نيار : ولد عيب ! لا تتلقف عاد سعود : صح بطل لقافه بدر بتأفأف : ابغى اصير عم من حقي ترا ! سعود بضحكه : و انا بعد ابغى اصير عم متى تعرس انت ؟ بدر بهمس : لما افتك من أعمالك و اصير طبيعي نيار سوت نفسها ما سمعت اما سعود عبس بملامحه و مسك يد نيار و طلعو للغرفه سعود حاوط خصرها من ورا و همس عند اذنها بخفه : صادق بدوري ! ما ودك بطفل يشيل اسمي و صفاتك ؟ نيار تقشعر جسمها بخوف و قالت: احس بدري بذات اني مو متذكره شي و عقلي مشوش ! سعود باس رقبتها بخفه و قال : براحتك حبيبي رجف قلبها بخوف و قرف ! مشاعرها السيئه كلها اختلطت بسببه ! متقرفه من نفسها لانه باسها ! [يع يييع الله يلعنك يا بدر ! جبت لي ذي المصيبه الحين بيقعد يزّن علي بذي السالفه !!!! اووووف] سعود انسدح على السرير و شافها باقي واقفه ضحك على باله انها مستحيه سعود اشر على حضنه و قال : تعالي ننام يلا نيار بهمس لنفسها : يلييل البلشه ! المفروض انام بحضن معيوفي مو سعود الزفت ! سعود : قلتي شي ؟ نيار : اقول ثواني ببدل ملابسي ، نام لا تنتظرني سعود تأفأف بصوت مسموع و عطاها ظهره بزعل و نام نيار همست لنفسها : احسن اخمد و فكني ! لبست بجامه مريحه و مسحت الميكب و رفعت شعرها باهمال و انسدحت و هي معطيته ظهرها [كلها يومين و تفتكين منه ! اصبري يا نوني ] نامت بعد صراع من التفكير اليوم الثاني قامت بدري و سوت فطور لها و لبدر و سعود سعود : اوه وش الريحه الحلوه ذي؟ نيار : طابخه لكم احلا فطور في العالم افضل من كل الطباخين بدر : تسلم الايادي يا احلا شيف نيار : الله يسلمك بدوري سعود تحمحم بدر ضحك و قال : ناديني بدر عشان لا يموت علينا ذا ! نيار ضحكت و قالت : خلاص تمام قعد ياكلون و لما خلصو اكل نيار : يلا واحد يلم السفره و الثاني يغسل المواعين بدر بسرعه : انا بلم السفره نيار : يلا سعّودي قوم للمطبخ لا اشوف المواعين نفس ماهي تمام ؟ سعود : من عيونييي بدر ضحك بقوه و قال : خروف خلصو الي عليهم و راحو الشركه يجهزون للعمليه الكبيره بكرا اما نيار مسكت جوالها و دقت على المعيوف _________________________________________ المعيوف شاف اتصالها و ابتسم رد و اعطى جمال يد السوني و قال : كمل بدالي حبيبتي تكلمني ما اقدر العب ياسر : خفو علينا يا قيس و ليلى ! جمال بضحكه : ياخي اعتقهم ! خليهم بحالهم ما صدقو يتزوجون ذولا ياسر : تعال اكسر راسك بس جمال : انا بكسر راسك لا تنسى قدامك كنق الفيفا ياسر : صح صح تعال نشوف مين كنق الفيفا المعيوف بعد من عندهم و قال : هلا يا أمي انتي نيار : فيصل حطكم تحت الحمايه صح ؟ المعيوف : ايوا ايوا معليك نيار : طيب كيفك ؟ وحشتني المعيوف : الحمدلله بخير كيفك انتي ؟ و انتي وحشتيني أكثر يا عمري نيار : انا بخير دامك بخير المعيوف بقلق : بسألك شي تمام ؟ بس لا تفهميني غلط ! نيار بابتسامه خفيفه : اسأل يا حبي المعيوف : لمسك ؟ يعني سويتوها نيار ضحكت بقوه و قالت : لا يا غيوري ! مستحيل اسمح له المعيوف تنهد بقوه و قال : الحمدلله ! احبك يا شيخه نيار : بس باسني بشامتي المعيوف بغضب : انا اوريه الكلب ولد الكلب ذا ! ان ما ندمته انه لمس ممتلكاتي ما اكون عبدالله المعيوف ! نيار : تعرف انه غصب عني صح ؟ المعيوف بهدوء : اكيد نياري اكيد ! نيار : احبك طيب ! محظوظه اني حبيتك و بكمل حياتي معاك ! اهخ مو مصدقه خلاص بكرا اخر يوم بدونك و بعدها كل عمري بيكون معك يلببببى المعيوف : اعشقك يا عيوني و تطمني اني فرحااااان أضعاف أضعاف فرحتك ذي نيار : دزها انا فرحانه اكثر المعيوف : بس انا احبك اكثر نيار بتذمر : اوف طيب خلاص انت فزت المعيوف : برسل لك اغنيه اسمعيها نيار : تمام يلا مع السلامه المعيوف : مع السلامه يا زوجه المعيوف نيار : قول زوجتي اسهل ههههههه قفلت منه و دخلت الواتس رسل لها اغنيه اكثر شخص بالدنيا سمعتها بحب و رسلت له اغنيه خليني في حضنك شغلها بالسماعه و هم يلعبون فيفا ياسر : يليل الحبايب ذول ، قول لها ذوقك هاببببط جمال بضحكه : خلاص يا طحن الخواطر ! المعيوف : اجل وش نسمع مطنش ولا همه ؟ جمال بضحكه : للحين مطنشتك ؟ ياسر بعبوس : ما يضحك يا كلاب ! هذا و انا وثقت فيكم و علمتكم جمال : اسفين اسفين المعيوف : منجد حاولت تكلمها ؟ ياسر بخجل : لا طبعا ! المعيوف : اجل كيف بتعرف ؟ تخاطر مثلا ؟ ياسر : ياخي خايف طيب _________________________________________ " تسريع الأحداث " الثلاثاء 1:00 الليل فيصل داق على نيار فيصل : متأكده من الموقع ؟ نيار : زي اسمي فيصل : طيب ما جو قاطع كلامه صوت الشاحنات الجايه فيصل : خلاص جو اكلمك بعدين المباحث انتظرو الشاحنات تدخل لين نص الطريق بحيث ما يقدرون يهربون و حاصروهم بأمر من فيصل و قفلو الشارع كامل نزلوهم من الشاحنات و كلبشوهم بعدها فتشو الشاحنات و فعلا لقو مخدرات و خمور من كل الانواع تم القبض عليهم اخيرا المعيوف دق على فيصل فيصل : هاا وش تبي انت؟ المعيوف : لا توديهم القسم بجيك اول فيصل : ليه ؟ المعيوف :بس بسأله سوال فيصل ضحك لما فهم قصده و قال : ربع ساعه لو ما جيت بمشي المعيوف : تم وصل في 12 دقيقه لانه طلع قبل يكلم فيصل اصلا نزل و قال بنبره مرعبه : مين الكلب سعود سعود : اوووه معيوفي اهلا براعي المعروف المعيوف تقدم له بغضب و قال : انت الكلب سعود ؟ سعود :ايه انا سعود و انت الكلب المعيوف : اوووه حتى و انت ممسوك لسانك طويل ؟ سعود : خلصني وش عندك ؟ المعيوف مسكه و صفقه تصفيق و قال : عشان ثاني مرا تجرب تبوس نياري سعود شهق و قال : كي كيف عرفت ؟ المعيوف : نياري تذكرتني قبل فتره و هي بلغت عليكم يا هطف بدر صرخ بغضب و قال : شايييف كييف ! كله بسبب حبك الغبي بننسجن والله يعلم كم سنه !! الله ياخذك يا سعود المعيوف ضحك و قال : محد قالك تساعده ! بدر صرخ بانهيار : هو عائلتي الوحيده اكيد بساعده ! لما اهلي رموني في المسجد هو اخذني و اكلني و شربني و اهتم فيني بمرضي و درسني و علمني و وظفني ! هذا ابسط شي اسويه عشانه ! له 25 سنه يهتم فيني و اجي اجحده ؟ ماني جحود ولله الحمد المعيوف ما ينكر انه تعاطف معه بس ماله دخل هو همه الوحيد نيار و خلاص رجعت له و حاليا هي في الطريق للمركز عشان يروحون لأهلها سوا طلع سيارته و شغل اغنيه محمد عبده : يوم اقبلت (المعازيم) وصل المركز وقف سيارته و عدل شماغه و تعطر بعطره الرجالي برائحه العود دخل المركز و ريحته تسبقه نيار شمت عطره قبل يدخل و ابتسمت بحب و همست لنفسها : معيوفي جا ! دخل و طاحت عينه عليها لابسه فستان ابيض مكشوف اكتافه و حاطه ميكب و مسويه شعرها ويفي كانت اكثر من مذهله فستانها :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المعيوف همس بفرح : نياري ! نيار لفت عليه بابتسامه و ركضت له و حضنته بقوه بادلها الحضن و شد على حضنها لدرجه تألمت من خصرها بس ما اهتمت لأنها بين احضان حبيبها اخيييرا ! المعيوف دفن راسها برقبتها و بكى بفرحه نيار حست بدموعه و قالت بضحكه : عبودي تبكي ؟ افففااا قول مين بكاك عشان اكسر راسه (تقلد اسلوبه لما بكت وقت ملكتهم ) المعيوف ضحك بين دموعه و قال : دموع فرح مو مصدق حبيبتي بحضني الحين نيار استوعبت الألم و قالت : حبيبتك خصرها عورها ممكن تخفف قوه الحضن لأنها ما بتطير المعيوف ضحك و تركها و مسك يدها و لبسها الدبله و باس يدها و قال : ما زان الأبيض الا عليك يا عذبه الحسن ! _________________________________________ كيف البارت ؟ بالنسبه لي مغرررمممه بالأحداث ! كالعاده الي عنده فكره او اقتراح او اي شي قولو و خلونا تنناقش لان حاليا قاعده ادخل بمرحله الفقر بس فقر افكار ههههههههههههههههههه
