رجعت جلست عند جُمان و قالت بلطافه : جُماني تحتاجي مساعده ؟ اجيب لك قهوه شي؟ جُمان: لا ما يحتاج يا عيوني نيار : الا الا يحتاج بقوم اطلب لنا قهوه و حلا و اتركي الشغل شوي معليك ما بخليه يهاوشك ترددت تقول اسمه او لا بما انهم ينادونه الرئيس فقررت ما تتكلم طلعت و دخلت مكتب سعود و جت وراه و هو يشتغل و صارت تسوي له مساج و قالت : اطلب لنا قهوه و حلا بسرق جُماني شوي سعود بدراما : مسرع صارت جُمانك ! بعدين لا تنادين احد بياء التملك غيري تمام ؟ نيار ضحكت بدلع و قالت : انتظر القهوه و الحلا يا سعّودي تعرف طلبي كولد برو و جيب ايس امريكانو لجُمان سعود : تم طلب لهم واحد كولد برو و واحد ايس اميركانو و كوكيز و كيك نيار طلعت و هي مبتسمه همست لنفسها : yeeeeees! وربي انه خروف ! ما انتبه اني قرأت ! دخلت عند جُمان و قالت : جوجو حبيبي طلبت لم امريكانو يعجبك صح ؟ جُمان: ايه هو طلبي اصلا نيار : كويس ، كملي شغلك لين توصل القهوه بعدها ما اسمح لك تشتغلين ! جُمان بضحكه : تم كملت جُمان شغلها اما نيار فتحت محادثه المعيوف _________________________________________ عند المعيوف بحكم انه يعرف زملاء نيار في العمل و يعرفونه دق على فيصل رئيس القسم (فيصل خويه من قبل يعرف نيار ) المعيوف بروقان : فصفصي فيصل بتذمر : ولد كم مرا اقولك ما احب ذا الاسم ! بعدين تعال وش عندك مروق ؟ المعيوف : جايك المركز الان عندي سالفه فيصل بقلق : الله يستر من روقانك ذا ! فعلا كم دقيقه و كان عنده بحكم انه كلمه و هو بالسياره نزل و سلم على اي احد لقيه بوجهه من الروقان دخل عند فيصل و قال : السلام عليكم يا حب فيصل باستنكار : ياخي انت مو كنت مكتئب قبل يومين ؟ المعيوف بتذمر : وجع ! معلينا بسمعك فويس و تعرف ليه مروق فيصل : جاي و متعب نفسك عشان فويس ؟ لا لا انت انهبلت فعلا المعيوف طنشه و شغل فويس نيار و هو يشوف وجهه فيصل الي يتغير من صدمه لفرح لغضب لابتسامه فيصل بفرح : امنتك بالله ذي نيار ؟ المعيوف : والله نيار ! عرفت ليه مروق ؟؟ فيصل : من حقك تروق ذي حبيبه القلب 😉 المعيوف : صبر رسلت رساله نيار : اكتشفت شي جديد ، الثلاثاء الساعه 1:00 الفجر في عمليه نقل مخدرات و خمر بكميات كبيره بيشرف عليها سعود بنفسه يعني بعد يومين ! انتبهو تغلطون !!! الموقع حي ***** طريق ****** نيار : ارسلها لفصفصي قله توي اتذكره ههههههههه فيصل : يليل اخلص منك تجي زوجتك ! بس والله ذكييه اخ من زمان ما دخلنا بمهمه سوا ! المعيوف : نياري الذكيه احببها فيصل : ايه صح خلي اخوياك يجون لازم تكونون تحت حمايتي بأمر من جاسوستي الذكيه نيار ! المعيوف : لا تحتك بس ! الحين اناديهم دق على جمال و ياسر و فعلا وصلو بعد نص ساعه ياسر بتذمر : وش تبي انت ؟ المعيوف : اسمع و تعرف سمعهم الفويس ياسر :✨ الغاليين علي ✨ ما توقعت جمال : رجع الاكشن لحياتنا حماس ! تعبت من ايم الاكتأب ذيك ياسر : الله لا يردها من ايام المعيوف : يارب تخلص مهمتها بسرعه مو قادر انتظر ! جمال بضحكه : وين الي يقول انتظرك ثلاثه شهور و شوي ما بنتظر كم يوم ؟ المعيوف : اكذب بس عشان ما تزعل عشاني ! ياسر: زوج مهتم حلم كل بنت ههههههههههه فيصل للمعيوف : معليك منهم والله انك كفو ههههههه ياسر : وش قلت طيب وي !🤨 فيصل : شخصوني ! من متى ؟ جمال : يقلد البليهي الهطف ذا هههههههه ياسر : المفروض انا اطحن خواطرك مو انت هههههههه فيصل : والله مو صاحيين انهبلتو ، المهم هذا مفتاح فله في حي ***** و بخلي معكم كم عسكري يعني تقعدون مع بعض و لو صار شي يحمونكم و يجيبون نواقصكم المعيوف : تم طلع فيصل و نادى كم عسكري و علمهم المطلوب منهم _________________________________________ عند نيار وصلت القهوه اخذتها و راحت لجُمان قعدو يسولفون نيار بابتسامه : كيف زوجي معكم ؟ عساه زين ؟ ولا عصبي ! قولي معليك خلينا نحش فيه سوا جُمان : والله دايم يعصب على العيال بذات براء و سعد و مازن ! بدر مو مرا يعصب عليه بس انا احاول ما احتك فيه بس اخلص شغلي كويس و اطلع لاني ما اتحمل احد يعصب علي يعني عادي انطرد لاني تهاوشت معه نيار بابتسامه: ليه هم بذات ما فهمت ؟ جُمان : اظن انهم يشتغلون شغل غير عننا يعني عندهم وظيفتين ف ما يبغاهم يقصرون في وظيفتهم بسبب الوظيفه الثانيه نيار : اوكييييه ! قعدت تسولف معها لعل وعسى تسحب منها كلام بس للاسف واضح جُمان ما تعرف شي يدوب تسوي شغلها ك سكرتيره و تمشي ! تذمرت بخفه و قالت : يلا سلام لازم امشي جُمان بلطف : سلام لازم نتقابل حبيتك نيار راحت لسعود و قالت : هلا سعود : يلا مشينا ؟ نيار : يلا حبيبي قالتها و هي متقرفه منه بس لازم تمثل مو عشان نفسها عشان معيوفها لازم تتحمل ! في السياره سعود : والله جوعااان يبغالها بخاري مع الشطه و السلطه يوووه و الببسي البارد على كيف كيفك ! نيار : حتى انا جوعان مر محل بخاري اطلب لنا سعود : تم راح محل بخاري و طلب لهم و أخذه و توجه للبيت قعدو ياكلون نيار : سعّودي سعود : عيونه نيار : تسلم عيونك ، وش رايك نروح شاليه بعد يومين ؟ سعود : شوفي انتي طلباتك أوامر يا حبيبه قلبي بس بعد يومين عندي شغل مهم خليها بعد اسبوع و ابشري من العين ذي قبل العين ذي نيار : اوف تمام سعود : يلا بعوضك بطلعه للبوليفارد في الليل تمام ؟ نيار حضنته و قالت: شكرا حبيبيي قامت اخذت شاور و نشفت شعرها و خلته ستريت على طبيعته و لبست بنطلون جينز فاتح مع بدي ازرق و قميص ابيض و حطت ميكب ناعم و طبيعي لبس نيار :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما سعود ف لبس بنطلون اسود و تيشيرت ابيض عليه عبارات كبيره من ورا باللون الأزرق في السياره شغلت اغنيه ذا ويكند : blinding lights (لابد من لمسات ذا ويكند فكل رواياتي ههههههههه) كان الصمت الغريب طول الطريق يوترها ما تسمع الا صوت الاغنيه وصلو للبوليفارد اخيرا تنهدت براحه و همست : اوه اخيرا وصلنا سعود شبك يدينهم و قال : كذا احلا نيار بابتسامه خفيفه: صح لف وجهه و هي شمقت و ابتسمت بدو يتمشون و يلعبون الألعاب سعود : اختاري بسرعه الموزه ولا الدبدوب ذا ؟ نيار :كلهم حلوين بس جيب الدبدوب سعود جاب الدبدوب و قال : صبر لعب من جديد و فاز و جاب لها الموزه نيار بسعاده مصطنعه : شكراا حبي سعود اشر على خده و قال : كذا أفضل ولا ؟ نيار باست خده و هي تلعنه في قلبها سعود : حبيبي انتي نيار اكتفت بأنها تبتسم بخجل مصطنع [اوف يا ربي كيف بتحمل الغثيث ذا ؟ تحملي عشان المعيوف عشان حبيبك الحلو ! ] ابتسمت بمجرد تفكيرها فيه و قاطعها صوت سعود يقول : حبيبي نرجع ؟ نيار : ايه يلا طلعو السياره و رجعو للصمت الغريب بعد مده وصلو البيت دخلو و لقو بدر في الصاله بدر : اووه اهلا نيار و سعود : هلاا جلسو معه و تابعو فيلم سوا و بعد مت خلص الفيلم كانو بيطلعو بس قاطعهم سؤال بدر بدر : مو ناويين تجيبون لنا ورع ؟ 😉 _________________________________________ بارتين في نفس اليوم دلعتكمم ! ودي اذبح احد مو مرتاحه للسعاده ذي 😭😭 واضح ادمنت الحزن ههههههههه أفكاري بدت تخلص يعني يمكن عندي فكره للبارت الجاي بس و ما ودي اختم بدري زي الي قبلها اعطوني افكار بليييز + دام نزلت بارتين اليوم ف ما اضمن لكم اني انزل بارت بكرا
