فراس : صح ما قلت لك ! لقيت المجهول او بالأصح المجهوله
نيار صرخت بفرح و قالت : تدري انك افضل مساعد بالعالم
فراس : اعرف 🫡
نيار بضحكه : يع يالثقه !
فراس : يلا وصلنا
نزلت من السياره و شافت فيصل و المعيوف واقفين و ينتظرونهم
نيار بصدمه : مو منجدكم عاد ! تحسسوني انها اول مهمه لي هههههه
المعيوف حضنها بقوه و باس راسها و قال : اوه الحمدلله رجعتي ، خفت عليك
فيصل بضحكه : ابلشني ذا ! مسوي غيور و طول الوقت خايف يصير لك شي هههههههههه
نيار بابتسامه : كييييوت
المعيوف : يلا مع السلامه احنا بنرجع بيتنا
مسك يد نيار و توجهو للسياره و رجعو بيتهم
دخلو البيت
المعيوف : بسوي قهوه تبغين ؟
نيار : اكييييد
المعيوف: صبر صبر انتي اكلتي شي اليوم اصلًا ؟
نيار بابتسامه: لا
المعيوف : لين متى يعني ؟ كانك طفله وربي
نيار : احبك
المعيوف بابتسامه : وانا احبك بس لا تغيري الموضوع قومي كلي اي شي
نيار شمقت و قالت بتذمر : اوف ما مشت عليك !
المعيوف بضحكه : ابغى افهم كيف ما تجوعين انتي !
نيار : ما اشتهي الاكل
المعيوف : قومي معاي ، انا بسوي قهوه و انتي سوي لك اكل يلا
نيار : اخ منك بس ! ما ودي
المعيوف : بلا دلع وش الي ما ودي ! غصبًا عنك
نيار : يع كريه
المعيوف ضحك بقوه و سحبها للمطبخ
عند رهى
قامت بدري وهي متحمسه بما ان اليوم بتصير زوجه ياسر رسميًا !
نزلت تحت سوت قهوتها و طلعت غرفتها
فتحت جوالها لقت رساله من ابرار
ابرار : اطلبي الحلا من ***** ام ياسر تحبه 😉
رهى : الله صاحيه !
ابرار : ايه صاحيه تحتاجي شي ؟
رهى : بتجين معهم صح ؟
ابرار : اكييييد مجنونه انتي ! تخيلي ما اجي بس هههههه
رهى : اوه كويس ارتحت ، متوتره مرررا ، احتاجك معي
ابرار : بجيك بعد شوي ترا ! يعني بتجهز معك
رهى : احببك احببك احبببك !
ابرار : وفري الكلمه ذي بتحتاجينها اليوم 😉
رهى : ابرار كلي زق طيب ؟
ابرار : يع يع قلك تستحيين !
رهى : اقول انا بقوم اتروش و اسوي شعري و انتي تعالي بسرعه يويلك تتاخرين
ابرار : تمام يا احلا عروسه
قامت تتروش
و هي تتروش اخذتها الهواجيس
تفكر بسعادتها الحين ، معقول امها تعرف انها فرحانه ؟ تعرف انها اخيرًا وافقت تتزوج ! تعرف انها تزوجت ياسر الي ابلشتهم فيه !
تتمنى ان امها معها و حولها صح ابرار تحاول تغطي مكان امها بس محد يقدر يوصل مكانه امها ف قلبها !
قاطع افكارها صوت دق باب الحمام
ابرار : لي ساعه وصلت و انتي باقي تتروشين !
رهى : صدقت لما سميتك ابرار المزعجه ! صلي على النبي توها الساعه 4:00
ابرار : طيب باقي الشعر و الميكب و اللبس و حوسه !
رهى : تمام بس 10 دقايق و اكون عندك
ابرار : ترا بحسب لك 10 دقايق بالضبط
رهى : طييييب
ابرار ضحكت و راحت تكمل شعرها
بعد 10 دقايق طلعت رهى و هي لابسه بجامه عشان تسوي شعرها و الميكب بعدين تلبس فستانها
رهى : ايش رايك تطلبين اكل لاني ما اكلت شي
ابرار : من عيوني كم رهى عندي انا ؟
رهى : قلبي انتي ههههههه
أنت تقرأ
Obsession - هوس
Mystery / Thrillerعندما وصلني خبر وفاتك لم استطيع ايقاف دمعي و لازلت اتساءل هل هذا هو الحب ؟ هل ان خبر وفاتها يهز كياني و يبكيني انا الذي لا يبكي ؟
