الله يجننن
و قعدو يسولفون بمواضيع عشوائيه لين صارت الساعه 6:00 المغرب
الاء : يلا مع السلامه
نيار : لا تروحين لسا بدري !
الاء : والله مواعده عزوز نروح نأثث بيتنا الساعه 7:30
نيار : اوه اجل تمام الله يوفقكم ، صوري لييي
الاء: تمام يلا باي
نيار : باي
بعد ساعه
وصل المعيوف
المعيوف : نيار وينك؟
نيار من المطبخ : في المطبخ
المعيوف راح للمطبخ و قال : وش تسوين ؟
نيار : قهوه مع الحلا الي بالثلاجه تبغى ؟
المعيوف : اكيييد ابغى
نيار : ليه ناديتني ؟
المعيوف : رحلتنا بعد اسبوع يعني بعد نهائي كأس الملك بيومين وش رايك نروح لياسر و جمال اليوم و اهلنا بكرا و بعد بكرا بسافر جده مع النادي
نيار : تمام ساعه و نروح لهم
المعيوف : تمام
سوت القهوه و صبتها بالاكواب
نيار : جيب الحلا معاك
المعيوف : من عيونييي
نيار : تسلم عيونك يا حبيبي
اخذو الحلا و القهوه و قعدو بالصاله ياكلون و تسمع سوالفه عن يومه بالنادي
المعيوف : و حاولت ف ياسر يعترف لها لكنه غبي معّند
نيار : معليك انا اتفاهم معه اليوم
المعيوف : تسوين خير والله هههههههه
_________________________________
في جهه ثانيه و تحديدا عند ياسر
كان يفكر بكلام المعيوف
ياسر لنفسه : صادق ياخي! لو ما اعترفت لها بتروح مني اكيد ! بس لو رفضتني؟ لا لا خلينا كذا تكون ما درت عني احسن من انها ترفضني ، خلاص ياسر ! قوم البس و روح الاستراحه و لا تفكر
فعلا قام لبس تيشيرت اسود من اديداس مع شورت نفس التيشيرت
و نزل سلم على اهله و راح للسياره
في الطريق
دقت عليه نيار
ياسر : هلا نيار ؟
نيار : وينك ؟ ما لقيتك بالاستراحه استغربت ههههههه
ياسر : في الطريق معليك ناشب لك
نيار : طيب ، المهم عبود علمني انك مو ناوي تعترف لها منجد؟
ياسر تنهد و قال : ليه ما تفهموني ؟ ليه ما تفهمون خوفي !
نيار : فاهمتك والله بس لازم تعترف لها ما تدري يمكن هي برضو تحبك ؟ او حتى ممكن تعطيك فرصه تحببها فيك ؟ ما تدري وش يصير يا ياسر ما تدري!
ياسر تنهد بتوتر و قال : خلاص طيب
نيار بفرح : طيب ايش؟
ياسر : بعد المباراه بعترف لها و انتهينا
نيار : بالله ليش الخوف ؟ مين يرفض ياسر الشهراني؟ علمني بس
ياسر ضحك و قال : اعتبره اعتراف !
نيار : ب ايش؟
ياسر : انك تحسيني حلو طبعا !
نيار : نرجسييي يع
ياسر : دزيها بس مريضه
نيار : عطيتك وجهه ترا ! يلا سري
و قفلت فوجهه و انفجرت ضحك
المعيوف : اشبك ؟
نيار : بيعترف لها بعد المباراه و كمان حارشته
المعيوف : يومك اكتمل ههههههه
نيار : فعلا 🫣
اما ياسر ضحك عليها و كمل طريقه متجهه للاستراحه
بس لاحظ سياره متعطله على جنب الطريق
و واضح ما فيها غير البنت الي سانده راسها على الشباك
وقف وراها و دق لها بوري و نزل بهدوء
ياسر : السلام عليكم ، تحتاجين مساعده ؟
البنت لفت عليه و قالت : ياسر الشهراني ؟
ياسر شاف وجهها و عرفها ! و لما تكلمت تاكد انها حبيبته رهى
ياسر بابتسامه : ايه
رهى : ممكن صوره ؟
ياسر ضحك و قال : خلينا نشوف سيارتك اول
رهى ضحكت معاه و قالت : من الصدمه نسيت السياره حتى هههههههه
ياسر : وش صار لها
رهى : اتوقع خلصت البطاريه
ياسر : اوه سهالات اجل
جاب سلك الاشتراك (اتوقع كذا اسمه) و شبكه في بطاريه سيارته من جهه و بطاريتها من الجهه الثانيه
ياسر : يلا تعالي نتصور
فتحت جوالها و كانت بتصور بس بسبب فرق الطول ما كان واضح مرا اعطته الجوال و قالت : صور انت
ياسر باستغراب : بدون فلتر ؟
رهى : ايه ليش؟
ياسر : مدري استغربت
ضحكت و تصورو و بعدها كل واحد كمل طريقه
رهى دقت على صديقتها في السياره و قالت لها كل شي
رهى : يويلييي طلع بالحقيقه احلا من الجوال
سارا : والله انك اقوى فانز
رهى : كويس ما يعرف اني فانز هههههههههه
سارا : ما تدرين يمكن قد شاف تصاميمك
رهى : ما اتوقع ، بس والله انه عسل لي ساعه واقفه بالشارع محد وقف لي غيره
سارا : عسسل اجل ؟
رهى بخجل : يلا باي وصلت البيت
سارا : باي
دخلت بيتها و سلمت على امها و ابوها و توجهت لغرفتها
سوت قهوتها و لبست بجامه مريحه و قررت تحل واجباتها و المشاريع عشان بكرا تكون فاضيه تماما
الساعه صارت 12:11
خلصت كل واجباتها و المشاريع و قررت تتابع فيلم بما انه بكرا عندها اوف
شغلت اقرب فيلم لقته و بدت تتابع لين بدت تنعس
قفلت اللابتوب و راحت سريرها و نامت
_________________________________
بعد 4 ايام
نيار : متاكد ما نسيت شي؟
المعيوف : لا يا قلبي
نيار : لو نسيت شي علمني اجيبه مع
المعيوف : تمام
حضنها و باس راسها و قال : يلا مع السلامه حبيبي اشوفك بكرا
نيار : في حفظ الرحمن ، تحصنت ؟
المعيوف : ايه معليك
توجه للمطار مع النادي متجهين لجده
اما نيار جهزت شنطه صغيره و نامت لان رحلتها في الليل
الليل
توجهت للمطار و معها الاء
طلعو الطياره و كانت مشتاقه للمعيوف بالرغم انه سافر قبلها بكم ساعه بس
الاء : نيار جيبي قهوه بالله
نيار  : تمام
الاء بفضول : متى نشوف برهومي الصغير ؟
نيار بخجل : الاء! باقي بدري عليه
الاء : ليش بدري ؟ متحمسه اشوف الانتاج ههههههههه
نيار سحب عليها و راحت تجيب القهوه
بعد مده نادو على رحلتهم و طلعو الطياره بهدوء بحكم انها مو المره الاولى الي بسافرون فيها
اقلعت الطياره و نيار طلعت كتاب من شنطتها و كانت روايه بطلها يذكرها بحبيبها ( عبدالله )
نيار لنفسها : هو كانه عبود ولا من الحب يتهيأ لي ؟ لا والله نفس حركاااته ! اهخ يجننن
كملت قراتها و بعدها طفشت و اخذت جوالها صورت كم صوره و صورت الاء و هي نايمه و بعدها نامت معها
هبطت الطياره و محد فيهم قام
المضيفه : انستي لقد هبطت الطائره منذ مده !
نيار بعدم تركيز : هاه ؟ ممكن تعيدين؟
المضيفه بابتسامه على منظرها اللطيف : لقد هبطت الطائره منذ مده !
نيار باحراج : اسفه نمنا بالغلط ! الان ننزل
صحت الاء و اخذو شنطهم و نزلو
الاء بضحكه : وش ذي النوومه ! ما حسيت والله 😭😭
نيار : صحتني من افضضل حلم !
الاء : ايش حلمتي قولي لييي بسسسرعه !
<الحلم >
المعيوف : نوني تعالي المويه دافيه معليك !
نيار و شفايفها ترتجف : خايفه خايفه !
المعيوف : لا تخافين انا معاك ما بخليك
نيار : قول والله ؟
المعيوف ضحك و قال : والله ما اخليك تعالي بس
نيار قربت شوي من البحر و المعيوف مسك يدها و سحبها له و حاوطها من خصرها
لفت يدينها على رقبته و تعلقت فيه بخوف
المعيوف كان يعرف ان عندها فوبيا من البحر بس قرر يخليها تتعود عليه
<الواقع >
نيار : المضيفه قومتني في اهم لحظه ههههههههه
الاء : قههههر !
نيار : اوبر جا امشي بس
الاء : لهجتك على طول قاعده تتحول 😭😭
نيار : ماما جداويه ! اكيد حتكلم زيهم في جده
الاء : امشي بس لا يسمعك عبدالله و يهج هههههههه
نيار : تتريقي انتي و راسك ؟ مريضه ههههههههه
طلعو سياره اوبر و وصلهم للفندق الي كان جنب فندق اللاعبين
دخلو الفندق اخذو مفتاح الغرف و طلعو
نيار رمت نفسها على السرير بتعب و اخذت جوالها
+9 new messages
المعيوف : الو
المعيوف : وصلتي ؟
المعيوف : بنت
المعيوف : طمنيني يا حبيبي
المعيوف : وحشتيني
المعيوف ارسل صوره ياسر و هو يهوجس و كتب : يهوجس بالحب 🩵
المعيوف : شكلي بهوجس معه
المعيوف : وينننننك
المعيوف : طولتييي
المعيوف ارسل رياكشن ردي عليا مش قادر اتنفس
ضحكت على رسايله و كتبت
نيار : اهلا اهلا
نيار : دوبي وصلت الهوتيل
نيار : حتى انت وحشتيني يا قلبي
نيار : اوه يا رهى وش سويتي بقلب ياسر !
نيار : لا تهوجس ولا شي خلاص رديت 😭😭
نيار : بموووت الرياكشن 😭😭😭
نيار : طلعت راعي رياكشنات يا ولد ! 😭😭
_________________________________
اهلا اهلا
كيف البارت ؟
تتوقعون كيف بيكون الاعتراف ؟
بكرا يوم ميلادي مرا يحمس 🥹
البارت الجاي احشر فيه حدثين ؟ ولا حدث واحد يكفي ؟ اخاف احشر الاثنين و ما يطلع حلو 😭😭😭
حطيت لكم اغنيتي المفضله الفتره ذي ههههههههه